INṬANNA 1:1 - Pathien Lekhabu Inthieng (BSI)

¹ A tîrin Pathienin hnuoi le vân a siem a.

INṬANNA 1:1 ပူးပေါင်းရင်းမြစ်များ

2 LALHAI 19:15

Chun, Hezekia chu LALPA hmaah a ṭawngṭai a, “Aw LALPA, cherubhai chunga ṭhung, Israel Pa- thien, nang, nang chau hi hnuoi chung ram po po Pathien chu i nih; hnuoi le vân hi nangma siem a nih.

1 CHANCHIN SUINA 16:26

Mipuihai pathienhai chu milimhai an ni sih a, LALPA ruok chun vânhai khi a siem a nih.

2 CHANCHIN SUINA 2:11

Tura lal Huram chun ziekin a dawn a, chu chu Solomon kuomah a thawn a, “LALPA chun a mihai a lunginsiet leiin an chunga lalah a siem che a nih,” tiin.

NEHEMIA 9:6

“Nangma chau hi LALPA i na, vânhai vân le a sûnga um po pohai le, leihnuoi le a sûnga um po pohai leh, tuisuoriet le a sûnga umhai po po leh i siem a, a rêng chun i kawl ṭha hlak a; chun, vâna umhai chun chibai an bûk hlak che kha.

JOB LEKHABU (THE BOOK OF JOB) 26:13

A thuok chun vânhai chu cheimawiin a um a; A kut chun rûlpui intawl lai chu a sunthleng tah a.

JOB LEKHABU (THE BOOK OF JOB) 38:4

Hnuoi lungphûmhai ka phûm laiin nang chu khaw lai am i um a? Hriethiemna i nei chun mi hril rawh.

JOB LEKHABU (THE BOOK OF JOB) 9:8

Ama chun vânhai chu a keiphar a; Tuisuoriet fâwnhai chungah kal a chawi a.

INPÂKNA HLABU 102:25

Leihnuoi innghatsan chu tiena i phûm tah a na, Vânhai khawm i kutsuok an nih.

INPÂKNA HLABU 104:24

Aw LALPA, i thilthawhai chu a va tam de! Varnain i siem vawng a nih: Leihnuoi hi i hausaknain a sip a ni hi.

INPÂKNA HLABU 104:30

I thlarau chu i tir suok a, siemin an um hlak; Hnuoi chung khawm hi i siem thar nâwk hlak.

INPÂKNA HLABU 115:15

LALPA chun mal sâwm raw se cheu, Ama chu hnuoi le vân siemtu a nih.

INPÂKNA HLABU 121:2

A mi ṭhangpuina ding chu LALPA, Hnuoi le vân siemtu kuoma inthawkin hung tlung a tih.

INPÂKNA HLABU 124:8

Eini mi ṭhangpuina ding chu, LALPA hnuoi le vân siemtu hmingah a um,” tiin.

INPÂKNA HLABU 134:3

LALPA chun Ziona inthawkin malsâwm raw se cheu, Hnuoi le vân siemtu ngei chun.

INPÂKNA HLABU 136:5

Varnaa vân siemtu kuoma chun: A ngilneina chu kumkhaw- tluongin a um ding a ni sih a.

INPÂKNA HLABU 146:6

Ama chu hnuoi dâm, vân dâm, Tuisuoriet dâm le an sûnga um po po siemtu a nih; Ama chun thutak kumkhuoa dingin a vawng ṭha hlak a nih.

INPÂKNA HLABU 33:6

LALPA thuin vânhai chu siem a na, Chuonga umhai po po khawm chu a baua thuok chun siem an ni bawk a.

INPÂKNA HLABU 33:9

Ama chun a hril a, a hung um tah a, Thu a pêk a, a hung det ta sih a.

INPÂKNA HLABU 8:3

I vân, i kutsuokhai, Thla le arasi i ruothai khi ka ngaituo châng chun,

INPÂKNA HLABU 8:4

Mihriem hi ieng am a na, i hriet zing hlak a na? Mihriem naupa khawm hi ieng am a nih a i kan hlak a na? ka ti hlak.

INPÂKNA HLABU 90:2

Tlânghai insieng hmaha, Leihnuoi le khawvêl în ngîr hma khawm khan, Chatuona inthawka chatuon chenin nang chu Pathien i nih.

INPÂKNA HLABU 96:5

Mipuihai pathienhai chu milimhai an ni sih a, LALPA ruok chun vânhai khi a siem a nih.

FESUOKNA 20:11

ni ruk sûngin LALPA chun vân le hnuoi, tuipui le an sûnga um po po le chun a siem zo vawng a, a ni sari ni chun a châwl sih a; chuongchun, LALPAIN châwlni chu mal a sâwm a, ân ser tah a.

