HOSEA 9:7 - Pathien Lekhabu Inthieng (BSI)

⁷ Hremna nihai chu a hung tlung a, Thungna nihai chu a hung tlung ie! Israel chun chu chu hrieng a ta; I rîtlona chu a tamin intaina a tam leiin. Zâwlnei chu ân vêt a, thlarau nei mi chu mi invêt a nih.

HOSEA 9:7 ပူးပေါင်းရင်းမြစ်များ

2 LALHAI 9:11

Chuongchun, kawt a hawng a, a tlân suok tah a. Chun, Jehu chu a pu upahai lai chun a hung suok a; pakhat chun a kuomah, “Ṭha tieng thu am a nih? Kha invêtpa kha i kuoma iengtiziea hung am a ni leh?” a ta. Chun, ama chun an kuomah, “In hriet mi a na, a thu hril khawm kha in hriet annâwm,” a ta.

ISAI 10:3

Chuongchun, an hung kan nia cheu le hlataka inthawka râusanna hung tlung dinga inthawk ieng am thaw tâng in ta le? Ṭhangpuina hniin tu kuom âm tlân tâng in ta le? In ropuina chu khâw lai am mâksan tâng in ta le?

ISAI 26:11

“LALPA, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭha- hnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 34:8

LALPA phuba lâk ni a ni ta sih a; Zion sêlna kawng thua thungna kum chu.

ISAI 44:25

Kei hi khêlhliphai inchiknahai chu teploa siem a, aisânthiemhai in- vêta siemtu, mi varhai innghat kîrtir a, an hrietna invêtthlâka siemtu,

JEREMIA 10:15

Thil teplo, sinthaw nuizatum an nih; hrem an ni pha chun bohmang an tih.

JEREMIA 11:23

anni laia tukhawm hla um naw ni hai; Anathoth mihai chunga chun thil ṭha naw, anni hung hremna kum chu ka hung intlungtir ding a ni sih a,” tiin.

JEREMIA 16:18

Chun, a hmasatakin, an khaw- hlona le suolna chu a let hniin thung ka ta, ka ram chu an thil thienglo ruokhai chun an lo sukpawrche tah a, ka rochan khawm an tirdakumna chun an lo suksip ta leiin.

JEREMIA 23:13

Samaria zâwlneihaia chun in- vêtna ka hmuh a, anni chun Baal hmangin thu an hril a, ka mi Israelhai chu an insuksuoltir a.

JEREMIA 25:14

Hnam tam takhai le lal ropuihai chun anni chu anni ngei chu, suokah siem an ta; chuongchun, anni chu an kuthai sinthaw ang pei le, an thil- thawhai ang peiin ka thung ding a nih,” tiin.

JEREMIA 29:26

“Thiempu Jehoiada aia chun LALPA chun thiempuah a siem ta cheh a, chuongchun, LALPA ina chun hotu nîng i ta, chun, mi tukhawm ân vêt a, ama le ama zâwlneia ân siem chun, ama chu intângna ina siein, kawl inbuntir i tih.

JEREMIA 46:21

A sûnga mi inhlawfahai khawm chu, ran ina bâwngtêhai ang an nih; anni khawm chu an hnungkîr a, an tlân hmang hmunkhat a; an ngir hrim hrim nawh; an lunginzingna ni, anni hremna hun chu an chungah a hung tlung si a.

JEREMIA 6:14

Thlamuongna chu a um naw sa khawma, “Thlamuongna, thlamuong- na,” tiin, ka mihai insuknatnahai khawm chu an sukdam met chau a.

JEREMIA 8:11

Chun, thlamuongna ding a um naw sain, “Thlamuongna, thla- muongna,” tiin, ka chipui naunu in- suknatna chu an sukdam met chau a.

ṬAP HLA 2:14

I zâwlneihai hlakin invêtna le teplo mei mei thilhmulâwkhai chu an hmupêk cheh a; I sal nina hung lakîr dingin, i suolna hlak an hmusuok thei si nawh a. Nanga ta dingin hlêmna le, teplo thu mei mei chau chu an hmupêk cheh a.

