HOSEA 14:5 - Pathien Lekhabu Inthieng (BSI)

⁵ Israel kuoma chun daidaw ang nîng ka ta, Ama chu lili angin hung vul a ta, Lebanon tlânga thing zung angin a zung thlâk dar a tih.

HOSEA 14:5 ပူးပေါင်းရင်းမြစ်များ

2 SAMUEL 23:4

Nisa a hung suok a, sûm um dêr lo, Zîng khawvar ang hi nîng a ta; Raw sûr zoa khuo hung inthienga, Hnuoia hlohna inder no hlap ang hi nîng a tih.

2 LALHAI 19:30

Chuongchun, Juda sûnghai laia a la dam sunhai chun a suktiengin zung kei an ta, a tung zâwngin ra nâwk an tih.

JOB LEKHABU (THE BOOK OF JOB) 29:19

Ka zung chu tuihai chenin ân zâm a, Ka zâr chunga chun zânkhawvârin dâidaw chu a kûr bawk a.

INPÂKNA HLABU 133:3

Hermon daidaw Zion tlânghaia tla hlak ang hi a nih; Chutaka chun LALPA chun malsâwmna thu a pêk a, Kumkhuoa hringna dingin.

INPÂKNA HLABU 72:16

Hnuoiah, tlâng chungahai hin bu tamtak um a ta, A vui chu Lebanon angin inhnîng suou suou a ta, Khuoa mihai chu hnuoi hlobet angin inno hlut hlut an tih.

INPÂKNA HLABU 72:6

Ama chu hlobet râwtna chunga ruotui tla angin tlâng a ta, Hnuoi châwmtu ruotui ang elin.

INPÂKNA HLABU 80:9

A hma i sukfai pei a, Inthûktakin zung a kei a, ram chu a aw ta vawng a.

INPÂKNA HLABU 92:12

Mi fel chu intûm angin inno hlut hlut a ta, Lebanon tlânga sidar thing angin inṭhang duok duok a tih.

INPÂKNA HLABU 92:13

LALPA ina phunhai chu, Ei Pathien biekin inhuonna tuol sûnga chun inno hlut hlut an tih.

THUVARHAI 19:12

Lal lunginsenna chu sakeibak- nei inrûm ri ang a na, A ditsakna ruok chu hlohna chunga daidaw ang a nih.

HLAHAI HLA 2:16

Ka hmangaitak chu ka ta a na, kei khawm a ta ka nih; Ama chun a ran ruol chu lilihai lai chun ân tlattir hlak.

HLAHAI HLA 4:5

I nêne pahnihai chu sakhi tuoi a ṭhienga, Lili laia tla hmunkhat ang chu an nih.

ISAI 12:1

Chu nia chun hieng ang hin la hril i tih, “Aw LALPA, lâwm- thu hril ka ti che; ka chungah lo lunginsen ta la khawm, i lunginsen chu a bo tah a, nangin i mi thlamuon ta a ni hi.

ISAI 18:4

LALPA chun ka kuomah hieng ang hin a hril a nih, “Um ṭawk ṭawk ka ta, ka umnaa hin thlîr zing ka tih; nisa sat laia khaw lum inthieng vel vul ang le, bu sîk khaw lum laia daidaw sûmhu ang hin,” tiin.

ISAI 26:19

I mithihai chu hring nâwk an ta, an ruonghai chu tho nâwk an tih. Pilvuta umhai, har unla, hlimtakin hla sak ro, i daidâw chu thlaihai daidâw ang a na, hnuoi hin mithihai chu a pei suok ding a ni sih a,” ti hi.

ISAI 27:6

Hun la hung tlung dinga chun Jakobhai chun zung kei an ta; Israelhai chu kumûmin pâr an tih; chuongchun, hnuoi chung hi rain suksip an tih.

ISAI 35:2

Pâr vul chûk a ta, hlasak le lâwmin hlim a tih; Lebanon ropuina chu a kuoma pêk nîng a ta, Karmel le Saron mawina leh; LALPA ropuina hmûng an ta, ei Pathien mawina leh.

ISAI 44:3

Dangchâr chunga chun tui ka hung buok ding a ni sih a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 45:8

Vânhai, chungtienga inthawk khan infarthlâktir ro, vân dumhai khan felna hung buok thla raw hai se, sandamna an inder dawktir theina dingin hnuoi inhawng sienla, felna leh mâwng hmunkhat raw se; kei LALPA hin chu chu ka siem a nih.

ISAI 57:18

A um dânhai chu ka hmuh a, ama chu sukdam ka tih; ṭhuoi bawk ka ta, ama le a sûnpuituhai kuomah lungmuongnahai pe nâwk ka tih.

ISAI 57:19

Kei chun hmûrhai ra ka siem hlak a, ‘Inremna, inremna, hlataka um kuoma le hnaitaka um kuoma chun um raw se,’ LALPAIN a tih, ama chu sukdam ka tih.

JEREMIA 3:22

“Hnungtawl thlahai, hung kîr ro; in hnungtawlnahai chu lo suk- dampêk ka ti cheu.” “Ngai ta, i kuoma chun kan hung ie, nang chu LALPA kan Pathien chu i ni sih a.

JEREMIA 32:41

Anih, anni chu sukṭha dingin an chungah hlim tâng ka ta, hi rama hin ka lungril po po le, ka lungvar po poin thudikah anni chu phun ka tih.

HOSEA 6:3

LALPA hrietna chu hnawt pei ei tiu khai, hrieng ei tiu; Zîng khawvar anga inkhêl ruol loin ân thawk suok ngei hlak; Ei kuomah ruo angin, ruo nuhnung, hnuoi sukhutu ang elin hung tlung a tih,” tiin.

MIKA 5:7

Jakob mi la um sun chu chi tamtakhai laia LALPAA inthawka daidaw tla ang le, hlobet chunga raw sûr angin um a tih, chu chun mihriem a nghâk nawh a, mihriem naupasal a nghâk bawk nawh.

MIKA 7:18

Nang anga khawhlona ngai- damtu le a rochan la um sun bawsietna fekhêltu Pathien tu am an um a? A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

MATTHAI 6:28

Chun, silfên thuah iengdinga in lungkham am a na? Ram tûktinpâr inṭhangzie hi ṭha takin ngaituo ro; sin an thaw nawh, pat khawm an kher bawk nawh;

LUKA 12:27

“Tûktinpâr inṭhangzie hi ngai- tuo ro; sin an thaw nawh, pat khawm an kher ngai nawh; nisienlakhawm, ka hril cheu hi, Solomon meu khawm a ropuina po poa ân thuom khan, hieng tûktinpâr pakhat tluk khawm hin cheiin a um nawh.

EPHESI 3:17

Krista chu ringna leia in lungril sûnga a chêng theina dingin; chuongchun, hmangainaa zung kei le, innghatna neia umin,

DÂN PAHNINA 32:2

Ruotui angin ka thu chu sûr a ta, Dâidâw angin ka thu chu far a tih; Hlobet innotak chunga ruo ang le, Hlohna chunga ruomuolkhawi angin.