HOSEA 7:5 - Pathien Lekhabu Inthieng (BSI)

⁵ Ei laltak nia chun mi lienhai chu uoin inruitakin an insukrui a, Ama chun hmusittuhai ruolin a kut a phar a.

HOSEA 7:5 ပူးပေါင်းရင်းမြစ်များ

INṬANNA 40:20

Chun, ni thum ni, Pharao pieng champhaphâk ni chun, Pharaoin ama siehlaw po pohai ta dingin ruoi a ṭheh a; chun, a siehlawhai laia mi uoin pe hotu tak le bei siem hotu tak lu chu a dawm kâng tah a.

1 LALHAI 13:4

Chun, Pathien miin Bethela maichâm a hang hrângkhum lalin a lo hriet chun, Jeroboam chun, “Man ro,” tiin maichâma inthawk chun a kutin a hei ban a. Chun, man tuma a banna kut chu a hung zeng tah a, chuongchun, a kut chu a lâk nâwk thei ta nawh a.

INPÂKNA HLABU 1:1

Mi rilohai remruot ang chu hraw loa, Mi suolhai lampuia khawm ngîr ngai loa, Hmusittuhai ṭhungphaa khawm ṭhung ngailo mi chu a hamṭha.

INPÂKNA HLABU 69:12

Kul kawtkhâra ṭhunghai chun ka chungchâng thu an hril a, Zu inrui hmanghai hla ka ni hi.

THUVARHAI 13:20

Mi varhai intlawnpui la, nang khawm var i tih, Mi invêthai inruolpui ruok chu suksiet nîng a tih.

THUVARHAI 20:1

Uoin hi nuisantu a na, zu hi mi risie a nih, Tukhawm chutaka suksuoltu chu a var naw a nih.

ISAI 28:1

Ephraimhai zu inruihmanghai chapona lallukhum chung le, an mawina ropui pâr ṭuoi mêk, uoin inchie hnea umhai ruom ṭhatakin a khum chung chu a rik ie!

ISAI 28:14

Chuleichun, mi hmusit hmang- hai, hieng mihai, Jerusalema umhai ro rêlpêktuhai, LALPA thu hi hre ro.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn tah a; chun, tangka dâm, rângkachak dâm, dârsen dâm, thîr dâm, thing dâm, lung dâm pathien- hai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po umna chu i chawi- mawi nawh a,

HOSEA 7:3

An rîtlona chun laltak an suklâwm a; An thu khêlin mi lienhai an suklâwm bawk a.

MATTHAI 14:6

Nisienlakhawm, Herod pieng champhaphâk ni chu a hung tlungin Herodi naunu chu a laiah a lâm a, Herod chu a suklâwm tah a.

MARKA 6:21

Chun, Herod chun a pieng ni champha phâk nia a mi ropuihai, sipai hotu lienhai dâm, Galili rama mi lienhai rawi ta dinga, zâna ruoi a ṭhe laiin hun remchâng a hung um tah a.

EPHESI 5:18

Chun, uoin inruiin um naw ro, chutaka chun insûm nawna a um sih a; Thlaraua sipin um lem ro.