HOSEA 6:5 - Pathien Lekhabu Inthieng (BSI)

⁵ Chuleiin, zâwlneihai hmangin anni ka râwt a, Ka baua thuhaiin anni ka sukhlum a nih. I chunga rorêlnahai chu var fe suok pup pup ang hi a nih.

HOSEA 6:5 ပူးပေါင်းရင်းမြစ်များ

INṬANNA 18:25

Nang êm chun, chuong ang êm chun, mi felhai chu mi suolhai anga an um vena dinga mi felhai chu mi suolhai laia sukhlum ve el chu i thaw awm êm si nawh a; nang êm chun i thaw âwm êm si nawh a: hnuoi chung po po Rorêltu chun feltakin a thaw naw ding am a nih?” a ta.

1 LALHAI 14:6

Chun, Ahija chun chuonga kawt- khâra a hung lût laia a ke sir ri a hei hriet phing chun, “Nang Jeroboam nuhmei, hung lût raw khai, iengtiziea mi danga insiem am i nih a? Chanchin ṭha nawtak hril ding chea hril ka nih i sawnnaw.

1 LALHAI 17:1

Tisbe khuo, Gilead rama Tisbe khuoa mi Elija chun Ahab kuoma chun, “LALPA, a hmaa ka ngîrna hlak, Israelhai Pathien hring- na sâlin ka hril a nih; kum ieng zât amani sûng chu ka thu naw chun ruo le dâidaw tla hrim hrim naw nih,” a ta.

1 LALHAI 18:17

Chun, Ahab chun Elija chu a va hmu chun a kuomah, “Nang i ni maw, Israelhai suklungzîngtupa?” a ta.

1 LALHAI 19:17

Chun, Hazael kâwlhnâm pum- pel taphawt chu Jehu chun that a ta, Jehu kâwlhnâm pumpel taphawt chu Elisa chun that a tih.

2 LALHAI 1:16

Chun, a kuomah, “LALPA chun hieng hin a ti a nih, ‘Ekronhai pa- thien Baal-zebub chu thu indawn dinga tirtâwnhai i lo tir hi, Israel rama hin Pathien rawn ding hrim an um naw lei a ni maw? chuleiin, khum i kainaa inthawk khan ṭum nâwk ta naw ti nih a, i thi ngei ngei ding a nih,’ tiin,” a ta.

2 CHANCHIN SUINA 21:12

Chun, a kuoma chun zâwlnei Elija kuoma inthawkin lekha ziek a hung a, “I pu David Pathien LALPA chun hieng ang hin a ti a nih, ‘I pa Jehosaphat lampuihai chu i hraw nawh a, Juda ram lal Asa lampuihai khawm chu i hraw bawk nawh a;

JOB LEKHABU (THE BOOK OF JOB) 15:30

Inthima inthawk chun fe suok naw nih a, A kauhai chu mei chun hung sukṭâwl a ta, A baua thuok chun ama chu fe hmang a tih.

JOB LEKHABU (THE BOOK OF JOB) 34:10

Chuleiin, nangni hrietthiemna neihai, mi lo ngai ta u, Rîtlona thâwng a tih ti hi Pathiena inthawka hlatak a ni ding a na, Suolna thâwng a tih ti hi, Iengkimthawtheia inthawka hlatak a ni ding a nih.

INPÂKNA HLABU 119:120

Ka tisa hi nangma ṭîin ân thin a, I rorêlnahai chu ka ṭî bawk a.

INPÂKNA HLABU 37:6

I felzie chu var angin insuoktir a ta, I thiemchangzie khawm chu sûnlai ang elin.

ISAI 11:4

rimsihai chu feltakin ro rêlpêk lem a ta, hnuoia mi thuhnuoirawlhai ta ding chun thlierbîk nei loin kâwkpêk bawk a tih; a bau hembâwk chun hnuoi hi vuong a ta, a hmûra thuok chun mi rilohai chu that a tih.

ISAI 58:1

“Inringtakin khêk rawh, in- dawi naw rawh, tawtawrâwt angin i râwl insuo tuor tuor la, ka mihai kuomah an bawsietna chu hril la, Jakob sûnghai kuoma chun an suolnahai chu hril bawk rawh.

JEREMIA 1:10

En ta, vawisûn hin, hnamhai chunga le ramhai chunga chun, Hrukbit ding le, sukchim ding le, Sukse ding le, Pei thla ding le, bâwl ding le Phun dingin ka sie ta che a nih,” a ta.

JEREMIA 1:18

Ngai ta, vawisûn hin ram po po hmaah, Juda lalhai chunga le, chu- taka rorêltuhai chunga le, thiempu- hai chunga le, chu rama mipuihai po po chunga chun dârsen banghai, thîr sûtpuihai le khawpui kul neiah ka siem che hi.

JEREMIA 13:13

Nang chun an kuoma chun, LALPA chun hieng hin a tih: Ngai ta u, hi ram hluotuhai hi, lalhai David lalṭhungpha chunga ṭhunghai le, thiempuhai le, zâwlneihai le, Jerusa- lem hluotuhai po po chu inruinain ka suksip ding a nih.

