HOSEA 2:13 - Pathien Lekhabu Inthieng (BSI)

¹³ Riminhnik a rawpêk hlak Baal nihai chu a chungah thung ka ta, Chuong lai chun a nabehai le a în cheinahai chu ân bel a, A dit zâwnghai a pan a, kei a mi theinghil a nih, Ti hi LALPA thu suok a nih.

HOSEA 2:13 ပူးပေါင်းရင်းမြစ်များ

2 LALHAI 1:2

Chun, Ahazia chu Samaria khuoa um a in pindan chunghnung inhuonna dai âwngkâra chun a tlah a, a damnaw tah a; chun, tirtâwnhai a tir a, “Fe unla, Ekronhai Pathien Baal-zebub chu hi natnaa inthawk hin ka dam nâwk ding am va râwn ta u,” tiin.

2 LALHAI 10:28

Chuong ang chun Jehu chun Baal chu Israel rama chun a suk- bohmang a nih.

2 LALHAI 21:3

A pa Hezekiain a suksiet tah bâwlhmunhai chu a siem ṭha nâwk a; Israel lal Ahab thaw angin Baal mâichâmhai a siem a, Aserahai a siem a, vâna um po po khi a biek a, an rawng a bâwl a.

JOB LEKHABU (THE BOOK OF JOB) 8:13

Pathien theinghiltu po pohai lampuihai chu chuong ang chu an na; Pathien ngaisak nawhai beiseina chu bohmang a tih.

INPÂKNA HLABU 106:13

Nisienlakhawm, a thilthaw- hai chu an theinghil vak tah a, A remruot chu an nghâk pei nawh a.

INPÂKNA HLABU 106:21

Pathien an sandamtu an theinghil tah a, Aigupta rama thil ropuitak tak thawtu chu;

INPÂKNA HLABU 78:11

A thilthawhai chu an thei- nghil a, A thilmak thaw ân hmutirhai khawm chu.

FESUOKNA 32:34

Tuhin fe la, hmun ka hrilna chea khan mipui chu ṭhuoi la, ngai ta, ka vântirko i hmaah fêng a tih. Amiruokchu, ka hung sir nia chun an suol man chu anni chungah intlung- tir ka tih,” a ta.

ISAI 17:10

Pathien i sandamtu i theinghil a, i hrâtna lungpui chu i hriet zing si nawh a; chuleiin, kûng mawitak takhai i phun hlak a, a sûnga chun kau danglamtak takhai i sunbûr fur hlak a;

ISAI 65:7

nangni khawhlona le in puhai khawhlona chu, LALPAIN a tih, chuonghai chun tlâng lien chungahai thil rim inhnik an rawh a, tlâng chungahai chun ka hming an hrilsiet hlak; chuleiin, an sinthaw chu a hmasatakin an ângsûngah inkhipêk ka tih.

JEREMIA 11:13

Aw Juda, i khawpui ni zât ang pei el chun i pathienhai chu an um sih a; Jerusalem kawtthlêr zât zâtin inzâpuiumtakin mâichâmhai, Baal kuoma riminhnik rawna ding ngei chu, i lo siem ta bawk a.

JEREMIA 18:15

Ka mihai chun an mi thei- nghil a, teplo kuoma chun riminhnik chu an lo raw ta sih a; chun, anni chun an lampuihaia chun an insui thlûktir a, tienlaia lampuihai, lampui rûka fe dingin, tluongpui lam niloa chun;

JEREMIA 2:32

Nunghâk chun ân cheina thuom- hnaw chu a theinghilin, mo chun a mo puon chu a theinghil thei am a nih? Ka mihai ruok chun nihai tiem sêng loa inthawk tah an mi theinghil a nih.

JEREMIA 23:2

Chuleiin, Israel Pathien LALPA chun, ka mihai châwmtu berâmpuhai chungthua chun hieng hin a hril: Ka berâm ruolhai chu in hnawt dar a, in khal hmang tâwl tah a, anni chu in va sir ngai bawk nawh a; ngai ta u, in thilthaw rilohai chun ka hung sir ding cheu a nih, LALPA chun a tih.

JEREMIA 7:34

Chun, Juda khawpuihaia in- thawk le Jerusalem kawtthlêrhaia inthawk chun hlimna râwl dâm, lâwmna râwl dâm, moneitu râwl dâm, mo râwl dâm inrêtir ka tih; ram chu suksiet a ni ding a ni sih a.

JEREMIA 7:9

Inruin, tuolthatin, uirein, khêla inkhâmin, Baal hmaa chun rimin- hnik rawin pathien in hriet nawhai chu zuiin,

ṬAP HLA 1:4

Inkhâwmpui hunbi neia chun tukhawm an hung naw leiin Zion lampui chun a sûn a, A dai kawtkhârhai po po chu râusanin a um a, a thiempuhai chu an inrûm a; A nunghâkhai chu sukrinumin an um a, ama khawm chu khâknaa chun a um a.

