HOSEA 12:8 - Pathien Lekhabu Inthieng (BSI)

⁸ Ephraim chun, “Ka hausa takzet el tah a, Kân sukmuk takmeu el ta a nih; Ka sinthaw po poahai hlak chun Keimaa thil suol an hmu ding hlak um dêr lo,” a tih a.

HOSEA 12:8 ပူးပေါင်းရင်းမြစ်များ

INPÂKNA HLABU 49:6

Mâni sum ring a, Mâni hausakna nasatak suongtuhai chun,

INPÂKNA HLABU 52:7

“En ta u, hi mi hi a nih, Pathien a kulbînga siem nuom lo a, A hausakna nasatak ring lem a, A suolnaa insukhrât vei chu,” tiin.

INPÂKNA HLABU 62:10

Nêksâwrna hi ring naw unla, Inrûkhmang hi sawngah nei bawk naw unla, Hausakna hung pung sien khawm, a chunga chun in lungril innghat bawk naw ro.

THUVARHAI 11:1

Bûkna indik naw chu LALPA ta dingin tirdakum a nih; Inkhîna indik ruok chu a lâwm zâwng a nih.

THUVARHAI 30:12

Thla pakhat anni mithmua inthieng chu an um a, Anni chu an tirdakumnaa inthawka lân sâwpfai lo an nih.

THUVARHAI 30:20

Nuhmei uire lampui khawm chuong ang bawk chu a na, A fâk a, a hmûr chu a hrûk a, “Thil suol ka thaw nawh,” a ti nâwk a.

JEREMIA 2:23

Iengtin am ‘Sukpawrchein ka um nawh a, Baal khawm chu ka zui nawh a,’ ti thei i ta? Phairuoma i lampui chu en la, i thaw tahai chu hre bawk rawh; sanghâwngsei tuoi hrât- tak a lampuihai thlep kawi kawi le;

JEREMIA 2:35

‘Pawitâwklo ka nih; matheiloin i lunginsenna chu keimaa inthawkin inkieng ngei a tih,’ i tih a. Ngai ta, ‘Ka suksuol nawh’ i ti lei chun i chungah ro ka rêl ding a nih.

JEREMIA 5:27

Bâwm chu vatehaia a sip angin, an inhai chu inhlêmnain a sip a; chuleiin, an hung lienin an hung hausa a.

EZEKIEL 28:5

I varna nasatak le i sumdâwng- naa chun i hausaknahai chu i suk- pung a, i hausakna lei chun i lungril chu a lo insâng tah a,

HOSEA 13:6

An fâk ding dawnga chun an tlai a, An tlai chu an lungrilin an chapo phah a, Chuongchun, an mi theinghil tah a nih.

HOSEA 14:1

Aw Israel, LALPA i Pathien tienga chun kîr nâwk rawh, I rîtlona lei ngei chun i tlu ta hi.

HOSEA 4:8

Ka mihai suolna an fâk a, An khawhlonaa chun an lungril an innghat a;

AMOS 8:5

“Bu ei zawr theina dingin thla thar chu iengtik âm bo a ta, beiphit bu ei insuo theina dingin châwlni chu iengtik âm a bo ding a na? Epha sukchîna, shekel suklien a, indik nawtaka hlêmna bûkna hmang a,

HABAKKUK 1:16

Chuongchun, a lên kuoma chun ân thâwi a, A keihrui kuoma chun riminhnik a rawh a, Anni zâra a chan chu a hung thâu a, A bu chu a hung tam leiin.

ZEKARIA 11:5

ân chawtuhai chun anni chu an that a, anni chu suolah an inngai nawh a; chun, anni zawrtu khawm chun, ‘LALPA chu inpâkin um raw se, ka hausa sih a’, an ta; an berâmpuhai ngei khawm chun anni chu an lunginsiet nawh.

MALAKI 2:17

In thuhai chun LALPA chu in suksâwl a. Anachu, “Khâwlai am ama chu kan suksâwl a?” in ta. Chutaka bawk chun, “Mi tukhawm thil suol thaw chu LALPA mithmua chun ṭha a na, anni chunga chun a lâwm a; amanih, rorêlna Pathien chu khâwlai am a um a?” in ti bawk a.

MALAKI 3:13

“In thuhai chu ka chungah a hrawmhraw êm el, sipaihai LALPA chun a tih, Nangni chun, ‘Ieng âm kan hrilsiet che a?’ in ta.

LUKA 10:29

Ama ruok chun thiem inchang- tir a tum a, Isu kuomah, “Anleh, ka vênghai chu tuhai am an na?” a ta.

LUKA 12:19

Chun, ka thlarau kuomah, Thlarau, kum tamtak sûnga dingin sum tamtak în khâwl hi; châwl la, fain dâwn rawh, tîng ka tih,’ a ta.

LUKA 16:13

Siehlaw tukhawmin hotu pahni rawng a bâwl kawp thei nawh; pakhat chu theidain pakhat chu dit a tih, annawleh, pakhat ṭanin pakhat hmusit a tih. Pathien le sum rawng in bâwl kawp thei nawh,” a ta.

LUKA 16:15

Chuongchun, ama chun an kuomah, “Mi mithmua insukfel el in nih, nisienlakhawm, Pathienin in lungril a hriet sih a; mihriem laia an ichawimawi chu Pathien mithmua chun tirdakumtak a nih.

DÂN PAHNINA 8:17

Chun, ‘hieng ei sum le paihai hi eini hrâtna le ei kutsuok a nih,’ ti lungril rawi in tih, fîmkhur bawk ro.

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat loa, thil po po lâwm- na dinga mi petu Pathien chunga chun innghat lem dingin kâwk rawh.

1 TIMOTHE 6:5

lungril sie nei le thutak nei naw mi nina, sêlhrâtna dâm a suok hlak; chuonghai chu, Pathien ngaisak hi hlâwkna amanih titu an nih.

THUPUONGSUO 3:17

‘Ka hausa a, sum ka hau a, iengkhawm ka tlasam nawh,’ i ti lei le, nang mi rimsi, lungsietum, pasie, mitdel, saruok chu i ni ti în hriet naw leiin,