INṬANNA 1:12 - Pathien Lekhabu Inthieng (BSI)

¹² Hnuoi chun hlo dâm, thlai mâni um dân ding anga chi nei dâm, thing mâni chi um dân ding anga ra, a ra sûnga a chi um dâm chu ân suo tah a: Pathienin a en a, ṭha a ti hleh a.

INṬANNA 1:12 ပူးပေါင်းရင်းမြစ်များ

INṬANNA 1:11

Chun, Pathienin, “Hnuoi hin hlo dâm, thlai chi nei dâm, thei kûng hnuoi chunga mâni chi um dân ding anga ra, a ra sûnga a chi um dâm chu hung insuo raw se,” a ta: chuong angtak chun a hung um tah a.

INṬANNA 1:13

Chuongchun, zântieng a um a, zîngtieng a um bawk a, chu chu ni thumna.

INPÂKNA HLABU 104:14

Hlobet chu ranhai ta dingin ân mâwngtir a, Thlai chu mihriem hmang dingin ân mâwngtir bawk a, Hnuoia inthawk fâk ding ân suoktir theina dingin.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, LALPA Pathien chun felna le inpâkna hnam tinrêng hmaa chun ân dertir ding a ni sih a.

MARKA 4:28

Hnuoi hin amain ra a hung insuo hlak, a phut chun a kûng, chu zoa chun a ra, chun chu zo nâwka chun a vûia bu mal kim chu.

LUKA 6:44

Thing tin anni ra sengah ân hriet a nih. Mîn hruihlingnei kûngah theichang an lo ngai nawh, nghardai kûngah grêp an lo ngai bawk nawh.

2 KORINTH 9:10

Chun, thetu kuoma chi petu le, fâk dinga bei petu chun in the ding chi chu pe cheuin, sukpung pêk a ti cheu a, in felna ra chu sukhlâwkpêk a ti cheu.

GALATI 6:7

Hlêmin um naw ro; Pathien chu hmusit zie a ni nawh; miin a ithe ang ang, chu bawk chu a sîk ding a ni sih a.

HEBRAIHAI 6:7

Hnuoi, a chunga ruotui tla rawp lo dâwn taa, thloa a umna sanhai ta dinga thlai fâk tlâk hung insuotu chun, Pathiena inthawkin malsâwm- na a hmu hlak a nih.