FESUOKNA 31:18

Chun, Sinai tlâng chunga ama le inbiekna chu a suktâwp chun Thuthlung phêk hni, lung phêk pahni Pathien kut ngeia ziekhai chu Mosie kuomah a pêk tah a.

THUVARHAI 16:4

LALPA chun thil tinrêng hi san nei sengin a siem a, Anih, mi khawhlo ngei khawm chu ni ṭha nawa dingin.

THUVARHAI 3:19

LALPA chun varnain hnuoi chu a hmu suok a; Hrietthiemnain vânhai chu ân ngîr bawk a.

THUHRILTU 12:1

I vânglai nihaia chun nangma Siemtu che chu hre zing la, kumhai a hung hnai a, ni ṭha nawhai a hung tlung hma le;

ISAI 37:16

“Aw sipaihai LALPA, Israel Pathien, cherubhai chunga ṭhung, nang hi, nang chau hi, hnuoi chunga um po pohai Pathien chu i nih, nang chun hnuoi le vân hi i siem a nih.

ISAI 40:21

In lungrilin in hriet ngai naw am a nih? In nain in hriet ngai naw am a nih? A tira inthawk khan an hril naw cheu am a nih? Leihnuoi insieng tira inthawk khan in hrietthiem naw am a nih?

ISAI 40:26

Chungtienga khin in mithai hang inlên unla, khienghai khi tu siem am an na, en ta u: ama chun sipaihai khi indawt peiin a ṭhuoi suok hlak a, an hmingin a ko seng hlak a; a hrâtna nasat lei le, thilthawtheina tienga a hrât leiin pakhat khawm kim naw an um ngai nawh.

ISAI 40:28

In lungrilin in hriet zing hlak nâwm a nih? In nain in hriet ngai nâwm a nih? Kumkhaw Pathien, LALPA, kâwlkawdawng chen Siemtu chu, a châu ngai nawh a, a sâwl ngai bawk nawzie hi; a hrietthiemzie chu zawng suok ruol a ni nawh.

ISAI 42:5

Pathien, LALPA, vân siemtu, keiphartu, hnuoi le a sûnga inthawka suok po po suklientu, a chunga mihai kuoma inthuokna petu chun hieng ang hin a tih:

ISAI 44:24

LALPA, nangni intlantu, sula inthawka nangni inngîrtu cheu chun hieng hin a tih, “Kei hi LALPA, thil po po siemtu, mâni chaua vân keiphar- tu, hnuoi suklientu chu ka nih; tu am ka kuomah a um a?

ISAI 45:18

LALPA vân siemtu (ama chu Pathien), leihnuoi hi inngira siemtu chu (ama chun leihnuoi hi a sukdet a, iengkhawm ni loin a siem nawh a, mihriem umna dingin ân ngîr lem a nih) hieng ang hin a ti sih a, “Kei hi LALPA chu ka na, a dang hrim hrim an um nawh.

ISAI 51:13

LALPA nangni siemtu, vân kei- phara leihnuoi innghatsanhai phûm- tu theinghila, nêksâwrtu sukse dinga a tin lai lunginsenna lei ngawta sûnnithlâka ṭi zing chu, tu am i nih a? Nêksâwrtu lunginsenna chu khâwlai am a um ta a le?

ISAI 51:16

Chun, vân khi ka keiphar thei a, leihnuoi innghatsan chu ka phûm thei a, Zionhai kuomah, “Ka mihai in nih,” ka ti theina dingin ka thuhai chu i bauah ka sie a, ka kutin ka hum che a nih.

ISAI 65:17

Ngai ta u, vân tharhai le hnuoi thar ka siem a ni hi; kha hmaa thilhai chu hriet zingin um ta naw nih a; lungrila khawm lût ta bawk naw ni.

JEREMIA 10:12

A thilthawtheina chun hnuoi chu a siem a, a varna chun khawvêl chu a lo tungding tah a, a hrietthiem- nahai chun vânhai khawm chu a lo keiphar tah a;

JEREMIA 32:17

‘Aw LALPA Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um nawh a;

JEREMIA 51:15

“A thilthawtheinân hnuoi chu a siem a, a varnain khawvêl chu a tungding a, a hrietthiemna chun vân- hai khi a keiphar bawk a;

ZEKARIA 12:1

Israel chungthua LALPA thu phurrik chu, Vânhai chu kei- phar a, leihnuoi lungphûmhai chu phûm a, mihriem chu a sûnga a thlarau siempêktu LALPA chun hieng hin a tih:

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i phuong lei hin kân pâk che.

