HOSEA 4:1 - Pathien Lekhabu Inthieng (BSI)

¹ Israel thlahai, LALPA thu chu ngai ta u; Hi rama hin thutak le lunginsietna le Pathien hrietna a um naw leiin, LALPA chun ram hluotuhai hêkna ding a nei.

HOSEA 4:1 ပူးပေါင်းရင်းမြစ်များ

1 LALHAI 22:19

Chun, Mikaia chun, “Chuleiin, LALPA thu hi lo ngai ta u, LALPA chu a lalṭhungphaa ṭhung ka hmuh a, vâna mipuihai po po, a changtieng le vawitienga ngîrhai leh.

INPÂKNA HLABU 81:9

Ram dang pathien hrim hrim in lai an um ding a ni nawh a, Mi dang pathien hrim hrim chu in biek ding a ni bawk nawh.

ISAI 1:10

Sodom rorêltuhai, LALPA thu hi hre unla, Gomorra mihai, ei Pathien dân thua hin na sit ro!

ISAI 1:18

LALPA chun, “Hung ta u, ngaituo tlâng ei tiu! In suolhai chu sen inlâr angin um ta sienla khawm, vûr angin vâr a tih; sen duk angin sen ta sienla khawm, berâm hmul angin um a tih.

ISAI 28:14

Chuleichun, mi hmusit hmang- hai, hieng mihai, Jerusalema umhai ro rêlpêktuhai, LALPA thu hi hre ro.

ISAI 34:1

Hnam tinhai, naa hre dingin hung hnai ta u; mi tinhai, ngai ta u; hnuoi le a sûnga um po pohai chun nain hre raw hai se; khawvêl le a sûnga inthawka suok po pohai leh.

ISAI 34:8

LALPA phuba lâk ni a ni ta sih a; Zion sêlna kawng thua thungna kum chu.

ISAI 5:3

Tuhin, aw Jerusalema umhai le Juda mihai, lunginsiettakin kei le ka grêp huon inkâra thu hi mi ngai- tuopêk ta u khai.

ISAI 59:4

Tukhawma thubuoi indiktakin an hril nawh a, tukhawma indikna leh thubuoi an hril ngai nawh; thu teplo mei mei an ring a, khêl an hril hlak a; thil suksuolna an vawn a, khawhlona an nei hlak.

ISAI 59:8

Lungmuongna lampui an hriet nawh a; an fenaahai chun indikna hrim hrim a um nawh; an ta dingin lampui kâwihai an siem a; chutaka fe taphawthai chun lungmuongna an hriet ngai nawh.

ISAI 66:5

A thua inthin hlakhai, LALPA thu hi hre ro, “In unau, nangni thei- datu le ka hming leia nangni hnawt suoktuhai cheu chun, ‘In lâwmna kan hmu theina dingin LALPA chu sukro- puiin um raw se,’ an tih a, nisienla- khawm, inzak lem tâng an tih.

JEREMIA 11:7

Aigupta rama inthawka anni ka hung ṭhuoi suok nia inthawk tah vawisûn ni chen khawm hin. “Ka râwl chu awi ro,” tia hrila, inhmataka thoa, anni chu inhriettirin, in thlatu- hai chu ṭhahnemngaitakin ka lo inhriettir tah a.

JEREMIA 19:3

Hieng hin ti la. Nangni Juda ram lalhai le, Jerusalem hluotuhai, LALPA thu chu lo ngai ta u; sipaihai LALPA Israel Pathien chun hieng hin a tih: Ngai ta u, hi hmuna hin thil ṭha naw kân tlungtir ding a nih; a hre taphawt chu an nahai chu khel a tih.

JEREMIA 2:4

Aw Jakob sûngkuo le, Israel sûngkaw pahnamhai po po, LALPA thu chu ngai ta u;

JEREMIA 2:9

“Chuleiin, LALPA chun, nangnia chun hung phût ka ta, in nauhai nauhai chunga chen chun ka hung phût ding a nih, a tih.

JEREMIA 25:31

Ri chu hnuoi tâwp chenah hung tlung a ta; LALPA chun hnamhai le chun inkalna an nei sih a; mi tin chu phût a ta; mi rilohai ruok chu kâwl- hnâm pêng a tih, LALPA chun a tih,” tiin.

JEREMIA 34:4

Amiruokchu, Juda lal Aw Zede- kia, LALPA thu chu lo ngai ta; i chungthua chun LALPA chun hieng hin a tih: Kâwlhnâm chun thi naw ti nih a;

JEREMIA 4:22

“Ka mihai an invêt a, an mi hriet si nawh a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

JEREMIA 4:28

Hi hi lei hin leihnuoi chun sûn a ta, chun, chunga vânhai inthim a tih; ka hril ta leiin, ka tum tlat tah a; kân sîr bawk nawh a; chutaka inthawk lamlêt bawk naw ning.”

