HOSEA 5:15 - Pathien Lekhabu Inthieng (BSI)

¹⁵ An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

HOSEA 5:15 ပူးပေါင်းရင်းမြစ်များ

INṬANNA 42:21

Chun, anni chun, “Ei sangpa chunga ei thilthaw kha ei thiemnaw tak tak a ni hi, lunginsiet dinga a mi ngên ṭâwk ṭâwk laia, a lungril lungin- zîngzie hre zing siha ei ngaipêk nuom naw kha: chuleiin, hi lunginzîngna hin a mi hung nel ve a ni ta hi,” an in tih a.

2 CHANCHIN SUINA 7:14

ka mihai, ka hming chawia kohai chu an insukhnuoi a, an ṭawngṭai a, an lampui rilohai chu nghatsan a ka hmêl an hung zawng chun, vâna inthawk chun lo hrieng ka ta, an suol chu ngaidam ka ta, an ram khawm chu sukhrisêl bawk ka tih.

JOB LEKHABU (THE BOOK OF JOB) 33:27

Mihai hmaa chun hla sak tâng a ta; ‘Ka lo suksuol tah a, ân dik chu ka lo fe hmangsan tah a, Anachu a mi hung thung kher nawh a:

INPÂKNA HLABU 107:13

Chu phingleh an buoinaa chun LALPA chu an ko a, Ama chun an lungzîngnaa inthawk chun a sandam a.

INPÂKNA HLABU 107:19

Chu phingleh an buoinaa chun LALPA chu an ko a, Ama chun an lungzingnaa inthawk chun a sandam hlak.

INPÂKNA HLABU 107:28

Chu phingleh an buoinaa chun LALPA chu an ko a, Ama chun an lungzîngnaa inthawk chun a ṭhuoi suok hlak.

INPÂKNA HLABU 107:6

Chu phingleh an buoinaa chun LALPA chu an ko tah a, Ama chun an lunginzîngnaa inthawk chun a sanhim a.

INPÂKNA HLABU 132:14

“Hi hi kumkhuoa dinga ka châwl hmun ding a nih, Hitaka hin um zing ka tih, ka nuom zâwng a ni sih a.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a tih a.

INPÂKNA HLABU 78:34

Anni a that poleh ama chu an zawng hlak a, An kîr nâwk a, zîngkâr Pathien an zawng hlak.

INPÂKNA HLABU 83:16

Aw LALPA, i hming an zawng theina dingin, An hmêl chu inzaknain suksip rawh.

THUVARHAI 8:17

A mi hmangaituhai chu ka hmangai veh a, Chun, nguntaka a mi zawngtuhai chun mi hmu suok bawk an tih.

ISAI 18:4

LALPA chun ka kuomah hieng ang hin a hril a nih, “Um ṭawk ṭawk ka ta, ka umnaa hin thlîr zing ka tih; nisa sat laia khaw lum inthieng vel vul ang le, bu sîk khaw lum laia daidaw sûmhu ang hin,” tiin.

ISAI 26:16

“LALPA, an lunginzîng lai chun an sir hlak cheh a, i hremna chu an chunga a tlâk lai chun an ṭawngṭai zawmzawt a.

ISAI 26:21

Ngai ta u, LALPA chu, an suolna leia hnuoia umhai hrem dingin a umnaa inthawk chun a hung ṭum ding a nih; hnuoi khawm hin a thisenhai chu suklang a ta, mi an thathai chu inkhum ta naw ni.

ISAI 26:9

Ka hringna hin zâna chun a ngai cheh a; anih, ka sûnga thlarau um hin zîngkâr chun ka zawng che; i rorêl- nahai chu hnuoiah a um po leh khawvêla umhai chun felna chu an inchûk hlak sih a.

JEREMIA 2:27

thingbul kuoma chun, ‘Nang hi ka pa i nih,’ an ta, lung kuoma chun, ‘Nang hin i mi nei a,’ an tih a, an hmai tieng ni loin, an hnung an mîn nghat ta sih a; an buoi lai huna ruok chun, ‘Hung tho la, mi sanhim rawh,’ an ta.

