INṬANNA 1:24 - Pathien Lekhabu Inthieng (BSI)

²⁴ Chun, Pathienin, “Hnuoi chun thilsiem hringna neihai, anni chi um dân ding ang sengin: ran, thilhring hnuoia bawkinvâka lâwnhai le ramsahai, anni chi um dân ding ang sengin insuo raw se,” a ta: chuong angtak chu a hung ni tah a.

INṬANNA 1:24 ပူးပေါင်းရင်းမြစ်များ

INṬANNA 1:23

Chuongchun, zântieng a um a, zîngtieng a um bawk a; chu chu ni ngana.

INṬANNA 2:19

Chun, LALPA Pathien chun pilin ramsa tinrêng le chunglêng vate tinrêng chu a siem a; an hmingah ieng ieng am ân bûk ding ti hrietna dingin mihriem kuoma chun a ṭhuoi tâwl a; chun, thilhring tinrênghai chu mihriem chun an hming a lo inbûk po chu an hming a ni sawng tah a.

INṬANNA 6:20

Vatehai anni chi umdân ang sengin, ranhai anni chi umdân ang sengin, thilhring hnuoia bawkinvâk chi tinrêng anni chi umdân ang sengin, chi tin pahni pei a hringa um dingin, i kuomah an hung ve ding a nih.

INṬANNA 7:14

anni chu an lût a, sa tinrêng mâni chi um dân ang sengin, ran po po mâni chi um dân ang sengin, thilhring hnuoia bawkinvâka lâwn chi tinrêng mâni chi um dân ang sengin, vate tinrêng mâni chi um dân ang sengin, vate thla nei tinrêng chu an lût seng bawk a.

INṬANNA 8:19

sa tinrêng dâm, thilhring tinrêng dâm, vate tinrêng dâm, hnuoi chunga chângthei taphawthai chu anni chi umdân ang sengin lawnga inthawk chun an suok tah a.

JOB LEKHABU (THE BOOK OF JOB) 39:1

“Râwla sakêl chun ieng hun laiin am tê a nei ti i hriet am? Sazuk chun tê a nei lai în chik thei am?

JOB LEKHABU (THE BOOK OF JOB) 39:19

“Sakawr chu a hrâtna nangin i pêk am a nih? A rîng chu thahrui chun în thuom bawk am a nih?

JOB LEKHABU (THE BOOK OF JOB) 39:5

Ram sabengtung chu tuin am zalênin ân suoktir a? Annawleh, ram sabengtung thlungna hruihai chu tuin am a sût a?

JOB LEKHABU (THE BOOK OF JOB) 39:9

“Ramsiel chu nangma rawng bâwl dingin a lungawi ding am a nih? Annawleh, i ran ina chun a chêng ding am a nih?

JOB LEKHABU (THE BOOK OF JOB) 40:15

“Ngai ta, tuhin tuisamak nanga anga ka siem chun, Sebâwngchal angin hlobet a fâk a nih.

INPÂKNA HLABU 104:18

Tlâng insânghai chu sakêl ta ding a na, Lungpuihai chu mazupui ta dinga inhumhimna a nih.

INPÂKNA HLABU 104:23

Mihriem chu sinthaw dingin a suok a, Zântieng chenin inrimtakin a thaw hlak.

INPÂKNA HLABU 148:10

Ram sa le ran po pohai, Thilhring le chunglêng vatehai;