HOSEA 6:10 - Pathien Lekhabu Inthieng (BSI)

¹⁰ Israel sûngkuoa chun thil râpthlâktak ka hmuh a, Ephraima chun nawchizawrna a um a, Israel chu sukpawrchein a um a nih.

HOSEA 6:10 ပူးပေါင်းရင်းမြစ်များ

1 LALHAI 12:8

Nisienlakhawm, upahai rem- ruotpui chu a pawm nawh a, ama ruolpui tlângvâlhai, ama kâwla um hlakhai chu a râwn ta lem a.

1 LALHAI 15:30

chu chu Israelhai thil insuk- suoltira a thaw, Jeroboam suolnahai lei le LALPA Israelhai Pathien chu a suklungsen lei a nih.

2 LALHAI 17:7

Chuong anga an umna san chu Israel thlahai chun Aigupta lal Pharao kuta inthawkin, Aigupta rama inthawka ṭhuoi suoktu LALPA an Pathien chungah thil an suksuol a, pathien danghai an pawisa lem a,

JEREMIA 18:13

“Chuleiin, LALPA chun hieng hin a tih; Hnamhai laia chun indawn unla, hieng ang thilhai hi hre hlak an um am; Israel nunghâk inthieng chun thil râpthlâktak el chu a lo thaw tah a.

JEREMIA 23:14

Jerusalema zâwlneihaia khawm thil râpthlâktak ka hmuh a; anni chun uiretna thil an thawh a, thukhêlah an feh a, thilsuol thawtu kut chu an sukhrât a, chuongchun, tukhawm an khawhlonaa inthawkin an kîr nawh; an rêng el chun ka ta ding chun Sodom ang an na, chutaka a hluotuhai chu Gomorra ang an nih.

JEREMIA 3:6

Chu nawa khawm chun lal Josia hun lai chun ka kuomah LALPA chun a hril a, “Israel hnungtawlin a lo thaw ta hi i hmu am? Tlâng insâng tinahai hang fein le, thing hring tin hnuoia chun; chuongahai chun nawchizawr angin a lo khawsa tah a.

EZEKIEL 23:5

Chun, Ohola chun ka ta a ni sûng khawm chun nawchi a zawr a; a dit zâwnghai a tuolbâwm Assuria mihai ân saipuia,

EZEKIEL 23:7

An kuoma chun a nawchizawrna chu a pêk a, an rêng chun Assuria mi ditumtak takhai an na, chun, tukhawm ân saipui taphawthai chu, an milimhaia chun ama chu ân suk- pawrche ve pei tah a.

HOSEA 4:11

Nawchizawr dâm, uoin dâm, uoin thar dâm chun Hrietthiemna a lâk hmang hlak.

HOSEA 4:12

Ka mihai chun an thing an râwn a. An hmawl chun a hril hlak. Nawchizawrna lungril chun a ṭhuoi hmang a, An Pathiena inthawk chun an hur hmang ta sih a.

HOSEA 4:17

Ephraim chun milim ân zawmpui tah a; A um umin um raw se.

HOSEA 5:3

Ephraim chu ka hriet a, Israel chu keimaa thup a ni nawh, Tuhin, aw Ephraim, nawchizawr i chîng leiin, Israel chu sukpawrche a na;