EZEKIEL 13:10

‘Inremna,’ tiin ka mihai chu an ṭhuoi suol a; inremna chu a um nawh a, chun, miin bang a siem lai chun, ngai ta, chirhak inhnâk loin an bel a;

EZEKIEL 13:3

LALPA chun hieng hin a tih: zâwlnei invêt, iengkhawm hmu si loa mâni ngaidân ngawt zâwmtu chu a chung a rik!

EZEKIEL 25:17

Chun, kâwkna ṭiumtak leh phubalâkna nasatak chu intlungtir ka ta; chun, LALPA chu ka nih ti mi hre tâng an tih; ka phubalâkna chu an chunga kân nghat pha chun,” tiin.

EZEKIEL 38:23

Chun, kei le kei inchawimawiin, insukthieng ka ta, hnam tamtakhai mithmua chun kei chu insukhmêl- hriet ka ta; chun, LALPA chu ka nih ti mi hre tâng an tih.

EZEKIEL 9:10

Chuongchun, keia ta ding khawma, ka mitin hla naw nih a, lunginsietna nei bawk naw ning, ami- ruokchu, an suol man chu an lu chungah innghat lem ka tih,” a ta.

HOSEA 14:1

Aw Israel, LALPA i Pathien tienga chun kîr nâwk rawh, I rîtlona lei ngei chun i tlu ta hi.

HOSEA 5:9

Ephraim chu hremna nia chun sukrêm nîng a ta, Thil hung ni ngei ding chu Israelhai laia chun kân hriettir tah a nih.

HOSEA 8:13

Ka ta dinga inthawina thilinhlânhai chu! Sa an inhlân a, an fâk a; chuong chu LALPAIN a pawm nawh. Chuongchun, an rîtlona hre zing a ta, an suol hrem a ta, Anni chu Aigupta ramah kîr nâwk an tih.

HOSEA 9:8

Ephraim râl vêngtu chu ka Pathien kuoma um a na, Zâwlnei hlak chu a lampui intluonin chângkamtu châng kam a um a; A Pathien ina khawm intaina a um.

AMOS 8:2

Chun, ama chun, “Amos, ieng am i hmuh a?” a ta. Keiin, “Nisapuithei bâwm,” ka tih a. Chun, LALPA chun ka kuomah, “Ka mi Israelhai chungah tâwpna a hung tlung tah; anni chu khêl nâwk ta naw ning,” a ta.

MIKA 2:11

Mumal neilo le indik nawtaka, “Uoin le zu thu i kuomah hril ka tih,” tia miin khêl a hril chun hieng mihai zâwlnei hi ni chau a tih.

MIKA 7:4

Anni laia mi ṭhatak khawm chu buor ang a na, mi indiktak khawm chu hlohlingnei nêkin a se lem; i vêngtuhai ni, fanga i um ni ngei chu a hung tlung tah, chu chu an lungin- zîngna ni nîng a tih.

ZEPHANIA 3:4

A zâwlneihai khawm chu mi ngaisam le mi khawhlo an na, a thiempuhai hlak chun hmun inthieng chu an sukpawrche tah a, dâna chun inpâwngnêkna chu an hmang ta a nih.

MARKA 3:21

Chun, a sûnghai chun chu chu an hriet a, “ân vêt a ni chu tie,” tiin, ama man tumin an inthawk a.

LUKA 21:22

Chuong ni chu phuba lâk ni a nih, thu an ziek po po a hung tlung theina dingin.

2 KORINTH 5:13

Kan invêt leh Pathien ta ding a na, kan var leh nangni ta ding a ni sih a.

THUPUONGSUO 16:19

Chuongchun, khaw ropui chu hmun thumah a hung inṭheh a, hnam tin khuohai chu a hung chim a; chun, a lunginsen nasatna uoin no chu a kuoma pêk dingin Babulon khaw ropui chu Pathien hmaa hriet zingin a lo um tah a.