HOSEA 6:2 - Pathien Lekhabu Inthieng (BSI)

² Ni hni chenah mi sukhring a ta, Ni thum nia chun mi keitho a ta, a hmaah um ei tih.

HOSEA 6:2 ပူးပေါင်းရင်းမြစ်များ

INṬANNA 17:18

Chun, Abraham bawk chun Pathien kuomah, “Ismael hi i hmaah um thei sienla aw!” a tih a.

2 LALHAI 20:5

“Kîr nâwk la, ka mihai hotu Hezekia kuomah hril rawh, ‘LALPA, i pu David Pathien chun hieng ang hin a tih: I ṭawngṭaina kha ka hriet a, i mitthli tla khawm ka hmuh a, ngai ta, sukdam ka ti cheh a, ni thum nia chun LALPA inah hang fêng i tih.

INPÂKNA HLABU 61:7

Pathien hmaah kumkhuoin um zing a tih, Aw, ama humhim theina dingin ngilneina le thutak buotsai rawh.

INPÂKNA HLABU 71:20

Nang, lungzîngna tamtak le nasatak mîn hmutirtu chun, Mi sukhring nâwk i ta, hnuoi inthûktaka inthawkin mi ṭhuoisuok nâwk i tih.

THUHRILTU 3:3

Sukhlum hun le sukdam hun a um a, Ṭhiek hun le bâwl hun a um a;

ISAI 26:19

I mithihai chu hring nâwk an ta, an ruonghai chu tho nâwk an tih. Pilvuta umhai, har unla, hlimtakin hla sak ro, i daidâw chu thlaihai daidâw ang a na, hnuoi hin mithihai chu a pei suok ding a ni sih a,” ti hi.

ISAI 30:26

Chu naw khawm chu, LALPA chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

HOSEA 13:14

Seol kuta inthawkin anni chu intlan ka ta, Thinaa inthawkin anni chu sansuok ka tih; Aw thina, i hripuihai chu khâwlai am? Aw Seol, i suksietna chu khâwlai am? Simna chu ka mita inthawkin thup nîng a tih.

HOSEA 7:2

An rîtlona po po chu ka hriet zing ti An lungrilin an ngaituo nawh; Tuhin chu an thilthawhai ngeiin a chîm vêl tlat tah a, Ka hmaihma ngeiah an um a nih.

JOHAN 14:19

Sâwt nawtê hnungah khaw- vêlin mi hmu nâwk ta naw ni, nisienlakhawm, nangni chun mi hmûng in tih; kei ka hring leiin nangni khawm hring in tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:8

Ei hring chun Lalpa ta dingin ei hring a, ei thi khawmin Lalpa ta dingin ei thi a ni sih a; chuleiin, ei hring khawmin ei thi khawmin Lalpa ta ei nih.

1 KORINTH 15:4

an phûm a, Pathien Lekha thu ang peiin ni thum nia keithoin a um a.