HOSEA 2:18 - Pathien Lekhabu Inthieng (BSI)

¹⁸ Chu nia chun ramsahai, chung- lêng vatehai, hnuoia thilhringhai leh an ta dingin thuthlung siem ka ta; thalngulhai, kâwlhnâm dâm le indo nahai hi hnuoia inthawkin sukbo- hmang ka ta, himtakin inum hmun- khattir ka tih.

HOSEA 2:18 ပူးပေါင်းရင်းမြစ်များ

JOB LEKHABU (THE BOOK OF JOB) 5:22

Sukbohmangnaa le ṭâmnaa chun innui i ta, Hnuoi chunga sahrânghai khawm ṭi bawk naw ti nih.

JOB LEKHABU (THE BOOK OF JOB) 5:23

Rama lunghai le chun inthuruol tâng in ta; Rama sahrânghai khawm chu nang le inremin um tâng an tih.

INPÂKNA HLABU 148:10

Ram sa le ran po pohai, Thilhring le chunglêng vatehai;

INPÂKNA HLABU 23:2

Ama chun hlohna hring dup hmunah a mîn bawktir hlak a, Châwlna tui pangahai a mi ṭhuoi hlak.

INPÂKNA HLABU 46:9

Ama chun indonahai chu kâwlkawdawng chenin a sukbo hlak a, Thalngul chu a sukthliek a, fei chu a sât bawng hlak a. Tawlailîrhai chu meiah a raw hmang hlak.

ISAI 2:11

Mihriem inditnahai chu suk- tlâwmin um a ta, mihai chapona chu sukhnuoiin um a tih; chu nia chun LALPA chau chu chawisângin um a tih.

ISAI 2:17

Mihriem inditnahai chu suk- hnuoiin um a ta, mihai chapona chu suktlâwmin um bawk a tih; chu nia chun LALPA chau chu chawisângin um a tih.

ISAI 2:4

Ama chun hnam tin kârah ro rêl a ta, chi tamtak khawm kâwk bawk a tih; chun, an kâwlhnâmhai chu hnuoi inletna hmawr zumahai sut an ta, an feihai chu thei kûng âtbawngna chem inkuoiahai sut an ta, hnam dangin hnam dang chungah kâwlhnâm inlet ta naw nih a, indo dân khawm inchûk ta bawk naw ni hai.

ISAI 26:1

Chu nia chun Juda ramah hi hla hi sak an tih; “Khawpui dettak ei nei a, ama chun sandamna chu kul banghai le kulpuihai leh ruot a tih.

ISAI 32:18

Chuongchun, ka mihai chu râl- muonga umnaahai le in dettakhaia le châwlna hmun muongumtakhaia chun um tâng an tih.

ISAI 54:5

Nangma siemtu chu i pasal a ni sih a; a hming chu sipaihai LALPA a nih; Israelhai Mi Inthieng chu nang- ma intlantu a ni bawk a nih; ama chu khawvêl po po Pathien tîng an tih.

ISAI 65:25

Satene le berâmte chu tla hmunkhat tâng an ta, sakeibaknei chun bâwngchal angin bupâwl fa tâng a tih; pilvut chu rûl bu ni bawk a tih. Ka tlâng inthienga hrim hrim chun sukna ta naw ni hai a, sukse ta bawk naw ni hai, LALPAIN a tih.

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “LALPA chu ei felna a nih,” ti hi.

JEREMIA 30:10

Chuleiin, Aw Jakob, ka siehlaw, ṭi naw rawh, LALPA chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni sih a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘LALPA chu ei felna a nih,’ ti hi koa a umna ding hming chu ni ta bawk a tih.

EZEKIEL 34:25

Anni le inremna thuthlung siem ka ta, rama inthawk chun ramsa rilohai chu inrêmtir vawng ka tih; thlalêra chun himtakin chêng an ta, rampui hnuoia chun zâl an tih.

EZEKIEL 39:1

“Chun, nang, mihriem naupa, Gog chunga chun thu hril rawh, hieng hin ti la, Lalpa PATHIEN chun hieng hin a tih: Aw Gog, Ros le, Mesek le, Tubal hotutak nang ka dodâl che a nih;

ZEKARIA 14:4

Chu nia chun a kehai chu Oliv tlânghai, Jerusalem sak ela umhai chunga chun ngîr a ta, chun, Oliv tlânghai chu a laia chun saktieng le thlangtienga chun kakintan a ta, chuongchun, ruom nasatak hung um a tih; chun, chu tlâng chenve chu hmârtieng insawn a ta, a chenve dang chu simtieng insawn a tih.

ZEKARIA 14:9

Chun, LALPA chu leihnuoi po po chunga laltak ni tâng a ta, chu nia chun LALPA chu pakhat nîng a ta, a hming khawm pakhat chau nîng a tih.

ZEKARIA 2:11

Chun, chu nia chun hnam tamtakhai chu LALPA tieng hung kawp an ta, ka mihai an hung ni ding a nih; chun, kei chu nangmaa chun chêng ka ta, chuongchun, sipaihai LALPA chun i kuomah a mi hung tir a nih ti hre tâng i tih.

ZEKARIA 3:10

Chu nia chun, theichang kûng le grêphrui hnuoia chun nangni mi tin chun mâni tuolbâwmhai chu ko tâng in tih,” sipaihai LALPA chun a tih.

ZEKARIA 9:10

Ephraima inthawkin tawlailîr chu sât thlâng ka ta, sakawr chu Jerusalema inthawkin; chun, indona thalngul chu sât thliek ni tâng a tih; chun, ama chun hnamhai kuoma chun inremna thu hril a ta; a ramawp chu tuisuorieta inthawka tuisuoriet chen, Vadungpuia inthawka leihnuoi tâwp chen nîng a tih.