JEREMIA 5:4

Chun, kei chun, “Matheiloin, hienghai hi mi rimsi an na; invêt an nih: an Pathien rorêl amani, LALPA lampui amani khawm chu an hriet si nawh a.

JEREMIA 51:5

Israelhai amanih, Judahai ama- nih, an Pathien, sipaihai LALPA chu a nghatsan si nawh a; an ram chu Israel Mi Inthieng dodâlin khawhlo- nain sip hle sien khawm.

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia in- thawka thiempuhai chen khawmin, mi tin el chun indik lotakin an thawh a.

JEREMIA 7:28

Chun, an kuoma chun, “LALPA an Pathien râwl khawm ngai loa, inchûktirna khawm pawm bawk lohai chu hi hnam hi an nih; thudik chu a riral a, an baua inthawk chun sât thlâkin a um a,” tîng i tih.

JEREMIA 9:20

Aw nangni nuhmeihai, LALPA thu chu la lo ngai unla, in nahai chun a baua thusuok chu hre sienla, mi tinin mâni naunuhmeihai seng chu ṭapinrûm inchûktir sienla, mi tinin a tuolbâwm chu sûn dân inchûktir raw se.

JEREMIA 9:3

Thudik nawa dingin an thalngul ang elin an lei chu an thlep a; chu rama chun thahrâttakin an hung inṭhang a, thudika ruok chun ni loin; thil suola inthawkin thil suola vêk chun an pakai a, kei khawm an mi hriet hlawl nawh, LALPA chun a tih.

JEREMIA 9:7

Chuleiin, sipaihai LALPA chun hieng hin a tih: Ngai ta, anni chu suktui ka ta, ka fie ding a nih; ka chipuihai naunu lei chun ieng dang am thaw tâng ka ta?

EZEKIEL 16:35

“Chuleiin, aw nang nawchi- zawr, LALPA thu chu lo hre rawh:

HOSEA 12:2

LALPA chun Juda chunga khawm hêkna ding a nei bawk a, Jakob chu a um dân angzie peiin hrem a tih; A thilthaw angzie peia thungin.

HOSEA 12:3

Sula khawm khan a unaupa chu a kekhawngah a hung man a, A hung puitling khan Pathien chu a thawh a,

HOSEA 5:1

Aw nangni thiempuhai, hi hi lo hre ta u, Nangni Israel sûnghai, lo ngai ta u, Aw laltak sûnghai, na lo sit ta u, Rorêlna chu nangni ta ding a ni sih a; Mizpaa châng le, Tabor tlânga lên zar in ni leiin.

HOSEA 5:4

An Pathien tienga nghakîr dingin, An thil thaw hlakhai chu an bânsan nawh a; Nawchizawr lungril anni lai a um sih a, LALPA chu an hriet naw a nih.

JOEL 1:2

Tarsiehai, hi hi hre unla, hi rama um po pohai, na lo sit ro.Hi in hun lai le in puhai hun laia khawm a um ta hlak am a nih?

AMOS 3:1

Aw, Israel nauhai, Aigupta rama inthawka ka ṭhuoi suok sûng- kuohai, LALPAIN hienga a sawisêlna cheu hi lo ngai ta u.

AMOS 7:16

Chuongchun, tuhin LALPA thu chu hre rawh, ‘Nangin Israel kalin thu hril naw la, Isak sûngkuohai kalin i thu inthla naw rawh,’ i tih a;

MIKA 6:2

Aw tlâng lienhai, LALPA khing- na chu ngai unla, nangni leihnuoi innghatna hlunhai, lo ngai ro; LALPA chu a mihai leh an inkhing a, Israelhai chu khing a tih.

JOHAN 8:55

nangnîn ama in hriet si nawh; kei ruok chun ama ka hriet; ‘Ama ka hriet nawh,’ ti lang nangni anga khêlhlip bawk nîng ka tih; chuong- chun, ama ka hriet a, a thu khawm ka zâwm hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan tah a;

1 KORINTH 15:34

Feltakin har unla, suksuol naw ro; ṭhenkhat chun Pathien hrietna hrim in nei naw hi; hi hi in inzakna dinga ka hril a nih.

THUPUONGSUO 2:11

Thlarauin kohranhai kuoma thu a hril hi na nei chun hre raw se. A hnetu taphawt chu thi hnina chun iengkhawm law naw ni, a tih,’ tiin.

THUPUONGSUO 2:29

Thlarauin kohranhai kuoma thu a hril hi na nei chun hre raw se, a tih, tiin.