HOSEA 8:1 - Pathien Lekhabu Inthieng (BSI)

¹ Tawtawrâwt chu i hmûrah inbûk rawh; LALPA sûnghai chungah mupui angin a hung ie; Ka thuthlung an bawsiet a, Ka dân an helsan leiin.

HOSEA 8:1 ပူးပေါင်းရင်းမြစ်များ

2 LALHAI 18:27

Nisienlakhawm, Rabsake chun an kuomah, “Ka pu chun in pu kuom le nangni kuom chaua hieng thu hi hril dingin a mi tir am a nih? Kul chunga ṭhunghai, nangni le anni mâni êk la fa ding le mâni zun la dâwn dinghai kuoma hin a mi tir a ni bawk naw am a nih?” a ta.

ISAI 18:3

Khawvêla um po po le leihnuoi hluohai, tlângahai inchikna an târ suok phaleh en ro; tawtawrâwt an mût pha chun ngai ro.

ISAI 24:5

Hnuoi hi a umhai hnuoia chun a pawrche zo tah a; dânhai chu an bawsiet a, thuruot chu an sukdang- lam a, kumkhaw thuthlung chu an bawsiet leiin.

ISAI 58:1

“Inringtakin khêk rawh, in- dawi naw rawh, tawtawrâwt angin i râwl insuo tuor tuor la, ka mihai kuomah an bawsietna chu hril la, Jakob sûnghai kuoma chun an suolnahai chu hril bawk rawh.

JEREMIA 31:32

Aigupta rama inthawka hung ṭhuoi suok dinga kuta anni ka chel nia an thlatuhai kuoma thuthlung ka siem ang dungzui kha ni loin, an ta dingin pasal ka ni dea chu, chu ka thuthlung chu an bawsiet a, LALPA chun a tih.

JEREMIA 34:18

Chun, ka thuthlung bawsetu mihai, bâwngtê chu tum hnia chana a kâra fethleng ka hmaa an thuthlung thuhai thaw si lohai chu pêng ka ta;

JEREMIA 4:13

Ngai ta, ama chu sûmhai angin a tungin hung a ta, a sakawr tawlai- lîrhai chu thlivir ang nîng an tih, a sakawrhai khawm chu mupuihai nêkin an hrât lem a nih. Ei chung a va rik de! suksietin ei um sih a.

JEREMIA 4:5

Juda rama chun hrilfie unla, Jerusalema chun phuong ro, “Rama chun tawtawrâwt chu mût unla, khêk inring unla, hieng hin ti ro: Hung inkhâwm tâwl unla, khawpui kul- neiahai chun fêng ei tiu,” tiin.

JEREMIA 48:40

“LALPA chun hieng hin a ti sih a: Ngai ta u, mupui angin vuong a ta, Moab chunga chun a thlahai zâr a tih.

JEREMIA 49:22

Ngai ta u, hung suok a ta, mu- pui angin vuong a tih, chun, a thlahai chu Bozra chunga chun phar a ta; chun, chu nia chun Edoma mi thil- thawtheihai lungril chu nuhmei na tuor lai lungril ang nîng a tih” tiin.

JEREMIA 51:27

Rama chun indo puonzâr chu khai unla, hnamhai laia chun taw- tawrâwt mût unla, hnamhai chu ama do dingin buotsai ro; ama chunga chun Ararat dâm, Minni dâm, Askenaz lalramhai chu ko khâwm unla, a chunga chun sipai hotu lien inruot unla, sakawrhai chu khâu hawn angin inhungtir ro.

JEREMIA 6:1

Nangni Benjamin thlahai, Jeru- salem sûnga inthawk chun himna dingin tlânhmang ro; Tekoaa chun tawtawrâwt mût unla, Beth-hake- rema chun inchikna chu khai unla; thil ṭha naw chu, bohmangna le chun, hmâr tienga inthawk chun a hung dâk sih a.

EZEKIEL 11:4

Chuleiin, an chunga chun thu hrillâwk la, aw mihriem naupa, hrillâwk rawh,” a ta.

EZEKIEL 16:59

“Lalpa PATHIEN chun hieng hin a tih: thuthlung bawsea, inkhâm- na hmusita nangin i lo thaw ta ang khan nanga chunga khawm thâwng ka tih.

