INṬANNA 1:29 - Pathien Lekhabu Inthieng (BSI)

²⁹ Chun, Pathien bawkin, “Ngai ta u, hnuoi chung po poa um thlai chi nei tinrêng le thing tinrêng chi nei ra um hai chu ka pêk cheu a nih: in bu ding nîng an tih.

INṬANNA 1:29 ပူးပေါင်းရင်းမြစ်များ

INṬANNA 2:16

Chun, LALPA Pathien chun mihriem kuomah, “Huona thing tinrêng rahai hi i nuom nuomin i fâk thei a,

INṬANNA 6:21

Chun, bu fâk hlak ang chi po po la la, i kuomah sie khâwm rawh; chuongchun, nangni le anni ta dingin bu nîng a tih,” a ta.

INṬANNA 9:3

Thilhring chângthei tinrênghai chu in ta dingin fâk ding nîng an ta; thlai hring ka pêk ang cheu khan iengkim ka pêk vawng cheu.

JOB LEKHABU (THE BOOK OF JOB) 36:31

Hieng thilhai hin mipuihai ro chu a rêl sih a, Ama chun fâk ding tamtakin a pêk a.

INPÂKNA HLABU 111:5

Ama ṭituhai kuoma chun fâk ding a pêk a, A thuthlung chu kumkhuoin hre zing a tih.

INPÂKNA HLABU 115:16

Vânhai khi LALPA vânhai a na, Leihnuoi ruok hi chu mihriem nauhai kuomah a pêk a nih.

INPÂKNA HLABU 136:25

Ama chun tisa po po kuoma chun fâk ding a pêk hlak a: A ngilneina chu kumkhaw- tluongin a um ding a ni sih a.

INPÂKNA HLABU 146:7

Ama chun nêksâwrna tuorhai ta dingin ro a rêl hlak, Ama chun phîngṭâmhai kuomah bu a pêk hlak. LALPA chun mi intânghai chu ân suoktir hlak.

INPÂKNA HLABU 147:9

Ama chun sa kuomah a fâk ding a pêk hlak a, Vaâk tê inhrâm inhrâmhai kuoma leh.

INPÂKNA HLABU 24:1

Leilung hi LALPA ta a na, a sûnga um po pohai leh, Khawvêl le a sûnga chênghai le hin.

ISAI 33:16

ama chu chungtieng chun um a ta, a kulbîng insânghai chu lungpui kulbînghai chu nîng a tih: bu chu a kuoma pêk nîng a ta, a tuihai chu um ngei ngei a tih.

HOSEA 2:8

Bu dâm, uoin dâm, hriek dâm hi, Tangka ka sukpungpêkhai hi, Rângkachak Baal ta dinga an hmanghai leh; Keima pêk a nih ti a hriet si nawh a;

MATTHAI 6:11

Vawisûn hin kan fâkkhawpin bu mi pe la,

THILTHAWHAI 14:17

Nisienlakhawm, ama inhriettir- na um loin ân siem ngai nawh. Chuongchun, thil a thaw ṭha hlak a, vâna inthawka ruohai le kum ṭhat kumhai a pêk cheu a, in lungril fâk ding le lâwmnain a suktlaipêk hlak cheu kha,” an ta.

THILTHAWHAI 17:28

Ama leiin, ei hring, ei châng, ei um a ni sih a; nangni hlaphuokthiem tuhai amani khawmin, ‘Eini khawm a thlahai ei nih,’ tia an hril ang khan.

1 TIMOTHE 4:3

innei an khap hlak a, iengkhat fâk dinghai (thutak hrea ringtuhai lâwmthu hrila pawm dinga Pathienin a isiemhai chu) fâk naw ding an ti hlak.

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat loa, thil po po lâwm- na dinga mi petu Pathien chunga chun innghat lem dingin kâwk rawh.