HOSEA 4:7 - Pathien Lekhabu Inthieng (BSI)

⁷ An pung dep leh ka chungah an suol tul tul a, An ropuina chu muolphonaah inchangtir ka tih,

HOSEA 4:7 ပူးပေါင်းရင်းမြစ်များ

EZRA 9:7

Kan thlatuhai hun laia inthawk tah vawisûn ni chen hin suol namên loin kan suol ta a; kan khawhlonahai lei hin kan lalhai le kan thiempuhai chu hieng ram lalhai kuthaia hin pêk suokin an um tah a; vawisûn ni ang chen khawm hin hmêla ham- haina le, suksietnaa le sal intângnaa le kâwlhnâm kuoma pêkin an um hi.

HOSEA 10:1

Israel chu grêp hrui inbuktak, ra hautak a nih; A ra tam hu ang peiin a mâichâm a sukpung a, A ram ṭhatzie ang peiin lung inser phun ṭhatak tak a siem a,

HOSEA 10:6

Ama ngei khawm chu Laltak Jareb kuoma pêk dingin, Assuria rama fe hmangpui nîng a tih. Ephraim chun inzakna hmûng a ta. Israel khawm chun ama thurawt ngei chu inzâpui a tih.

HOSEA 13:14

Seol kuta inthawkin anni chu intlan ka ta, Thinaa inthawkin anni chu sansuok ka tih; Aw thina, i hripuihai chu khâwlai am? Aw Seol, i suksietna chu khâwlai am? Simna chu ka mita inthawkin thup nîng a tih.

HOSEA 13:6

An fâk ding dawnga chun an tlai a, An tlai chu an lungrilin an chapo phah a, Chuongchun, an mi theinghil tah a nih.

HOSEA 4:10

Fa chu fa dêng an ta, tlai si naw ni hai; Nawchizawr chîng an ta chu, pung chuong naw ni hai, LALPA pawisakna an nei naw leiin.

HOSEA 5:1

Aw nangni thiempuhai, hi hi lo hre ta u, Nangni Israel sûnghai, lo ngai ta u, Aw laltak sûnghai, na lo sit ta u, Rorêlna chu nangni ta ding a ni sih a; Mizpaa châng le, Tabor tlânga lên zar in ni leiin.

HOSEA 6:9

Suomhmang ruolin mi an inchân hlak angin, Thiempu pâwlhai chun Sekem lampuiah mi an that hlak; Anih, thil suol an thaw tah a nih.

HOSEA 9:11

Ephraim ropuina chu vate angin vuong hmang a ta, Nau nei dâm, nau vawn dâm, inrai dâm um naw ni hai.

HABAKKUK 2:16

Ropuina dinga inzaknaasuksip i ni tah a, Nang khawma dâwn la, saruok chu ni el rawh! LALPA kut changtienga no chu i kuomah pêk nîng a ta, I ropuina chunga chun inzakna tirdakum chu um a tih!

MALAKI 2:9

Chuleiin, nangni khawm mi po po hmaa chun hmusitum le inhnuoiin ka lampuihai in hraw naw ang zûl peiin ka siem cheu a nih; dâna chun mi thlierbîk in lo nei ta si lem a,” tiin.

DÂN PAHNINA 32:15

“Nisienlakhawm, Jesurun chu a hung hausa a, a hung hel a, A hung thâu a, a hung inchawm a, a hung nâm tah a; A siemtu Pathien a nghatsan a, A sandamna Lungpui chu a ngainêp a.

PHILIPPI 3:19

Chuonghai tâwpna chu bo- hmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.

1 SAMUEL 2:30

Chuleiin, LALPA Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin LALPA chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni sih a.