EZEKIEL 17:3

Lalpa PATHIEN chun hieng hin a tih a, Mupui ropuitak, thla ropuitak le chang seitakhai nei, hmula sip, ze hran hran nei chu Lebanona chun a hung a, sidar thing zîka chun a hung a;

EZEKIEL 7:14

Tawtawrâwt chu an mût tah a, mi po po chu an inringtir vawng tah a; nisienlakhawm, tukhawm indonaa chun an fe nawh a; ka lunginsenna chu mipui po po chunga chun a um sih a.

HOSEA 4:6

Ka mihai chu hrietna tlâksam leiin sukbohmang an na, Hrietna chu i dit naw leiin kei khawma ka thiempu i ninaa inthawk chun dit naw ve tâng ka ti che. I Pathien dân chu i theinghil vei a, Kei khawmin i nauhai theinghil vêng ka tih.

HOSEA 5:8

Gibea khuoa chun tawtawrâwt mût unla, Rama khuoa chun tawtawrâwt mût ro; Beth-avena chun khêk rak rak unla, Aw Benjamin, i hnung tieng kha!

HOSEA 6:7

Nisienlakhawm, Adam angin thuthlung chu an bawsiet a, Chutaka chun vervêktakin ka chungah an thaw a nih:

HOSEA 9:15

An rîtlona po po chu Gilgal khuoah a um a; Chutaka chun anni chu ka theida sih a. An thilthaw rîtlona lei chun ka ina inthawkin hnawt suok ka tih; Annirawi hi hmangai ta naw ning; An hotuhai po po chu hel hmang an ni sih a.

JOEL 2:1

Ziona chun tawtawrâwt mût unla, ka tlâng inthienga chun inrâl- ringna sukri ro, hi ram sûnga mi po pohai chu inthin raw se; LALPA ni chu a hung tlung mêk a, a hnai ta sih a;

JOEL 2:15

Ziona chun tawtawrâwt mût unla, bu nghei hun inserthieng ro; inkhâwmpui ursûntak chu siem ro,

AMOS 3:6

Khawpuiah mi ṭi lo dingin taw- tawrâwt an mût thei am a nih? LALPA thaw lo chun khawpuia chun sietna a tlung thei ding am a nih?

AMOS 8:3

Lalpa PATHIEN chun, “Chu nia chun biekin hlahai chu khêk rak rak ni tâng a ta, mithi ruong tam a ta, hmun tinah to zingin peihâwn an tih,” a ta.

AMOS 9:1

Mâichâm bula ngîrin Lalpa chu ka hmuh a, chun, ama chun, “Kawtkhâr bulhai an inhnîng theina dingin a sîp bâwkhai chu vaw la, an rênga lu chungah suknâwi vawng rawh; chun, a thi mahlahai chu kâwlhnâmin that ka ta, pakhat khawm tlân hmang naw ni hai a, pakhat khawma pumpel naw bawk an tih.

HABAKKUK 1:8

An sakawrhai chu keitêhai nêkin an hrât lem a, Zântienga satenehai nêkin ṭi an um lem a nih; An sakawr chung chuongmihai chu chapotakin an inân a; Anih, an sakawr chung chuongmihai chu hlataka inthawkin an hung a, Mupui sa baw vuong angin a vuongin an vuong a.

ZEPHANIA 1:16

in insâng kilkhâwr takhai chunga le khawpui kul neihai chunga suklâuna le tawtawrâwt mût ni chu a nih.

ZEKARIA 11:1

Aw Lebanon, i kawtkhârhai hawng rawh, I sidar thinghai chu meiin a kâng hmang theina dingin!

ZEKARIA 9:14

LALPA chu anni chunga chun hmu nîng a ta, a thal chu kâwlinlep angin fe suok a tih; chun, Lalpa PA- THIEN chun tawtawrâwt chu mût a ta, simtieng thlivir le chun fêng a tih.

MATTHAI 24:28

Khâwlaia khawm saruong umna taphawta chun mulukawlhai khawm um khâwm an tih.

1 KORINTH 15:52

nisienlakhawm, ei rêngin tawtawrâwt nuhnungtak inri pha chun sâwt nawtêa, mitkhap kâr loa sukdanglamin um vawng tâng ei tih; tawtawrâwt chu ân ri ding a ni sih a; chuongchun, mithihai chu hmawn- theiloa keithoin um an ta, eini khawm sukdanglamin um tâng ei tih.

DÂN PAHNINA 28:49

Hlataka inthawk, kâwlkaw- dawnga inthawkin nangni thaw ding hnam LALPAIN mupui bir angin hung tir a ta, an ṭawng khawm in hriet naw hnam;