HOSEA 2:4 - Pathien Lekhabu Inthieng (BSI)

⁴ A nauhai khawm lainat naw ning, Nawchizawr nauhai an ni sih a.

HOSEA 2:4 ပူးပေါင်းရင်းမြစ်များ

2 LALHAI 9:22

Chun, Joramin Jehu a hei hmu chun, “Ṭha tieng thu am a nih, Jehu?” a hei tih a. Chun, ama chun a lo dawn a, “I nu Jezebel hin uiret le dâwi a chîng sûng chu ṭha tieng thu ieng am um thei a ta?” a ta.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni sih a; chuleiin, anni siemtu chun anni chu lunginsiet naw nih a, anni inngîrtu chun anni chu a ditin ditsak hrim hrim bawk naw nih.

ISAI 50:1

LALPA chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

ISAI 57:3

Nisienlakhawm, nangni dawi- thiemnu naupasal, uire le nawchi- zawr thlahai, hitaka hin hung hnai ro.

JEREMIA 13:14

Anni chu inbawtuotir ka ta, pahai le an naupasalhai ngei chu inbawtuong an tih, LALPA chun a tih; lunginsiet naw ning a, hla naw ning a, hmangaina khawm nei naw ning a, anni chu ka sukbohmang nawna dingin, iengkhawmin mi dâl naw ni.

JEREMIA 16:5

LALPA chun hieng hin a ti sih a: Lusûn ina chun lût naw unla, ṭa dingin fe bawk naw unla, anni chu sûn bawk naw ro; hi hnama inthawk hin ka thlamuongna chu ka lâk hmang ta sih a, LALPA chun a tih, lunginsietna le zângaina innêmtak el chu.

EZEKIEL 23:25

I chunga chun ka îtthîkna chu sieng ka ta, i chunga chun lunginsen pumin thâwng an tih; i hnâr le i nahai chu la hmang an ta; i la mahlahai chu kâwlhnâmah tlûng an tih; i naupa- salhai, i naunuhmeihai chu lâng an ta, i la mahlahai chu meiin kâng hmang vawng a tih.

EZEKIEL 8:18

Chuleiin, kei khawma lungin- senin thaw vêng ka ta, ka mitin anni chu hla naw nih a, lunginsietna nei bawk naw ning; ka naa chun râwl inringtakin hung khêk hai sien- khawm, anni chu lo ngai naw ning,” tiin.

EZEKIEL 9:10

Chuongchun, keia ta ding khawma, ka mitin hla naw nih a, lunginsietna nei bawk naw ning, ami- ruokchu, an suol man chu an lu chungah innghat lem ka tih,” a ta.

HOSEA 1:2

Hosea hmanga LALPA thu hril phutna chu. LALPA chun Hosea kuomah, “Fe la, nawchizawr thla, nawchizawr mi, nuhmeiah va nei rawh, hi ram hin LALPA chu a uiret hmangsan tah,” a tih a.

HOSEA 1:6

Chun, nau a vawn nâwk a, naunuhmei a nei a. Chun, a kuomah, “A hmingah Lo-ruhama sak rawh; Israel sûnghai chu ka lainat ngai ta naw ding a nih, ka ngaidam vak ta âwm si nawh a.

HOSEA 5:7

LALPA chungah vervêktakin an thaw a nih; Hnam dang nauhai an nei sih a; Thla thar chun an lohma chen leh bohmangna intlun a tih.

ZEKARIA 1:12

Chun, LALPA vântirko chun a dawn a. ‘Aw sipaihai LALPA, kum sâwmsari sûng rau an chunga nasa- taka lunginsenna i nei, Juda khaw- puihai le Jerusalem chunga hin ieng chen am zângaina nei loin i um ding a na?’ a ta.

JOHAN 8:41

Nangni chun chu in pa thil chu in thaw hlak,” a ta. Anni chun a kuomah, “Uire naua pieng kan ni nawh ie, Pa pakhat chau kan nei, Pathien chu,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:22

Chuongchun, Pathien ṭhatzie le a ṭiumzie chu ngaituo rawh; a tluhai ta ding chun ṭi a um a nih; nanga ta ding ruok chun a ṭha a nih, a ṭhatnaa i um zing chun; chuong a ni naw chun, nang khawm sât thlâkin um vêng i tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:18

Chuongchun, Pathienin a nuom po a lunginsiet a, a nuom po a suklulul hlak a nih.

JAKOB 2:13

Mi chunga lunginsietna nei naw chu, lunginsietna ṭhang loa rorêl pêkin um a tih, lunginsietna chu rorêlna chunga chun ân suong hlak a nih.