HOSEA 12:4 - Pathien Lekhabu Inthieng (BSI)

⁴ Anih, vântirko a thawh a, a hne tah, A ṭap a, ditsakna a ngên a, Bethel hmuna chun ama a hmu tah a, Chutaka chun a kuomah thu a hril a;

HOSEA 12:4 ပူးပေါင်းရင်းမြစ်များ

INṬANNA 25:26

Chu zoa chun a unaupa chu a hung suok a, a kutin Esau kekhawng chu a chel zing a; chuongchun, a hmingah Jakob an sak a: Rebekain anni a nei lai chun Isak chu kum sâwmruk mi a nih.

INṬANNA 32:24

Chun, Jakob chu ama khât bakin a um tah a; chun, mi pakhatin ama chu khawfingchat chenin a buon a buon a.

INṬANNA 32:25

A hne nawh ti ân hrietin a êlpui ru suktuona lai hi a khîk pêk a; chuongchun, a buon lai chun Jakob êlpui ru insuktuokna chu a hung inpelsawl tah a.

INṬANNA 32:26

Chun, mi chun, “Mîn thla rawh, khawfing khawm a chat ding a ni ta hi,” a tih a. Jakob chun, “Mal i mi sâwm naw chun inthla naw ning che,” a tih a.

INṬANNA 32:29

Chun, Jakobin ama chu ân dawn a, “Lunginsiettakin i hming mi hril rawh,” a tih a. Ama chun, “Iengleia ka hming indawn am i nih a?” a tih a. Chun, chutaka chun mal a sâwm tah a.

INṬANNA 35:15

Chun, Jakob chun Pathienin ama a biekna hmun hminga chun Bethel ân bûk a.

INṬANNA 48:15

Chun, Josef chu mal a sâwm a, “A mi thlatu Abraham le Isak a hmaa an umna hlak Pathien, vawisûn chena ka dam sûng po poa mi châwmtu Pathien,

INPÂKNA HLABU 66:6

Ama chun tuisuoriet kha hnuoi ṭâwlah ân changtir a, Vadungpui kha kein an fe kâi a; Chutaka chun amaah ei hlim a.

ISAI 63:9

An lunginzîngna po poa chun ama chu a lunginzîng ve hlak a, vân- tirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl tah a; tienlai ni po poa chun anni chu a puokin anni chu a pawm hlak a.

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, LALPA in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai LALPA chun a tih.

1 THESSALONIKA 4:17

Chu hnunga chun eini dama lo la um zinghai hi boruokah Lalpa tuok dingin annihai ruolin sûm laiahai khin zuk lâkin um ei tih; chuongchun, Lalpa kuomah kumkhuoin um tâng ei tih.

HEBRAIHAI 5:7

Ama chun a tisa put lai nihaia khan thinaa inthawka ama sandam theitu kuoma khan nasataka khêk le mitthli tla puma ṭawngṭainahai le hninahai ân hlân a, a ṭi dêk leiin ngaiin a um a,