MARKA 13:19

Chuong ni chu rimsik ni a ni ding a ni sih a; chuong anga nasa hrim hrim chu Pathien isiem leilung insieng tîra inthawk tu chen hin a la um ngai nawh a, iengtika khawm hung um nâwk ta naw bawk a tih.

THILTHAWHAI 14:15

“Puhai, iengdinga hieng thilhai hi in thaw am a na? Keini khawm in nungchang ang put mihriem kan ni hi; hieng thil teplohai hi in nghatsan a, vân hai, hnuoi hai, tuisuoriet hai, an sûnga um po pohai siemtu Pathien hring kuoma chun in hung kawpna dingin Chanchin Ṭha kan hung intlun cheu a ni hi.

THILTHAWHAI 17:24

Pathien, khawvêl le a sûnga thil po po siemtu chu, hnuoi le vân lal a ni leiin, kuta bâwl inhaiah a um nawh.

THILTHAWHAI 4:24

Chuongchun, a ngaihai chun a ruolin rawl inringtakin Pathien kuomah, “Lalpa, nang hnuoi hai, vân hai, tuisuoriet hai, a sûnga um po pohai siemtu i nih;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:36

Amaa inthawk le ama zâr le, ama ta dinga thil po po a hung um a ni sih a; ama kuoma chun chatuonin ropuina chu um raw se. Amen.

1 KORINTH 8:6

Eini ta ding chun Pathien pakhat chau (Pa chu) a um a, ama kuoma inthawkin tinrêng a suok a, eini khawm ama ta dinga um ei nih; Lalpa pakhat chau (Isu Krista chu) a um bawk a, ama leiin iengkim a um a, eini khawm ama lei bawka um ei nih.

EPHESI 3:9

thurûk chatuona inthawka Pathien iengkim siemtua inthupa um enkawlna chu ieng am a ni ti mi po po inhriettir dingin.

HEBRAIHAI 1:10

“Nang Lalpa, a tîrin, Leilung innghatsan i phûm tah a, Vânhai khawm i kutsuok a na,

HEBRAIHAI 1:2

hieng ni tâwpa hin eini kuomah a Naupaa chun thu a hril tah. Ama chu iengkim rohluotu dingin a ruot a, amaa bawk chun khawvêlhai chu a siem a.

HEBRAIHAI 11:3

Ringnain khawvêlhai hi Pathien thua siem fel diem a ni ta ti ei hriet, chuongchun, thil hmu theihai hi thil inlang theihaia siem a ni nawh.

HEBRAIHAI 3:4

Sûng tin hin a puipa tu amanih bêk an nei seng hlak sih a, iengkima a puipa ruok chu Pathien a nih.

2 PETER 3:5

Hieng hi an theinghil tehlêm hlak si; Pathien thuin tienlaiin vânhai a hung um a, hnuoi khawm tuia inthawka siemin tui laia hai chun a lo um a;

1 JOHAN 1:1

Hringna Thu a tîra inthawka um kha, kan nâin kan ihriet kha, kan mitin kan ihmu kha, kan en zinga kan kuta kan idap kha, chu chu chanchin chu;

THUPUONGSUO 10:6

chatuona hring zing, vân, a chunga thil umhai le hnuoi, a chunga thil umhai le, tuisuoriet, a sûnga thil umhai le siemtu chu sâlin, “Hun um ta naw ni.

THUPUONGSUO 14:7

Ama chun rawl inringtakin, “A rorêl hun chu a hung tlung ta leiin Pathien chu ṭi unla, chawimawi ro; vân dâm, hnuoi dâm, tuisuoriet dâm, tui hnâr dâm siemtu chu chibai bûk ro,” a tih a.

THUPUONGSUO 21:6

Chun, ka kuomah, “A hung tlung tah. Kei Alpha le Omega, a Bul le a Tâwp ka nih; dangchâr taphawt kuoma chun Hringna Tuikhura in- thawkin a thlâwnin pêng ka tih.

THUPUONGSUO 22:13

Kei Alpha le Omega, a Hmasa- tak le a Nuhnungtak, a Bul le a Tâwp ka nih.

THUPUONGSUO 3:14

“Chun, Laodikeia tirko kuoma chun hieng hin ziek rawh:— “Amen, thuhretu ringum le indik- tak, Pathien thilsiem bul khan, hieng thu hi a hril a nih;

THUPUONGSUO 4:11

“Nang kan Lalpa le kan Pathien, Ropuina dâm, chawimawina dâm, thilthawtheina dâm chu Hmu tlâk i nih ie, Nangin iengkim i siem a, I dit leia um le siem An ni bawk sih a,” tiin.