HOSEA 5:13 - Pathien Lekhabu Inthieng (BSI)

¹³ Ephraim chun a natna a hmuh a, Juda chun a hliem a hmuh a, Chuongchun, Ephraim chu Assuria kuomah a feh a, Laltak Jareb kuoma chun mi a tir a; Nisienlakhawm, ama chun a sukdam thei naw cheu a, In hliemna chu a sukdampêk thei bawk naw cheu.

HOSEA 5:13 ပူးပေါင်းရင်းမြစ်များ

2 LALHAI 15:19

Assuria lal Pula chun an ram chu a hung thawh a; ram chu a nei nghetpui theina dingin Menahem chun Pula chu tangka talent sâng a pêk a.

2 LALHAI 15:29

Israel lal Peka inlal laiin Assuria lal Tiglath-pileser chun Ijon khuo dâm, Abel-beth-maaka khuo dâm, Janoa khuo dâm, Kedes khuo dâm, Hazor khuo dâm, Gilead le Galili ram dâm, Naphtali ram po po chu a lâk a; chun, Assuria rama chun salah a ṭhuoi a.

2 LALHAI 16:7

Chuongchun, Ahaz chun Assuria lal Tiglath-pileser kuomah, “I siehlaw le i naupa ka ni annâwm, a mi thaw dinga hung inthawk, Suria lal kuta inthawk le Israel lal kuta inthawk hin mi hang sansuok ta khai,” tiin mi a tir a.

ISAI 3:7

chu pha chun ama chun a rawl insuong a ta, “Kei chu siemṭhatuah um naw ningah; ka inah fâk ding a um si nawh a, silfên a um bawk nawh a, mihai rorêltuah mi siem naw ti niu,” tiin.

JEREMIA 30:12

“LALPA chun hieng hin a ti sih a: I natna chu sukdam theilo a na, i hliemna chu a nasa êm êm a.

EZEKIEL 23:5

Chun, Ohola chun ka ta a ni sûng khawm chun nawchi a zawr a; a dit zâwnghai a tuolbâwm Assuria mihai ân saipuia,

HOSEA 10:6

Ama ngei khawm chu Laltak Jareb kuoma pêk dingin, Assuria rama fe hmangpui nîng a tih. Ephraim chun inzakna hmûng a ta. Israel khawm chun ama thurawt ngei chu inzâpui a tih.

HOSEA 12:1

Ephraim chun thli a ring a, Khaw sakthli chu a zui hlak a; Khêl thu le inṭhedarna thu a sukpung tiel tiel a, Assuria leh thu an thlung a, Aigupta tieng chun hriek a phur lût a.

HOSEA 14:3

Assuria chun mi sandam naw nih a, Sakawr chunghaia chun chuong nâwng kan ta, Kan kutsuokhai kuoma chun, ‘Kan Pathien in nih,’ ti ngai ta nâwng kan tih, Fahrahai chun nangmaa hin Lunginsietna an lo hmu hlak a ni sih a,” tiin.

HOSEA 2:7

Chun, a dit zâwnghai chu hnawt a ta, Hnawt phâk naw nih. Anni chu zawng a ta, hmu naw nih; Chuongchun, Ka pasal hmasa kuomah kîr nâwk ka tih. Tulai nêk hin kha hma kha ka ta dingin a ṭha lem si, tîng a tih.

HOSEA 7:11

Ephraim chu vaṭhu inhai, hrietthiemna nei lo ang a lo na, Aigupta tieng an ko vak a, Assuria tienga chun an fe vak a;

HOSEA 8:9

Ram sabengtung khât tla angin Assuria ramah an hang fe sih a; Ephraim chun dit zâwnghai a tlawn ie!

MIKA 1:9

A hliemnahai chu sukdam thei a ni nawh; Juda ram a tlung ta hiel sih a; ka mihai kawtkhâr, Jerusalem meu khawm a tlung a nih.