ṬAP HLA 5:14

Upahai chun dai kawtkhâr an rielsan a, Tlangvâlhai chun an rimawihai chu an tâwpsan a.

EZEKIEL 16:12

Chun, i hnârah hnârbê le, i na- haia chun nabêhai le, i lu chungah lukhum mawitak ka sieh a.

EZEKIEL 16:17

Ka rângkachak le ka tangka în cheina hluhai ka pêkhai che chu i lâk a, mihriemhai limhaia chun i siem a, anni le chun nawchizawrna thil chu i thaw tah a;

EZEKIEL 22:12

I sûnga chun thisen insuo dingin thamnahai an lâk a; a pung hnawtna le a pung chu i lâk a; nêksâwrnain i tuolbâwmhai chunga chun duâmtakin i lo hlêp tah a; kei i mi lo theinghil tah a nih, Lalpa PATHIEN chun a tih.

EZEKIEL 23:35

“Chuleiin, Lalpa PATHIEN chun hieng hin a tih: Kei i mi lo theinghil tah a, i hnungah i mi pei tah a, chuleiin, i hurna le i nawchizawr- nahai chu nangin phur rawh,” tiin.

HOSEA 11:2

Ka ko râwn po leh an mi hlat zuol det a, Baalhai kuomah an inthâwi lem a. Mi lim siem fâwmhai kuomah riminhnik an raw a nih.

HOSEA 13:1

Ephraimin thu a hril chun inthinna khawp a tling hiel hlak, Israel mihai laia chun ngai ropui a ni mieu sih a. Baal kuoma a tlûk china hin chu a thi tah a nih.

HOSEA 13:6

An fâk ding dawnga chun an tlai a, An tlai chu an lungrilin an chapo phah a, Chuongchun, an mi theinghil tah a nih.

HOSEA 2:5

An nu chun nawchi a zawr hlak a, Anni vawntu chu inzâpuiumtakin a um a; Ka bu dâm, ka tui dâm, ka sahmul dâm, Ka pat dâm, ka hriek dâm le, ka dâwn dinghai mi petu. Ka dit zâwnghai chu hnawt ka tih, a ti a nih.

HOSEA 2:7

Chun, a dit zâwnghai chu hnawt a ta, Hnawt phâk naw nih. Anni chu zawng a ta, hmu naw nih; Chuongchun, Ka pasal hmasa kuomah kîr nâwk ka tih. Tulai nêk hin kha hma kha ka ta dingin a ṭha lem si, tîng a tih.

HOSEA 4:13

Tlâng sîphaia chun an inthâwi a, Muolhaia chun riminhnik an rawh a; Thingsaisuo le beraw le tarpin thing hnuoia chun, A hlim chu ân hawi leiin. Chuleiin, in naunuhmeihai chun nawchizawr an chîng a, In mohai chun uiret an chîng a nih.

HOSEA 4:6

Ka mihai chu hrietna tlâksam leiin sukbohmang an na, Hrietna chu i dit naw leiin kei khawma ka thiempu i ninaa inthawk chun dit naw ve tâng ka ti che. I Pathien dân chu i theinghil vei a, Kei khawmin i nauhai theinghil vêng ka tih.

HOSEA 8:14

Israel chun a siemtu a theinghil a, In ropuihai a bâwl a; Juda chun khawpui kul neihai a sukpung a; Nisienlakhawm, a khawpuihaia chun mei tir ka ta, A in ropuihai chu kâng zo a tih.

HOSEA 9:7

Hremna nihai chu a hung tlung a, Thungna nihai chu a hung tlung ie! Israel chun chu chu hrieng a ta; I rîtlona chu a tamin intaina a tam leiin. Zâwlnei chu ân vêt a, thlarau nei mi chu mi invêt a nih.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

DÂN PAHNINA 32:18

A thlatu che Lungpui chu i ngaisâng nawh a, A siemtu che Pathien i theinghil bawk.

DÂN PAHNINA 6:12

fîmkhur hle el ro; chuong naw chun, Aigupta rama inthawka suoka inthawka ṭhuoi suoktu cheu LALPA chu theinghil el rawi in tih.

RORELTUHAI 10:6

Israel mipui chun LALPA mit- hmua thil suol chu an lo thaw nâwk tah a, Baalhai le Astaroth, Suria mi- hai pathienhai, Zidon mihai pathien- hai, Moab mihai pathienhai, Ammon mihai pathienhai, Philistin mihai pathienhai rawng an lo bâwl tah a; chuongchun, LALPA chu an nghat- san a, a rawng an bâwl ta nawh a.

RORELTUHAI 3:7

Chun, Israel thlahai chun LALPA mithmuah thil suol an lo thawh a, LALPA an Pathien chu an theinghil a, Baalhai le Aserah rawng an bâwl a.

1 SAMUEL 12:9

Nisienlakhawm, LALPA an Pathien chu an theinghil a; chun, ama chun Hazor sipai hotu Sisera kuta le Philistin mihai kuta le, Moab lal kutah a zawr a, chun, anni chun an do a.