HOSEA 14:2 - Pathien Lekhabu Inthieng (BSI)

² Thu chawi pumin LALPA kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

HOSEA 14:2 ပူးပေါင်းရင်းမြစ်များ

2 SAMUEL 12:13

Chun, David chun Nathan kuomah, “LALPA chungah thil ka lo suksuol tah a nih,” a ta. Chun, Nathan chun David kuomah, “LALPA khawma i suol chu a sie hmang ve tah a; thi naw ti nih.

2 SAMUEL 24:10

Chun, mihriem an hang tiem zo chun David lungril chu a na ta hle el a. David chun LALPA kuomah, “Ka thilthawa hin nasatakin ka lo suol tah a nih; nisienlakhawm, tuhin aw LALPA, i siehlaw rîtlona hi sie hmang dingin ka ngên che, invêttakin ka lo thaw tah a nih,” a ta.

JOB LEKHABU (THE BOOK OF JOB) 7:21

Iengdinga ka bawsietna hi i ngaidam nawh a, Ka rîtlona hi i lâk hmang naw? Tuhin pilvut lai ka zâl el ding an ta sih a; Ngûntakin mi zawng i ta, nisienlakhawm, um ta naw ningah,” tiin.

INPÂKNA HLABU 119:108

Aw LALPA, lunginsiettakin, ka baua nuomthua thilpêkhai hi la la, I rorêlnahai chu mîn chûktir rawh.

INPÂKNA HLABU 50:14

Pathien kuoma lâwmthu hril- na inthâwina inhlân lem la, I thutiem khawm Achunghnungtak kuomah hlen rawh.

INPÂKNA HLABU 51:16

Inthawina chungah lâwmna i nei si nawh a; chuong ni naw sien chu pêng ka tih; Pumrawhmanga thilinhlân chungah lungawina hrim i nei nawh.

INPÂKNA HLABU 51:17

Pathien dit zâwng inthawina chu thlarau lungriem ithlâk hi a na, Aw Pathien, lungril lungriem ithlâk le insîr ngawi ngawi hi hmusit naw ti nih.

ISAI 44:22

In bawsietnahai chu sûm sâmup sukboin ka sukbo tah a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

ISAI 6:7

ka bau a hang bel a, “Ngai rawh, hi hin i hmûr a tâwk tah; chuong- chun, i khawhlona lâk hmang a ni tah a, i suol khawm tlêngfai a ni tah,” a ta.

JEREMIA 3:12

Fe la, hi thuhai hi hmâr tienga chun va phuong la, ‘Hung kîr rawh, nang Israel hnungtawl, LALPA chun a tih; i chunga chun lunginsenin en naw ning cheh a, zângai theitak ka ni sih a, LALPA chun a tih, lunginsenna chu kumkhuoin kawl zing naw ning.

HOSEA 12:7

Sumdâwngtu a na, a kutah bûkna indik naw a um a, Hlêm ngawt a châk hlak a nih.

HOSEA 5:5

Israel sawngtawlawi chun a hmai sanah ân hriettir a, Chuongchun, Ephraim le Israel chu an khawhlonaa chun tlûng an ta; Juda khawm anni lai tlu vêng a tih.

HOSEA 6:6

Inthâwina dit loin lunginsietna ka dit sih a; Pumrawhmang thilinhlân nêk chun Pathien hrietna ka dit lem a nih.

JOEL 2:17

Thiempu, LALPA rawngbâwl- tuhai chu, tuolpûk le mâichâm inkâra chun ṭap sienla, “Aw LALPA i mihai hla la, i rochanhai hi hrilsieta uma hnamhaiin an chunga ro an rêlpêk dingin pe naw rawh: ‘An Pathien chu khâw lai am a um ta leh,’ tiin an mipuihai lai chun ieng dingin am tîng an ta?” ti raw se.

JONA 2:9

Kei ruok chun lâwmthu hrilna râwl leh i kuomah inthâwina inhlân ka ta; Thu ka tiem ta chu hlen ka ta, Sandamna chu LALPA ta a nih,” tiin.

ZEKARIA 3:4

Vântirko chun, a hmaa ngîrhai kuoma chun, “Amaa inthawkin silfên ṭawptak kha la hmang ro,” a ta. Chun, ama kuoma khawm chun, “Ngai ta, i suolna chu nangmaa inthawkin kân fe hmangtir tah a, silfên man tamtak- in kân thuom ding che a nih,” a ta.

MATTHAI 7:11

Chuongchun, nangni mi suol hmanin in nauhai thil ṭha pêk nachang in hriet chun, in Pa vâna mi chun a hnituhai chu thil ṭha a pêk lem hman hman naw ding am a nih?

LUKA 11:13

Chuongchun, nangni mi suol hmanin in nauhai thil ṭha pêk na- châng in hriet chun, in Pa vâna mi chun a hnituhai chu Thlarau Inthieng a va pêk âwm ngei deh e!” a ta.

LUKA 18:13

Siedâwltu ruok chu hlatakah a ngîr a, vân tieng khawm a dâk ngam nawh a, ‘Pathien, kei mi suol hi mi lunginsiet rawh,’ tiin a âwm ân chum ân chum ta lem a.

JOHAN 1:29

Chun, a zînga chun Johanin Isu a kuoma hung ding a hmuh a. Chun, a hril a, “En ta u, Pathien Berâmte khawvêl suol fepuitu ding saw!

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:27

Chu chu an kuoma ka thu thlung ding chu a nih, An suolhai ka lâk hmang pha chun,” tia ziek ang khan.

2 TIMOTHE 1:9

Ama chun ei thilthawhai ang ni loin, ama ruot le a lunginsietna ang lemin a mi sandam a, kona inthiengin a mi ko bawk a, chu lunginsietna chu leilung insieng hmâin Krista Isua chun ei kuoma pêk a ni tah;

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.

HEBRAIHAI 10:4

Bâwngchalhai le kêlhai thisen chun suolhai sukbo thei ruol a ni si nawh a.

HEBRAIHAI 13:15

Chuongchun, ama zâra chun inpâka inthawina hi Pathien kuomah inhlân rawp ei tiu; chu chu a hming ṭanna hmûr rahai chu a nih.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 PETER 2:9

Nisienlakhawm, inthima in- thawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni sih a.

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.

1 JOHAN 3:5

Ama chu suolhai la hmang dingin a hung inlang tah ti in hriet; amaa chun suol iengkhawm a um si nawh a.