HOSEA 4:18 - Pathien Lekhabu Inthieng (BSI)

¹⁸ An zu dâwn chu an ṭîn a, nawchizawrah an insiem a, An ropuina nêkin thil inzapuium chu an ngaina lem a.

HOSEA 4:18 ပူးပေါင်းရင်းမြစ်များ

INṬANNA 38:24

Thla thum vêl amani hnunga chun Juda chu, “I monu Tamar chun tlangvâl a dit a, chunawa khawm, ngai ta, sâwn a pai nghe nghe annaw,” tiha hril a nih a. Juda chun, “Ṭhuoi suok unla, raw hlumin um raw se,” a tih a.

INPÂKNA HLABU 47:9

Mi tin laia milienhai chu an um khâwm a, Abraham Pathien mihai ni dingin; Leihnuoi phawhai chu Pathien ta a ni sih a, Ama chu nasataka chawimawiin a um a nih.

FESUOKNA 23:8

Chun, thamna i lâk ding a ni nawh, thamna chun hmutheina nei- hai khawm an mit a sukdel a, mi fel thuhai khawm a keikâwi hlak sih a.

JEREMIA 2:21

Grêp hrui ṭha mi, a chi indik tak ela ka phun vei che leh, iengtiziea ka ta dinga grêphrui danglam kûng suoka hung inchang el am i ni leh?

EZEKIEL 16:15

“Nisienlakhawm, i hmêl ṭhatna chu i ring a, i hming inthangna lei chun nawchizawrah i um tah a; nang- ma hung khêltu taphawthai chunga chun i châkna chu i phal a; ama ta a ni tah a.

HOSEA 4:10

Fa chu fa dêng an ta, tlai si naw ni hai; Nawchizawr chîng an ta chu, pung chuong naw ni hai, LALPA pawisakna an nei naw leiin.

HOSEA 4:2

Inkhâm dâm, inhlêm dâm, inthat dâm, inrûk dâm. Uiret chîng dâm a pung a, tuolthatna hlak chu ân phaman a.

HOSEA 9:10

Israel chu thlalêra grêp ra ang elin ka hmuh a, In pahai chu, theichang hun hmasaa a hmin hmasa angin ka hmuh. Nisienlakhawm, anni chu Baalpeor hmunah an hung a. Thil inzakumtaka chun an inpumpêk tah a; An ingainat tak ang bawk chun tirdak an um ve ta a nih.

AMOS 5:12

In bawsietnahai tamzie le, in suolnahai a nasatzie ka hriet sih a; mi felhai suknawmna a, thamna la a, kawtkhâra tlasamhai an chantâwk nghatsantuhai.

MIKA 3:11

Chutaka hotuhai chun lâwm- man beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “LALPA chu eini lai a um naw am a nih? Thil ṭha naw ei chungah hung tlung naw nih,” tiin LALPA chungah an innghat a nih.

MIKA 7:3

An kuthai chu thil ṭha naw chungah taimataka thaw dingin an innghat a; lal chun thamna a ngên a, rorêltu chun lâwmman a ngiet a; milien chun a lungril thil suksuolna a hril suok a; chuong ang chun an inthuruol tâwl a nih.

DÂN PAHNINA 16:19

Indik nawtakin ro in rêl ding a ni nawh, tukhawm ditsak bîk in nei ding a ni nawh; thilpêk in lâk ding a ni bawk nawh; thilpêk chun mi varhai mit a sukdelpêk a, mi felhai thu a sukkhawhlopêk hlak si a.

1 SAMUEL 8:3

Nisienlakhawm, a nauhai chun a umdân chu an lâk ve nawh a, sum le pai tieng an hnawt a, thamnahai an lâk a, indik nawtakin ro an rêl a.