HOSEA 4:16 - Pathien Lekhabu Inthieng (BSI)

¹⁶ Bâwngla kâwmaw ang elin Israelhai chu an kâwmaw a, Tuhin LALPAIN berâmte angin hmun lientakah châwm a tih.

HOSEA 4:16 ပူးပေါင်းရင်းမြစ်များ

INPÂKNA HLABU 78:8

Le, an thlatuhai anga, Suon kâwmaw le hel hmang, Suon lungril siem diklo, Pathien kuoma lungril ringum naw puta an um nawna dingin.

ISAI 22:18

Ama chun matheiloin thil hlûm angin sukvir a ti cheh a, ram lientak- ah vawr lût a ti che; chutaka chun thîng i ta, chutaka bawk chun, nang mâni lal insûng sukmuolphotupa, i ropuina tawlailîrhai chu um a tih.

ISAI 30:23

Chuongchun, ama chun in bu chi hnuoia in tu ding ta ding chun ruotui chu pêng a ta; hnuoia thil mâwnghai chu bu dingin pêng a tih; chu chu ṭhatak, hlâwktak nîng a ta, chu nia chun in ranhai chu ran tlatna hmun lientakahai chun tlâng an tih.

ISAI 5:17

Chun, berâmtehai chu an tlatna hmuna an tla angin tlâng an ta, mi thau hnekhnukhai hmun rama thil- hai chu invâihaiin fâng an tih.

JEREMIA 14:7

Kan suolnahai chun keini a mi hêk khawma, Aw LALPA, i hming leiin nangin sin thaw la, kan hnung- tawlnahai chu a tam hle ta sih a; i chunga chun thil kan lo suksuol ta a nih.

JEREMIA 3:11

Chun, LALPA chun ka kuomah, “Juda rilotak nêk hin Israel hnung- tawl khawm hi fel lemin ân lang ie.

JEREMIA 3:6

Chu nawa khawm chun lal Josia hun lai chun ka kuomah LALPA chun a hril a, “Israel hnungtawlin a lo thaw ta hi i hmu am? Tlâng insâng tinahai hang fein le, thing hring tin hnuoia chun; chuongahai chun nawchizawr angin a lo khawsa tah a.

JEREMIA 3:8

Israel hnungtawl chun uiretna thil a lo thaw ka hmu lei tak chun ama chu ka mâk a, inmâkna lekha ka pêk tah ti a hmu sa khawmin a zuor- puinu rilotak Juda chun ṭitna châng a hriet chuong nawh a, ama ngei khawm chu a fe a, nawchizawrah a khawsa ve tah a.

JEREMIA 31:18

Ephraim chu hieng ang lusûn hin ka hriet ngei a nih: “Bâwngtê rîngkawl la bât ṭhang lo angin nangin i mi thununa, thununin ka um a; nangin mîn hertir la, chuongchun, inher ka tih: nang chu LALPA ka Pathien i ni sih a,” tiin.

JEREMIA 5:6

Chuleiin, ramhnuoia sakeibak- nei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

JEREMIA 7:24

Nisienlakhawm, an ngai nawh a, an na khawm an sit bawk nawh a, amiruokchu, anni remruotnaa le, an lungril rilo kâwmâwna chu hrawin, hmatiengah ni loin an kîr nâwk ta lem a.

JEREMIA 8:5

Iengtiziea hieng Jerusalema mihai hi hnungtawl sawng zingnaa an hnungtawl am a na? Hlêmna chu an chel det tlat a, kîr nâwk an nuom nawh a.

HOSEA 10:11

Ephraim chu bâwngla inchûktir tah, Bu chîl hrâttak a nih; Nisienlakhawm, kei ngei hin a rîng mawitaka chun Rîngkawl inbâttir tâng ka ta; Ephraim chunga chun mi inchuongtir ka tih; Juda khawm chun hnuoi inlet a ta, Jakob chun a pil tlanghai chu suknâwi a tih.

HOSEA 11:6

A khawpuihaia chun kâwlhnâm inletin um a ta, A kulhai chu sukbohmang a tih, Anni thu lo râwn ang ngeiin sukbohmang a tih.

HOSEA 11:7

Ka mihai chun mi nghatsan an tum zing a, Chuongchun, an ta dingin rîngkawl ruotpêk an nih, Chu chu tukhawma hlîppêk naw nih.

LEVI DÂN 26:33

Hnam danghai laia chun suk- dar ka ti cheu a, a hnawt ding cheuin kâwlhnâm chu phawi ka ta, chuong- chun, in ramhai chu sukrêm nîng a ta, in khuohai chu ṭâwp a tih.

ZEKARIA 7:11

Nisienlakhawm, an pawisa nuom nawh a, an liengko an her- hmang a, an hriet nawna dingin an nahai an suksêt a.

1 SAMUEL 15:11

“Saula hi lala ka ruot hi kân sîr ngawt el a nih; a mi zui lai chu a mi hnung innghatin ka thupêk angin a thaw si nawh a,” a ta. Chun, Samuel chu a lunginsen a, zânkhawvârin LALPA chu a ko a.