HOSEA 12:9 - Pathien Lekhabu Inthieng (BSI)

⁹ Nisienlakhawm, kei hi Aigupta rama inthawk ta khan, LALPA i Pathien chu ka na; Ruoiṭhe hun lai ang khan puon inah lân chêngtir nâwk ka ti che.

HOSEA 12:9 ပူးပေါင်းရင်းမြစ်များ

INṬANNA 25:27

Chun, naupanghai chu an hung inṭhang lien a, Esau chu sapêl thiemtak, ramsuok mi tak a nih; Jakob ruok chu mi totak, puon in dâma um mi a nih.

2 SAMUEL 7:2

lal chun zâwlnei Nathan kuom- ah, “Hi, kei chu sidar thing inah ka um a, Pathien bâwm ruok chu puon in elah a um a,” a tih a.

EZRA 3:4

Chun, bâwkte ruoiṭhe khawm chu an nei a, zieka a um angin, thu- pêk ang peiin, ni tina thaw ding ṭul ang pei chun, ni tinin pumrawhmang thilinhlânhai chu an inhlân tah a;

INPÂKNA HLABU 49:7

Tukhawmin an unau khawm intlan thei tawp naw nih a, Pathien kuomah intlanna pe pêk thei bawk naw ni hai:

INPÂKNA HLABU 81:10

Kei LALPA in Pathien chu ka nih; Aigupta rama inthawka ṭhuoi suoktu cheu kha. In bau ka lien unla, ka suksip ding annâwm.

FESUOKNA 20:2

“LALPA in Pathien, Aigupta ram, suok nina ina inthawka ṭhuoi suoktu cheu ka nih.

THUVARHAI 30:12

Thla pakhat anni mithmua inthieng chu an um a, Anni chu an tirdakumnaa inthawka lân sâwpfai lo an nih.

JEREMIA 35:7

in khawm bâwl ngai naw ti niu a, thlai chi khawm thlâk nâwng in ta, grêp huon khawm chîngin amanih, nei khawm nei bawk naw ti niu; nisienlakhawm, in nihai po po chu puon inah chêng in ta, in inpêmna rama chun ni tamtak in um theina dingin,’ tiin.

JEREMIA 5:27

Bâwm chu vatehaia a sip angin, an inhai chu inhlêmnain a sip a; chuleiin, an hung lienin an hung hausa a.

HOSEA 11:1

Israel chu a naupang lai chena inthawk ka hmangai a, Aigupta rama inthawkin ka naupa dinga ka ko suok a nih.

HOSEA 13:4

Kei ruok hi chu Aigupta rama inthawk tah a, LALPA i Pathien chu ka na, Kei ti naw chu Pathien dang i hriet ngai nawh a; Kei naw hi chu sandamtu dang an um nawh.

HOSEA 2:15

Chu chena inthawk chun a grêp huonhai chu pêng ka ta, Akor ruom khawm beiseina kawtkhâr dingin. Chutaka chun a tleirâwl lai nihai le, Aigupta rama inthawka a hung suok ni ang khan dawn a tih.

LEVI DÂN 19:36

Khâina indiktak, bûkna indik- tak, epha indiktak, hin indiktak in nei ngei ding a nih: Kei hi LALPA in Pathien, Aigupta rama inthawka ṭhuoi suoktu cheu ka nih.

LEVI DÂN 26:13

Kei hi LALPA in Pathien, an suokhai in ni nawna dinga Aigupta rama inthawka ṭhuoi suoktu cheu chu ka nih; an rîngkawlhai chu ka suktliek a, ngirinzangin kân lâwntir ta cheu hi.

MIKA 6:4

Aigupta rama inthawk chun ka ṭhuoi suok cheu a, suoka inthawkin kân tlansuok cheu a, in hmaah Mosie hai le, Aron hai le Miriam hai ka hung tir kha.

ZEKARIA 11:5

ân chawtuhai chun anni chu an that a, anni chu suolah an inngai nawh a; chun, anni zawrtu khawm chun, ‘LALPA chu inpâkin um raw se, ka hausa sih a’, an ta; an berâmpuhai ngei khawm chun anni chu an lunginsiet nawh.

NAMBAR 15:41

In Pathien ni dinga Aigupta rama inthawka ṭhuoi suoktu cheu LALPA in Pathien ka nih. Kei hi LALPA in Pathien chu ka nih,” tiin.

JOHAN 7:2

Chun, Judahai Bâwktê Ruoiṭhe chu a hnai tah a.