HOSEA 9:3 - Pathien Lekhabu Inthieng (BSI)

³ LALPA rama chun chêng naw ni hai a, Ephraim chu Aigupta tieng kîr lem a tih; Assuria rama chun bu thieng naw fâng an tih.

HOSEA 9:3 ပူးပေါင်းရင်းမြစ်များ

1 LALHAI 9:7

Israelhai hi ram ka pêka inthawk hin sukbohmang ka ta; chun, hi in ka hming dinga ka sukthieng ta sa hi ka mithmu phâk nawah sawnhmang dai ka tih; chuongchun, Israelhai hi hnam tinrênghai laia chun tielna le a se tieng hrilkhinaa hmang la nîng an ta;

2 LALHAI 17:6

Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

JEREMIA 16:18

Chun, a hmasatakin, an khaw- hlona le suolna chu a let hniin thung ka ta, ka ram chu an thil thienglo ruokhai chun an lo sukpawrche tah a, ka rochan khawm an tirdakumna chun an lo suksip ta leiin.

JEREMIA 2:7

Chun, ram chênghnâwngtak, chutaka ra le a ṭhatna chu fa dingin ka ṭhuoi lût cheu a; amiruokchu, in lût chun, ka ram chu in sukpawrcheh a, ka rochan chu tirdakumah in siem ta a ni kha.

ṬAP HLA 5:6

Kut chu Aigupta mihai kuomah kan daw a, Assuria mihai kuoma leh, beia suktlai dingin.

EZEKIEL 4:13

Chun, LALPA chun, “Chuong ang bawk chun Israel thlahai chun anni ka hnawt hmangna ding hnamhai kuoma chun an bei chu inthieng loin fâng an tih,” a ta.

DANIEL 1:8

Nisienlakhawm, Daniel chun a lungrilin lal bu fâk le a uoin dâwnhai chun ama chu insukpawrche lo a tum tlat a: chuongchun, mitillâkhai hotu kuoma chun ama chu ân sukpawrche naw theina ding kawng chu a hni a.

HOSEA 11:11

Aiguptaa inthawk chun chawngzawng angin, Assuriaa inthawk chun vaṭhu angin thla zâp sieu sieuin hung an tih; Chun, an in lum inhluotir ka ta, ti hi LALPA thu suok a nih.

HOSEA 11:5

Aigupta rama chun kîr nâwk ta naw ni; Nisienlakhawm, hnungkîr an nuom naw leiin, Assuria chu a lal nîng a tih.

HOSEA 7:11

Ephraim chu vaṭhu inhai, hrietthiemna nei lo ang a lo na, Aigupta tieng an ko vak a, Assuria tienga chun an fe vak a;

HOSEA 7:16

An ngha kîr a, Achunghnungtak kuomah ni loin; Thalngul rul ang an nih, An mi lienhai chu an ṭawng pâwngpawr leiin kâwlhnâmin tlûng an tih; Hi hi Aigupta rama nuizatbûr an nina nîng a tih.

HOSEA 8:13

Ka ta dinga inthawina thilinhlânhai chu! Sa an inhlân a, an fâk a; chuong chu LALPAIN a pawm nawh. Chuongchun, an rîtlona hre zing a ta, an suol hrem a ta, Anni chu Aigupta ramah kîr nâwk an tih.

HOSEA 9:6

Ngai ta u, sietna chu an mâksan a, Aigupta chun anni chu lo kei khâwm lem a tih, Memphis chun lo phûm a tih; An tangkaruo thil ditumhai chu zakthlaiin bâwm a ta, An puon inhaia chun hlo hlingnei um a tih,

LEVI DÂN 18:28

in hmaa hnam a luok dawk ang bawka in sukpawrche leia ram chun a luok dawk ve nawna ding cheuin.

LEVI DÂN 20:22

“Chuleiin, ka thupêkhai po po, ka rorêlhai po po pawmin in zâwm ding a nih; chuongchun, umna dinga ka ṭhuoina cheu ram chun luok dawk naw ni cheu.

LEVI DÂN 25:23

“Kumkhuoa dingin ram chu zawr sawng ding a ni nawh, ram chu ka ta a ni sih a; ka kuoma khawsa mikhuol le khuolchâm el in ni sih a.

AMOS 7:17

chuleiin, LALPA chun hieng ang hin a ti a nih, ‘I nuhmei chu khawpuiah nawchizawr nîng a ta, i naupasalhai, i naunuhmeihai chu kâwlhnâmin tlûng an ta; i ram chu inkhina hruiin sem an ta; chun, nangma ngei khawm ram thieng naw sûnga chun thîng i ta, matheiloin, Israel chu a rama inthawkin salah ṭhuoi hmang an tih,’ tiin,” a dawn a.

MIKA 2:10

Tho unla, fe hmang ro; hi hi in châwlna hmun a ni si nawh a; sietna nasatak chena sukse hlaktu in- thiengnawna chu a um leiin.

THILTHAWHAI 10:14

Nisienlakhawm, Peter chun, “Lalpa, ni lo e; thiengnaw le, inthiengnaw iengkhawm ka fâk ngai nawh ie,” a ta.

DÂN PAHNINA 28:63

A thawṭha ding cheu le a sukpung ding cheua LALPA chu a thafân ang khan a sukbohmang ding cheu le a sukse ding cheuin LALPA chu thafân a ta, in va hluo ding in va lûtna rama inthawk chun sawn hmang nîng in tih.

DÂN PAHNINA 28:68

‘Hmu nâwk ta naw ti niu,’ in kuoma ka ti lampuia chun lawngin Aigupta ramah LALPAIN ṭhuoi nâwk a ti cheu; chun, chutaka chun in hmêlmahai suokpa ni ding dâmin, suoknu ni ding dâmin inzawr in ta, tukhawmin an dit naw ding cheu a nih,” tiin.

DÂN PAHNINA 4:26

Jordan kâna in va hluo ding rama inthawk chun bohmang vak el in tih, ti in chungchâng thua a mi hrietpuitu dingin tuhin hnuoi le vân ka fiel a nih, chêng sâwt naw ti niu a, bohmang vawng el in tih.

JOSUA 23:15

Amiruokchu, LALPA in Pa- thienin thil ṭha in kuoma a hrilhai po po kha in chunga a hung tlung vawng ta ang bawk hin LALPA in Pathienin hi ram ṭhatak a pêk cheua inthawk hi a sukbohmang vawng hmakhat cheu LALPAIN thil ṭha nawhai in chungah la hung intlungtir vêng a tih.