HOSEA 4:15 - Pathien Lekhabu Inthieng (BSI)

¹⁵ Israel, nang chun nawchizawr chîng la khawm, Juda chu tlu ve lul naw raw se. Gilgala chun hung naw unla, Beth-avena khawm hang fe naw ro; “LALPA a hring zing angin” tiin inkhâm bawk naw ro.

HOSEA 4:15 ပူးပေါင်းရင်းမြစ်များ

2 CHANCHIN SUINA 17:4

a thlatuhai Pathien chu zawnga, a thupêkhai chu Israel mihai thaw ang ni loa, a zâwm leiin.

2 CHANCHIN SUINA 21:11

Chunawa khawm chun Juda ram tlângahai chun bâwlhmunhai a siem a, Jerusalema umhai chu ân uirettir a, chuongchun, Juda ram chu an lo ṭhuoi hmang tah a.

ISAI 48:1

Aw Jakob sûng, Israel hming inṭâwmpuia, Juda tuihaia inthawk suok a, thutakah ni si loa, felnaa khawm ni bawk si lo, LALPA hming sâla ṭawng inkhâma, Israelhai Pathien hming lam hlaktuhai, hi hi lo ngai ro.

JEREMIA 44:26

Chuleiin, Aigupta rama Juda chêng po pohai, LALPA thu chu lo ngai ta u: Ngai ta u, ‘LALPA Pathien chu a hring zing angin,’ tiin, Aigupta ram po poa Juda mi tukhawm baua chun ka hming chu lam a ni ta nawna dingin, ka hming ropuitak chu sâlin ṭawng kân khâm a nih, LALPA chun a tih.

JEREMIA 5:2

“LALPA chu a hring zing angin,” an ti dea chu, inkhêl letdêra inkhâm el an nih.

EZEKIEL 20:39

Nangni ta ding chun, Aw Israel sûngkuo, Lalpa PATHIEN chun hieng hin a tih: Fe unla, ka thu in ngai si naw ding chun mi tinin tuhin le hi hnunga khawm, a milimhai rawng chu va bâwl el raw se chu; amiruokchu, ka hming inthieng chu in thilpêkhai le in milimhai chun sukhmingsie ngai ta naw ti niu.

HOSEA 10:5

Samaria rama chênghai chu Beth-aven bâwngtê lei chun thlaphângin um an tih; A kuoma inthawka a bo ta leiin chutaka mihai chu lungngai an ta; Chutaka thiempuhai a ropuina chunga lo lâwm hlakhai khawm.

HOSEA 10:8

Israel suolna Aven hmun insânghai khawm chu suksiet nîng a tih, An mâichâmahai chun hling le hlohlingnei hung ṭo a tih. Tlâng kuoma chun, “Mîn khum rawh,” tîng an ta; Muol kuoma chun, “Mi del rawh,” tîng an tih.

HOSEA 11:12

Ephraim chun khêl thuin a mîn huol vêl a, Israel sûnghai chun hlêmnain; Juda ruok chu Pathien ihriet zingin a um a, Mi Inthieng chunga chun ring a um a nih.

HOSEA 12:1

Ephraim chun thli a ring a, Khaw sakthli chu a zui hlak a; Khêl thu le inṭhedarna thu a sukpung tiel tiel a, Assuria leh thu an thlung a, Aigupta tieng chun hriek a phur lût a.

HOSEA 12:11

Gilead chu rîtlona a ni naw am a nih? Teplo el an nih annâwm; Gilgala chun bâwngchal an inhlân hlak a. Anih, an mâichâmhai chu leilet changkuonga Lung dêng khâwm ang el an nih.

HOSEA 12:12

Jakob chu Aram rama chun a tlân hmang a, Israel chun nuhmei man a tuok tah a; Nuhmei man ding chun berâm a vêng a nih.

HOSEA 4:12

Ka mihai chun an thing an râwn a. An hmawl chun a hril hlak. Nawchizawrna lungril chun a ṭhuoi hmang a, An Pathiena inthawk chun an hur hmang ta sih a.

HOSEA 5:8

Gibea khuoa chun tawtawrâwt mût unla, Rama khuoa chun tawtawrâwt mût ro; Beth-avena chun khêk rak rak unla, Aw Benjamin, i hnung tieng kha!

HOSEA 9:15

An rîtlona po po chu Gilgal khuoah a um a; Chutaka chun anni chu ka theida sih a. An thilthaw rîtlona lei chun ka ina inthawkin hnawt suok ka tih; Annirawi hi hmangai ta naw ning; An hotuhai po po chu hel hmang an ni sih a.

AMOS 4:4

“Bethela chun hung unla, bawse ro, Gilgala chun hung unla, bawsiet- na chu sukpung ro; chun, in inthâwi- nahai chu tûk tin hung la unla, in sâwma pakhathai chu ni thum dan peiah hung la ro,

AMOS 5:5

nisienlakhawm, Bethel khuo chu zawng naw unla, Gilgala chun lût naw bawk unla. Beer-seba khuoah kai bawk naw ro; Gilgal khuo chu matheiloin sala manin a um ding a ni sih a; Bethel khuo chu teplo hung nîng a tih.”

AMOS 6:10

Chun, mi pakhat pami ama rawtu ngei khawmin a lâk a, in sûnga inthawka a ru la suok dingin, in sûngril taka um kuomah, “I kuomah tukhawm an la um am?” a tih a, ama chun, “Um lo,” a ti chun; ama chun, “To zing rawh, LALPA hming chu ei sâm ding a ni si nawh a” tîng a tih.

AMOS 8:14

Samari khaw suolna sâla ṭawng inkhâm a, ‘Aw Dan, i Pathien a hring angin,’ le, ‘Beer-seba fena lampui a hring zing angin,’ tihai kha, chuong mihai khawm chu tlûng an tih, tho nâwk dêr naw ni hai,” tiin.

EPHESI 5:11

Chun, inthim thilthaw ra nei ngailohaia chun ṭhangna hrim nei naw ro, ṭhang nêk hmanin a thiemnawzie inhriettir lem ro;

JOSUA 5:9

Chun, LALPAIN Josua kuomah, “Vawisûn hin Aigupta mihai hmusit- na cheu hi kân hlum hmang tah,” a ta. Chuongchun, chu hmun chu tu chen hin Gilgal an lo ti a nih.

JOSUA 7:2

Chun, Josua chun Jeriko khuoa inthawk chun Bethel saktieng, Beth-Aven dep Ai khuoa chun mihai a tir a, an kuomah, “Hang fe unla, ram hang enthla ta u,” tiin a hril a. Mihai chu an hang feh a, Ai khuo chu an hang enthlâk tah a.