HOSEA 13:16 - Pathien Lekhabu Inthieng (BSI)

¹⁶ Samaria chu sukrêmin um a tih, A Pathien chungah a hel sih a; Kâwlhnâma sukthlûkin um an ta, An nautêhai chu peinawi nîng an tih, An nuhmei nau vawn laihai chu phirthlêr nîng an tih.

HOSEA 13:16 ပူးပေါင်းရင်းမြစ်များ

2 LALHAI 15:16

Chuongchun, Menahem chun Tirzaa inthawk chun Tipsa khuo le a sûnga um po pohai le a ramhai chu a thawh a, an inhawng naw leiin a do a nih; chuonga nau vawnlai nuhmeihai po po chu a phirthlêr a.

2 LALHAI 17:18

Chuleiin, LALPA chu Israelhai chunga chun a lung a sen ta êm êm a, a mithmu phâk nawah a sawn hmang dai tah a; Juda hnam chau naw chu um an um ta nawh a.

2 LALHAI 17:5

Chuongchun, Assuria lal chun ram po po chu a hrût suok vawng a, Samari khuoa chun a hang feh a, kum thum sûng ân huol a.

2 LALHAI 17:6

Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

2 LALHAI 8:12

Chun, Hazael chun, “Iengdinga ka pu hi a ṭap el am a na?” a ta. Ama chun a dawn a, “Israel thlahai chunga i thil ṭha naw thaw ding chu ka hriet leiin a nih, a kulhai la rawpêk i ta, an tlangvâlhai kâwlhnâmin la that i ta, an nau le têhai chu la pei nâwi i ta, nau vawn lai an nuhmeihai chu i la phirthlêr ding a nih,” a ta.

ISAI 13:16

An nautêhai khawm an mit- hmuah innâwi dar khawpa hnuoi vuoknaa hmangin um an ta, an inhai chu rawkin um a ta; an nuhmeihai chu pâwngsuol tuokin um bawk an tih.

ISAI 17:3

Ephraima inthawka kulpui chu bo a ta, Damaskaa inthawkin ram chu bo a tih; Suria ram la um sunhai khawm chu bo a ta, Israel thlahai ropuina ang chauin um an tih, sipaihai LALPAIN a tih.

ISAI 8:4

Naupang chun, ‘Nu, Pa,’ ti na- châng a hriet hma khawmin Damas- ka hausaknahai le Samaria inthawka râllâk sumhai chu Assuria lal hmaah an fe hmangpui ding a ni sih a,” a ta.

HOSEA 10:2

A lungril chu sukṭhein a um a, Tuhin chu thiemnaw changin um tâng an tih. An mâichâmhai chu amân vaw chim a ta, An lung inser phunhai chu suksieng a tih.

HOSEA 11:6

A khawpuihaia chun kâwlhnâm inletin um a ta, A kulhai chu sukbohmang a tih, Anni thu lo râwn ang ngeiin sukbohmang a tih.

HOSEA 7:14

An lungril takin an mi ko nawh a, An khum laizâwlah an chierinthluok mei mei a nih; Bu le uoin dingin an inkhâwm a, ka chunga chun an hel sih a.

AMOS 1:13

LALPAIN hieng ang hin a tih, “Ammon nauhai bawsietna pathum leiin, anih, pali leiin, a hremna sukbo naw ning; an ram an suklien theina dingin, Gilead khaw nuhmei nau vawnhai an phirthlêr leiin;

AMOS 3:9

Asdod lal inhaia le Aigupta ram lal inhaia chun hril unla, “Samari tlâng chunghaia chun inkhâwm unla, chun, chutaka buoina lientak umhai le nêksâwrna umhai chu en ro.

AMOS 9:1

Mâichâm bula ngîrin Lalpa chu ka hmuh a, chun, ama chun, “Kawtkhâr bulhai an inhnîng theina dingin a sîp bâwkhai chu vaw la, an rênga lu chungah suknâwi vawng rawh; chun, a thi mahlahai chu kâwlhnâmin that ka ta, pakhat khawm tlân hmang naw ni hai a, pakhat khawma pumpel naw bawk an tih.

MIKA 1:4

Mei bula khuoihlu ang le hmun inṭêna tui inkhaw thla ang elin, tlânghai chu a hnuoia chun intui an ta, vadung ruomhai chu kakintan an tih.

MIKA 6:16

Omri thuruothai chu vawng zing a ni sih a, Ahab sûngkuo thil- thaw po pohai leh; an remruothaia chun in fe a nih; chuleiin, hmun râusanah ka siem ta ding che a nih, a sûnga chênghai hi nuizatbûr dingin; chun, ka mihai hmingsietna chu phur in tih.”

NAHUM 3:10

Chuong sa khawm chun lâk hmangin a um a, salah ân tâng a: kawtthlêr tin tâwpah a naupangtehai chu an pei nawipêk a; a mi ṭhahai ta dingin ai an sân a, a mi lienhai po po chu khaidieta khuop an nih.