JEREMIA 23:29

Ka thu chu mei ang a ni nâwm a nih, lungpui khawm suknawitu tu- bau ang chu? LALPA chun a tih.

JEREMIA 5:14

Chuleiin, LALPA, sipaihai Pathien chun hieng hin a tih: Hieng thuhai hi in hril leiin, ngai ta, i baua chun ka thuhai chu meiah inchangtir ka ta, hi mipuihai hi a thingah, chuongchun, anni chu kânghmang a tih.

EZEKIEL 11:4

Chuleiin, an chunga chun thu hrillâwk la, aw mihriem naupa, hrillâwk rawh,” a ta.

EZEKIEL 3:9

Lungrâl chu meitâwklung nêka a chang lem angin, i chal ka siem tah a; anni chu ṭi dêr naw rawh, anni hei hmua chun beidawng bawk naw la, sûngkaw hel hmangtak ni hai sien- khawm” tiin.

EZEKIEL 32:18

“Mihriem naupa, Aigupta mipui ta ding chun ṭap inrûm la, vânsama lo fe thla tahai le chun, hnuoi khing- tieng panga chun, hnam hming in- thangtak tak naunuhmeihai le, ama leh pei thla rawh.

EZEKIEL 43:3

Chun, thilhmulâwk ka ihmu tah, khawpui chu sukse dinga a hung laia thilhmulâwk ka hmu ang tak, chu thil hmulâwk chu Kebar vadung panga thilhmulâwk ka hmu ang kha a nih; chuongchun, ka hmaiin hnuoi ka sik tah a.

ZEPHANIA 3:5

Ama sûnga chun LALPA chu mi indik a na; rîtlona chu thaw naw ni; zîng tinin a rorêlna chu varah a hung lâk suok a, a thlâwn ngai hrim hrim nawh a; amiruokchu, mi fel naw chun inzakna a hriet naw a nih.

THILTHAWHAI 7:31

Chun, Mosiein a hmu chun, a thil hmu chu mak a ti êm a; chun, en dinga a va hnai laiin, Lalpa rawlin,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

EPHESI 6:17

Chun, sandamna lukhum le Thlarau ngûnhnâm (Pathien Thu chu) la unla, ṭawngṭaina le hnina tinrêngin,

HEBRAIHAI 4:12

Pathien thu hi a hring a, thil a thaw thei a, kâwlhnâm ngeituo ieng ang nêk khawmin a ngei a, hringna le thlarau, rulechâng le thlin kawi dar khawp hielin a sun thei a, lungrila ngaituo le tumhai hi a hriet nghâl thei a nih.

THUPUONGSUO 1:16

A kut chang tieng chun arasi pasari a chawi a; a baua inthawk chun kâwlhnâm ngeituo ngeitak a suok a, a hmêl chu nisa sat vânglai tak ang a nih.

THUPUONGSUO 2:16

Chuongchun, sim rawh, chuong naw chun i kuomah hung vak ka ta, ka baua kâwlhnâm chun anni hung do ka tih.

THUPUONGSUO 9:15

Chuongchun, chu dârkâr le ni le thla le kuma ding chun, mihriem hmun thuma ṭhea hmun khat suk- hlumtu dinga buotsai tah, vântirko palihai chu an sût tah a.

THUPUONGSUO 9:21

An tuolthathai khawm, an dawi hmanghai khawm, an indithai khawm, an inrûkhai khawm an sim chuong nawh.

1 SAMUEL 13:13

Chun, Samuel chun Saula kuoma chun, “I thil thaw dân hi ân vêtthlâk ngawt el: LALPA i Pathien thupêk, thu a pêk che hi i zâwm naw a nih; LALPA chun Israelhai chunga în lalna hi kumkhuoa dinga sukdet tum chu a nih a.

1 SAMUEL 15:22

Chun, Samuel chun, “LALPA chun LALPA thu zâwm chu a lâwm angin pumrawhmang thilinhlânhai le inthâwinahai hi a lâwm am a nih? Ngai ta, inthâwina nêkin thuawi chu a ṭha lem a, berâmchal thau nêkin a thu pawm chu a ṭha lem a nih.

1 SAMUEL 15:32

Chun, Samuel chun, “Amalek mihai lal Agag chu ka kuomah hung ṭhuoi ro,” a tih a. Chuongchun, Agag chu a kuoma chun inthin pumin a va feh a. Chun, Agag chun, “Thina kha chu ka pumpel ta chu ni âwmtak a na,” a ta.

1 SAMUEL 15:33

Chun, Samuel chun, “I kâwl- hnâmin nuhmeihai nau boa a siem angin i nu khawm nuhmei laia nau bo mi nîng a tih,” a ta. Chuongchun, Samuel chun Agag chu Gilgal khuoa chun LALPA hmaah a sât nawi neng el tah a.