HOSEA 14:9 - Pathien Lekhabu Inthieng (BSI)

⁹ Tu am vara hieng hi hrethiem thei ding? Tu am var hlea hre thei ding? LALPA lampuihai chu an indik a; Mi indikhai chun an hraw ding a ni sih a; Bawsetuhai ruok chu chutaka chun An insui thlu ding a nih.

HOSEA 14:9 ပူးပေါင်းရင်းမြစ်များ

INṬANNA 18:25

Nang êm chun, chuong ang êm chun, mi felhai chu mi suolhai anga an um vena dinga mi felhai chu mi suolhai laia sukhlum ve el chu i thaw awm êm si nawh a; nang êm chun i thaw âwm êm si nawh a: hnuoi chung po po Rorêltu chun feltakin a thaw naw ding am a nih?” a ta.

JOB LEKHABU (THE BOOK OF JOB) 17:9

Mi fel chun a lampui chu chel zing a ta, Kut faihai neitu chu hung hrât deu deu a tih.

INPÂKNA HLABU 107:43

Tukhawm a var taphawt chun chuong chu vawng ṭhâng an ta, LALPA ngilneina chu ngaituong an tih.

INPÂKNA HLABU 119:128

Chuleiin, kawng tinrêng thuah, i thununna thuhai po po chu indikin ka hriet a, Um dân indik naw tinrêng hi ka theida a nih.

INPÂKNA HLABU 119:75

Aw LALPA, i rorêlhai chu a fel ti le, Nang chun ringumtakin a nih i mi sukrinum chu ti ka hriet.

INPÂKNA HLABU 84:5

Nangmaa hrâtna nei mi chu a hamṭha, A lungrila Zion panna lamlienhai umna chu.

INPÂKNA HLABU 84:7

Hrâtnaa inthawkin, hrât nâwk zuolnaah an fe hlak a, Ziona Pathien hmaa chun an inlang seng hlak.

THUVARHAI 10:29

LALPA lampui chu mi tluong ta ding chun kul nghettak a na, Suolna thawtuhai ta ding ruok chun bohmangna a nih.

THUVARHAI 16:21

Lungrila var chu mi var ti nîng a ta, Hmûrhai thlumna chun thiemna chu a sukpung.

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

ISAI 1:28

Nisienlakhawm, bawsetuhai le mi suolhai suksietna chu um inruol a ta, LALPA mâksantuhai khawm sukbohmangin um an tih.

ISAI 17:8

Mâichâm anni kut suok tieng chu en ta naw nih a, anni kuta siem Asera amanih, nisa limhai amani khawm inza ta naw ni hai.

ISAI 26:7

Mi fel lampui chu indikna a na, nang lungril indiktak put chun mi fel lampui chu i sukruol hlak.

JEREMIA 29:12

Chun, kei chu mi hung ko in ta, fêng in ta, ka kuoma chun ṭawngṭai in ta, chun, kei khawma lo ngai ka ti cheu.

JEREMIA 9:12

Hi hi a hrilfie theina dinga LALPA bauin a kuoma thu a lo hrilna chu tu am a na? Ieng leia ram chu thlalêr anga a kâng a, a bohmang a, tukhawm an fe thleng ta nâwm a na?

EZEKIEL 11:18

Chun, chutaka chun hung an ta, chutaka inthawk chun thil tirdakum- hai po po le thil pawrchehai po po chu la hmang an ta.

EZEKIEL 18:25

Amiruokchu, Lalpa lampui chu ân ang rawp nawh a, in la ti a ni thei a; tuhin ngai la, Aw Israel sûngkuo, ka lampui chu ân ang vawng an nâwm a nih? In lampuihai ni lo am a ni ân ang vawng naw chu?

EZEKIEL 36:25

Tui inthieng chu thinkhum ka ti cheu a, inthieng tâng in tih; in in- thiengnawna po poa inthawk le in milimhai po poa inthawkin sukthieng ka ti cheu.

DANIEL 12:10

Mi tamtak chu anni le anni insukthieng an ta, insukvâr an ta, insukthieng an tih; nisienlakhawm, mi khawhlohai chun khawhlotakin thâwng an ta; mi khawhlohai tu- khawmin hrethiem naw ni hai; amiruokchu, a varhai chun hrethiem an tih.

ZEPHANIA 3:5

Ama sûnga chun LALPA chu mi indik a na; rîtlona chu thaw naw ni; zîng tinin a rorêlna chu varah a hung lâk suok a, a thlâwn ngai hrim hrim nawh a; amiruokchu, mi fel naw chun inzakna a hriet naw a nih.

ZEKARIA 10:6

Chun, Juda insûng chu hung sukhrât ka ta, Josef insûng chu sandam ka tih; chun, anni chu hung ṭhuoi kîr nâwk ka tih, an chungah lunginsietna ka nei sih a; chun, anni chu ka lo pei thlâk naw ang hrimin um tâng an tih; chun, an thu chu ngai bawk ka ta, LALPA an Pathien ka ni sih a.

MATTHAI 11:19

Mihriem Naupa a hung a, a fâkin a dâwn a, ‘En ta u, bu he mi, uoin he mi, siedâwltuhai le mi suolhai ruolpa saw,’ an ti sih a. Nisien- lakhawm, Varna chu a thilthawhaiin an inthiem,” a ta.

LUKA 2:34

Chun, Simeon chun mal a sâwmpêk a, a nu Mari kuomah, “Ngai rawh, hi naupang hi Israel lai mi tamtak tlûkna ding le ngîrsuokna dinga ruot a nih, mi isawisêl ding inchikna ni bawk dingin:

LUKA 7:23

Chun, tûkhawm ka chunga lungninawna hmu naw chu an hamṭha,” a ta, a dawn a.

JOHAN 15:24

Thil, mi dang tukhawm ithaw ngainawhai anni lai thaw naw lang chu, suol an nei naw ding bah; tu ruok hin chu annîn kei le ka Pa kan pahniin an mi hmu tah a, theida khawm an mi theida tah a nih.

JOHAN 18:37

Chun, Pilatin a kuomah, “Chu lal i ni am a nih?” a ta. Isûn, “Lal ka nizie i hril zing chu. Thutak inhriettir hi ka pieng san le khawvêla ka hung san a nih. Tukhawm thutaka mi taphawt chun ka thu an pawm hlak,” a ta.

JOHAN 8:47

Pathien kuoma inthawka suok chun Pathien thu a pawm hlak; hi lei hin in pawm naw a nih, Pathien kuoma inthawka suok in ni naw leiin,” a ta.

JOHAN 9:39

Chun, Isûn, “Rorêl dinga hi khawvêla hin hung ka nih, mitdelhai chu an mit a hung varna ding le, mitvarhai chu an mit a hung indelna dingin,” a ta.

THILTHAWHAI 13:10

“Nang mi hlêm le theidaum tinrênga sippa, nang diebol naupa, nang felna tinrêng kawp nawpa, Lalpa kawng feltakhai hi suksiet ma naw ti ni maw?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:12

Chuongchun, Dân chu ân thieng a, thupêk khawm chu ân thieng a, a fel a, a ṭha a nih.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

THUPUONGSUO 15:3

Chun, Pathien suok Mosie le Berâmte hla an sak a, “Aw Lalpa Pathien Iengkimthawthei, I thilthawhai chu a ropuiin a mak a; Nang, hnam tin Laltak, I lampuihai chu a felin ân dik a nih.