HOSEA 13:5 - Pathien Lekhabu Inthieng (BSI)

⁵ Ram ṭâwl nasatak, thlalêra inruolpui hlak che kha ka nih.

HOSEA 13:5 ပူးပေါင်းရင်းမြစ်များ

INṬANNA 31:40

Vawi tamtak chu sûna nisa lum le zâna khawdeiin a mi sukrinum êm êm hlak a, îmu khawm ka hmu ngai nawh.

INPÂKNA HLABU 1:6

Lalpa chun mi felhai lampui chu a hriet sih a, Mi rilohai lampui ruok chu bohmang a tih.

INPÂKNA HLABU 142:3

Ka thlarau ka sûnga a châu lai khan, nangma ngeiin ka lampui chu i hriet a; Ka fena lampuia hin ka âwk- na dingin châng an kam inrûk a.

INPÂKNA HLABU 31:7

I ngilneina lei hin hlimin lâwm ka tih. Ka lunginzîngna hi i hmu si hlak a, Ka hringna hi a rinum lai khawmin i hriet hlak.

INPÂKNA HLABU 63:1

Aw Pathien, nang chu ka Pathien i na, zîngkâr zawng ka ti che; Ram ṭâwl chautak, tui um nawna hmuna hin, Ka hringna hi nangma ngaiin a dangchâr a, ka tisa hin a ngai che a nih.

FESUOKNA 2:25

Chun, Israel thlahai chu Pathien chun a hmuh a, anni chu a hriet zing bawk a.

JEREMIA 2:2

“Fe la, Jerusalem na bula chun khêk la, hieng hin hril rawh, LALPA chun hieng hin a tih; mo anga i hmangaina le, i tleirâwl lai lungin- sietna; khânga ram chi thea um nawna hmuna, thlalêra ka hnung i hung zui kha ka hriet zing a.

JEREMIA 2:6

Anni chun, ‘Aigupta rama in- thawka eini mi hung ṭhuoi suok a, thlalêra le, ram thlalêr le khur hmun le, ram ṭâwltak le thina hlim ram le, ram mi tukhawm an fethleng ngai nawna le, mi tukhawm chêng nawna rama mi ṭhuoitu LALPA kha khaw lai am a um a? khawm an ti nawh.

HOSEA 5:3

Ephraim chu ka hriet a, Israel chu keimaa thup a ni nawh, Tuhin, aw Ephraim, nawchizawr i chîng leiin, Israel chu sukpawrche a na;

HOSEA 9:10

Israel chu thlalêra grêp ra ang elin ka hmuh a, In pahai chu, theichang hun hmasaa a hmin hmasa angin ka hmuh. Nisienlakhawm, anni chu Baalpeor hmunah an hung a. Thil inzakumtaka chun an inpumpêk tah a; An ingainat tak ang bawk chun tirdak an um ve ta a nih.

NAHUM 1:7

LALPA chu a ṭha a, lunginzîng nia chun kul nghet a nih, amaa an ringna innghattuhai chu a hriet.

1 KORINTH 8:3

amiruokchu, mi tûkhawmin Pathien a hmangai chun, chu ngei chu ama ihriet a nih.

GALATI 4:9

Tuta Pathien in hung hriet hnung hin chu — ti nêk hmanin, Pathien mi hriet in hung ni hnung hin chu, ti ding a ni lem — khawvêl A AW B derdêp le teplo mei mei, a suoka um nâwk in inhâwkhai tienga chun, iengtiziea nghakîr nâwk am in na?

DÂN PAHNINA 2:7

LALPA in Pathien chun in thaw taphawthaia chun mal a sâwm hlak cheu a, hi thlalêr lientak hi in fe thleng dân dâm chu a hriet sih a; hieng kum sâwmli sûng po hin LALPA chu in kuomah a um a, ieng- khawm in tlasam naw kha, tiin thu pe rawh,’ tiin.

DÂN PAHNINA 32:10

“Thlalêr ram ruok inrûm vung vunga chun; A vêla umnghain a enkawl a, A mitnaulêng angin a kawl a.

DÂN PAHNINA 8:15

Ama chun thlalêr lientak le rapthlâktak, rûl chukna chi le ainu- vêt umna, tui um nawna, ram ṭâwlah a ṭhuoi thleng cheu a; meitâwklung lungpuia inthawk chun tui a suksuokpêk cheu a,