INṬANNA 1:11 - Pathien Lekhabu Inthieng (BSI)

¹¹ Chun, Pathienin, “Hnuoi hin hlo dâm, thlai chi nei dâm, thei kûng hnuoi chunga mâni chi um dân ding anga ra, a ra sûnga a chi um dâm chu hung insuo raw se,” a ta: chuong angtak chun a hung um tah a.

INṬANNA 1:11 ပူးပေါင်းရင်းမြစ်များ

INṬANNA 1:12

Hnuoi chun hlo dâm, thlai mâni um dân ding anga chi nei dâm, thing mâni chi um dân ding anga ra, a ra sûnga a chi um dâm chu ân suo tah a: Pathienin a en a, ṭha a ti hleh a.

INṬANNA 1:29

Chun, Pathien bawkin, “Ngai ta u, hnuoi chung po poa um thlai chi nei tinrêng le thing tinrêng chi nei ra um hai chu ka pêk cheu a nih: in bu ding nîng an tih.

INṬANNA 2:16

Chun, LALPA Pathien chun mihriem kuomah, “Huona thing tinrêng rahai hi i nuom nuomin i fâk thei a,

INṬANNA 2:5

Hnuoia hlo hrim hrim hi hnuoiah a la um nawh a, hnuoia thlai hrim hrim khawm hi a mâwng bawk nawh. LALPA Pathienin hnuoi chungah ruo a lân sûrtir si nawh a, hnuoi inlettu dingin mihriem hlak an la um bawk nawh;

INṬANNA 2:9

Chun, hnuoia inthawkin, LALPA Pathienin thing mitlatak le fâkmi tinrêng ân mâwngtir a; hringna thing khawm huon lailung taka chun ân mâwngtir bawk a; a suol le a ṭha hrietna thing khawm.

JOB LEKHABU (THE BOOK OF JOB) 28:5

Hnuoi ruok chu amaa inthawk chun bei a hung suok a, A hnuoitieng chu, inlet chun chu mei ang el a nih.

INPÂKNA HLABU 1:3

Ama chu tuiluong kâwla thing phun, A huntaka ra insuo hlak, A hna khawm vuoi ngailo ang hi a nih: A thilthaw taphawt chu hlawtling pei a tih.

INPÂKNA HLABU 147:8

Ama chun vân khi sûm ân zâm hlietir a, Leihnuoi ta dingin ruo a buotsai a, Tlângahai chun hlobet ân mâwngtir hlak.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, LALPA Pathien chun felna le inpâkna hnam tinrêng hmaa chun ân dertir ding a ni sih a.

JEREMIA 17:8

Tuihai sîra thing phun, a zunghai khawm vadunga kai ang, lumna a hung tlung pha khawma ṭi lo, a hnahai hring zing lem, khaw inṭhâl kuma hai khawm pawisa lo, ra insuo zing hlak ang a nih.

MATTHAI 3:10

Tuta inthawk el khawmin thing bul tinah hreipui an sie tah; chuong- chun, thing tin ra ṭhaa ra naw phawt chu an phûr a, meiah an pei hlak.

MATTHAI 6:30

Chuongchun, ram hlohna, vawi- sûn anga hringa, a zînga thuka ti nâwk el ding hman Pathienin chuong ang lâwma a chei chun, aw! nangni ringna tlâwmhai, silfên a pêk lem hman hman ding cheu a ni naw am a nih?

MARKA 4:28

Hnuoi hin amain ra a hung insuo hlak, a phut chun a kûng, chu zoa chun a ra, chun chu zo nâwka chun a vûia bu mal kim chu.

1 KORINTH 15:38

nisienlakhawm, Pathienin ama nuom ang peiin taksa a pêk hlak, a mal tin kuomah mani taksa seng chu.

HEBRAIHAI 6:7

Hnuoi, a chunga ruotui tla rawp lo dâwn taa, thloa a umna sanhai ta dinga thlai fâk tlâk hung insuotu chun, Pathiena inthawkin malsâwm- na a hmu hlak a nih.

JAKOB 3:12

Ka unauhai, theichang kûngah oliv thei a ra thei am a nih? annawleh, grêp hruiah theichang a ra thei am a nih? Chuong ang bawkin chi khur hin tui al naw a suksuok thei bawk nawh.