HOSEA 8:8 - Pathien Lekhabu Inthieng (BSI)

⁸ Israelhai chu lem zoin an um a nih, Bêl, a sûnga lâwmna um lo angin tuhin hnam dang laia chun an um a nih.

HOSEA 8:8 ပူးပေါင်းရင်းမြစ်များ

2 LALHAI 18:11

Chun, Assuria lal chun Israel- hai chu Assuria ramah a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir tah a;

ISAI 30:14

Chuongchun, bêlhemtu bêl chu an suknawi ang hin, hla um dêr loa kawinawiin, a hlek laia, behâr thuka mei lâkna ding amanih, tuikhura tui thâlna ding amani khawm um lo khawpin, sukkawi nawi a tih,” tiin.

JEREMIA 22:28

Hi Konia hi bêl kawi hmusitum am a nih? Ama hi bêl amaa ditna um hlek lo am a nih? Iengdinga pei suoka, ama le a chihai, an ihriet naw rama chu pei suoka um am an na?

JEREMIA 25:34

Nangni berâmpuhai, inrûm unla, khêk ro; nangni ran ruol hotu- hai, vutah nangni le nangni intleng ro; that in nina ding ni chu a hung tlung tah a, nangni chu kei nâwi neng ka ti cheu a, bêl ditumtak angin tlûng in tih.

JEREMIA 48:38

Moab in chungsâng tinahai le, kawtthlêrahai hmun tinah ṭap ri a um a; Moab chu bêl ditna umlo ang chun ka sukkhawi tah a, LALPA chun a tih.

JEREMIA 50:17

“Israel chu berâm indar a nih: sakeibakneihai chun ama chu an lo hnawt hmang tah a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek tah a.

JEREMIA 51:34

“Babulon lal Nebukadnezzar chun a mi fâk zo a, a mi suknawi a, ama chun bêl ruokah a mi siem tah a, rûlpui ang elin a mi lem a, kân hnikna chun a phîng chu a suksip a, a mi peisâk tah a.

ṬAP HLA 2:16

I hmêlmahai po po hlaka an bauhai an kâk khum pêkpûk cheh a; An sisi a, an ha an rawt a, “Ama chu ei lem zo tah, Ah, hi ni hi annâwm ei thlîr zing kha, ei hmusuok tah a, ei hmu ta hi,” an tih a.

ṬAP HLA 2:2

LALPA chun Jakob ram hluohai po po chu a lem zo vawng a, a lunginsiet nawh, Juda naunu kul dethai chu a lunginsen chun a keichim a; Hnuoiah a hung tethlûk a; Lalram le lalhai khawm chu a suktlâwm tah a.

ṬAP HLA 2:5

LALPA chu hmêlma ang a hung ni tah a, Israel a lem zo a; A in ropuihai po po a lem zo a, a kul dethai a sukchim a, Juda naunua chun sûnna le lusûnna a sukpung bawk a.

ṬAP HLA 4:2

Zion naupa hlutakhai rângkachak inthieng le hrilkhi theihai chu, Iem a tiha bêlhemtu kuta siem, pil bêlhai ang chaua ngainat an ni el chu!

ṬAP HLA 5:2

Kan rochan chu hnam danghai taah ân chang a, Kan inhai chu ram dang mihai kuomah.

EZEKIEL 36:3

hril la, hieng hin ti rawh; Lalpa PATHIEN chun hieng hin a ti a nih; râusanah an lo siem ta che leiin le, sîr tina inthawk chun an lo lem ta cheh a, hnam la umhai ta dinga chan i ni theina dingin, thuhriltuhai hmûra chun i chuong a, mipuihai thuhril ṭha lo i lo ni tâk leiin;

LEVI DÂN 26:33

Hnam danghai laia chun suk- dar ka ti cheu a, a hnawt ding cheuin kâwlhnâm chu phawi ka ta, chuong- chun, in ramhai chu sukrêm nîng a ta, in khuohai chu ṭâwp a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:22

Lunginsenna bêl bohmang tlâkhai chunga chun, Pathienin a lunginsenna le a thilthawtheina inlangtir nuom sien khawm, a daw hrâm hrâm chun ieng am pawi a ta?

DÂN PAHNINA 28:25

LALPAIN in hmêlmahai hmaa chun suktlâwm a ti cheu a; anni thaw dingin lampui pakhatah suok in ta, lampui pasariah tlânsieng in tih; khawvêl hnam tin laia chun kil tin kil tangah invâk in tih.

DÂN PAHNINA 28:64

“Chun, LALPA chun kâwlkila inthawka kâwlkil khing tieng chenin chi tin laia chun sukdar a ti cheu a, chutaka chun thing le lunga siem, in pi le puhai chena in hriet ngai naw pathien dang rawng bâwl in tih.