HOSEA 13:3 - Pathien Lekhabu Inthieng (BSI)

³ Chuleiin, zîngkâr ṭieusûm ang le, Dâidaw inhmataka bo nâwk el hlak ang, Hrizâwla bu si thlivirin a lâk hmang hlak ang, Meikhu suokna meikhu ang nîng an tih.

HOSEA 13:3 ပူးပေါင်းရင်းမြစ်များ

JOB LEKHABU (THE BOOK OF JOB) 21:18

Thli hmaa pâwl kûng ang el an na, Busi thliin a lên hmang hlak ang chu an nih.

JOB LEKHABU (THE BOOK OF JOB) 30:15

Ṭitnahai chu ka chungah a hung tlung a, Ka miṭhatna chu thli ang elin an hnawt a, Ka vângneina hlak chu sûm angin a fe liem tah a.

INPÂKNA HLABU 1:4

Mi rilohai ruok chu chuong ang chu an ni nawh a, Busi thliin a lênhmang hlak ang hi an ni lem a.

INPÂKNA HLABU 68:2

Meikhu hi lên hmanga a um ang hin, anni chu lên hmang la; Khuoihlu hi mei luma ân tuihmang angin, Mi rilohai chu Pathien hmaah bohmang raw se.

ISAI 17:13

Hnam tin chu tui tamtak inri hum hum angin inri hum hum an tih; nisienlakhawm, ama chun kâwk a ta, hlatakah tlân hmang an ta, tlânga busi thli ilên ang le pilvut thlipui imût vir mup mup angin hnawtin um an tih.

DANIEL 2:35

Chun, thîr dâm, pil dâm, dârsen dâm, tangkaruo dâm le rângkachak dâm chu inang rawngin an innawi tah a; nipui laia hrizâwlhaia busi ang el an hung ni tah a; chun, anni ta ding hrimin hmun hmu a ni ta nawh a, thli chun a lên hmang vawng tah a; chun, kha lung milim deltu kha tlâng ropuitak a hung na, khawvêl po po a hluo sip tah a.

HOSEA 6:4

Aw Ephraim, iengtin am ka thaw ding che a na? Aw Juda, iengtin am ka thaw ding che a na? In ṭhatna chu zîngkâr ṭieusûm le daidaw hung bo vak hlak ang hi a ni sih a.

ZEPHANIA 2:2

thupêk chu lâk suok a ni hma hin, busi anga ni chu a liem el hma hin, in chunga LALPA lunginsenna ṭiumtak a hung tlung hma ngei hin, in chunga LALPA lunginsenna a hung tlung ni hma ngei hin.

ZEKARIA 8:12

Inremna chi chu a um ta ding a ni sih a; grêphrui chun a ra insuong a ta, leihnuoi khawm chun a hlâwkna chu insuo bawk a ta, vânhai khawm chun daidaw chu hung pêng an ta; hi chi hlaa umhai hi chuong thilhai po po chu inhluotir ka tih.