JEREMIA 3:13

I suolna chu hre phawt phawt la, LALPA i Pathien chunga chun i lo bawsiet tah a, thing hring tin hnuoia chun hmêlmakhai kuomah i lo inphal tah a, ka râwl khawm chu i awi bawk ta nawh a, LALPA chun a tih.

JEREMIA 3:14

Hung kîr ro, hnungtawl thlahai, LALPA chun a tih; in pasal ka ni sih a, chun, khawpuia pakhat le, pa- hnama pahni lâng ka ti cheu a, Ziona chun hung ṭhuoi ka ti cheu;

ṬAP HLA 3:40

Ei lampuihai chu thaw ṭâl ei ta, zawngsuok ei ta, LALPA kuomah inher kîr nâwk ei tiu.

EZEKIEL 10:4

Chun, cheruba inthawk chun LALPA ropuina chu a tungin a kai a; in kawtkhâr bula chun a ngîr tah a; chun, in chu sûmin a hung sip a, tuollai chu LALPA ropuina var chun a hung sip tah a.

EZEKIEL 11:23

Chun, LALPA ropuina chu khawpui laia inthawk chun a hung suok a, khawpui saktieng sîra um tlâng chunga chun a hang ngîr tah a.

EZEKIEL 20:43

chutaka chun, in lampuihai le in thilthawhai po po, in lo insuk- pawrchenahai chu hre zing in tih; chun, in suolnahai po po, in lo suksuol tahaia chun in mithmu ngeia chun nangni le nangni intheida tâng in tih.

EZEKIEL 36:31

Chun, in lampui rilohai le, in thilthaw ṭha nawhai chu hre zing in ta; chuongchun, in tirdakumnahai le in suolnahai leiin in mithmu ngeia chun nangni le nangni chu inten in tih.

EZEKIEL 6:9

Chun, nangni laia chuonga suok- hai chun, hnamhai sala ṭhuoia an umnahai laia an um lai chun mi hre zing an ta, an lungril keimaa in- thawka ṭhea um tah, châkna chu ka lo sukkawi ta zie hai le, an mithai an milimhai châktaka an enna le chun; chun, anni an tirdakumna po poa an lo thaw tah, thil ṭha naw ta ding chun an mithmu ngeia chun intirdak an tih.

EZEKIEL 8:6

Chun, ama chun ka kuomah, “Mihriem naupa, an ithaw saw i hmu am? Hitaka hin Israel sûngkuo chun tirdakumna nasatak el an lo thaw tah a, ka hmun inthienga inthawka hlataka ka fe hmang hielna dingin; amiruokchu, tirdakumna nasa nâwk zuol chu i la hmu ding a nih,” a tih a.

HOSEA 3:5

Chu hnunga chun Israel thlahai chu hnungkîr an ta, LALPA an Pathien le an laltak David chu zawng an ta; ni nuhnunghaia chun LALPA le a ṭhatna chu inthin pumin pan an tih.

HOSEA 5:6

An berâm ruolhai le an bâwng ruolhai leh, LALPA zawng dingin fêng an ta; Nisienlakhawm, ama chu hmu nâwng an tih, An kuoma inthawkin ân siekieng tah a nih.

MIKA 1:3

Ngai ta u, LALPA chu a hmuna inthawkin a hung suok a, hung ṭum a ta, hnuoi hmun insânghai chu a chîl ding a ni sih a.

NAMBAR 21:7

Chun, mihai chu Mosie kuomah an feh a, “LALPA le nangma kala kan lo ṭawng ta hi kan lo suol tah a nih; keini laia rûlhai hi sukbo dingin LALPA kuomah ṭawngṭai raw khai,” an tih a; chuongchun, mihai chu Mosie chun a ṭawngṭaipêk a.

LUKA 13:25

In neitu chu a tho a, kawt a khâr hnung chun, nangnîn tuola ngîrin, ‘Lalpa, kawt mi hawngpêk rawh,’ tia kawtkhâr in hung nawk pha, ama chun, ‘Khâwtieng mi am in na, ka hriet naw cheu,’ tiin dawn a ti cheu.

RORELTUHAI 4:3

Israel thlahai chun LALPA an ko a, Jabin chun thîr tawlailîr za kuo zet a nei sih a; kum sâwmhni sûng zet Israel thlahai chu nasatakin a nêksâwr a.