HOSEA 12:2 - Pathien Lekhabu Inthieng (BSI)

² LALPA chun Juda chunga khawm hêkna ding a nei bawk a, Jakob chu a um dân angzie peiin hrem a tih; A thilthaw angzie peia thungin.

HOSEA 12:2 ပူးပေါင်းရင်းမြစ်များ

2 LALHAI 17:4

Chun, Assuria lal chun Hosea in a phier rûk thu a lo hriet a, Aigupta lal So kuomah mi a tir bawk a, kum tina a pêk hlak ang khan Assuria lal chu sie chu a pêk ta bawk si nawh a; chuleiin, Assuria lal chun intângna inah khuop pumin a khum tah a.

JOB LEKHABU (THE BOOK OF JOB) 15:2

“Mi var chun hrietna teplo meimeia inthawka dawnna siemin, A phîng chu sakthliin a suksip ding am a nih?

INPÂKNA HLABU 78:36

Nisienlakhawm, ama chu an bauin an inpâk tehlêm a, An leiin a kuomah khêlthu an hril hlak.

THUHRILTU 5:15

A nu phîng sûnga inthawka a hung suok ang khan, a ruok bawkin fê nawk a ta, a sininrimna man, a kuta a chawi thei khawm chu ieng- khawm fêpui naw nih.

ISAI 10:12

Chu lei chun Lalpa chun, Zion tlâng le Jerusalem chunga sinthaw ding po po a thaw zo pha chun, Assuria lal a lungril chapo ra le a mit chapo ropuina chu la hrem ka tih.

ISAI 10:6

Râllâk la ding le, thil lâkpêk la ding le kawtthlêr chirhak anga sir dingin ama chu Pathien inza naw hnam do dingin tir ka ta, ka lunginsenna mihai chu thaw dingin thu pêng ka tih.

ISAI 24:21

Chun, chu nia chun LALPA chun chungtienga mi achunghnung- hai pâwl lientak chu hrem a tih, hnuoia hnuoi lalhai leh.

ISAI 3:11

Mi suol chung chu a rik de! An la se ding a nih; an kuta thilthaw thung- na chu an kuoma pêk a la ni ding a ni sih a.

ISAI 30:6

Sim rama sahai phurrik chu. Lunginzîngna le thlaphângna ram, sakeibakneipui le sakeibakneichal, rûlhmuk le rûl chawk vuong thei suokna ram chu, an sum chu sabengtungte chunga dâm, an rohai chu sanghâwngsei zângpâwngahai chun phurin an ta dinga ṭhathnemna nei naw mihai kuoma pêk dingin, an fe tlâng duol duol a.

ISAI 59:18

An thilthawhai angin, an thil- thawhai ang ngeiin, ama chun thung a tih, ama dotuhai chu lunginsen- nain, a hmêlmahai chu thungnain thung a tih; thlierkârhai chu thung- nain thung a tih.

JEREMIA 25:31

Ri chu hnuoi tâwp chenah hung tlung a ta; LALPA chun hnamhai le chun inkalna an nei sih a; mi tin chu phût a ta; mi rilohai ruok chu kâwl- hnâm pêng a tih, LALPA chun a tih,” tiin.

HOSEA 2:13

Riminhnik a rawpêk hlak Baal nihai chu a chungah thung ka ta, Chuong lai chun a nabehai le a în cheinahai chu ân bel a, A dit zâwnghai a pan a, kei a mi theinghil a nih, Ti hi LALPA thu suok a nih.

HOSEA 4:1

Israel thlahai, LALPA thu chu ngai ta u; Hi rama hin thutak le lunginsietna le Pathien hrietna a um naw leiin, LALPA chun ram hluotuhai hêkna ding a nei.

HOSEA 4:9

A mipui ni leh, a thiempu ni leh angkhat nîng an tih, An lampuihai lei chun anni chu hrem ka ta, An thilthawhai chu thung ka tih.

HOSEA 7:1

Israel sukdam ka tum leh Ephraim khawhlona a hung inlang a. Samaria rîtlona leh, hlêm an chîng a nih. Sûng tieng inru a hung lût a, Tuol tienga chun suomhmang ruolin an suom sih a,

HOSEA 7:11

Ephraim chu vaṭhu inhai, hrietthiemna nei lo ang a lo na, Aigupta tieng an ko vak a, Assuria tienga chun an fe vak a;

HOSEA 7:2

An rîtlona po po chu ka hriet zing ti An lungrilin an ngaituo nawh; Tuhin chu an thilthawhai ngeiin a chîm vêl tlat tah a, Ka hmaihma ngeiah an um a nih.

HOSEA 8:10

Anih, hnam danghai laia chun intlawn chîng sienla khawm, Tuhin anni chu kei khâwm ka tih, Lal le hotuhai rikphur leiin an kiem ṭan a nih.

HOSEA 8:13

Ka ta dinga inthawina thilinhlânhai chu! Sa an inhlân a, an fâk a; chuong chu LALPAIN a pawm nawh. Chuongchun, an rîtlona hre zing a ta, an suol hrem a ta, Anni chu Aigupta ramah kîr nâwk an tih.

HOSEA 8:9

Ram sabengtung khât tla angin Assuria ramah an hang fe sih a; Ephraim chun dit zâwnghai a tlawn ie!

HOSEA 9:15

An rîtlona po po chu Gilgal khuoah a um a; Chutaka chun anni chu ka theida sih a. An thilthaw rîtlona lei chun ka ina inthawkin hnawt suok ka tih; Annirawi hi hmangai ta naw ning; An hotuhai po po chu hel hmang an ni sih a.

HOSEA 9:9

Gibea khuoa umlai nihai ang khan, Nasatakin anni le anni an insukkhawhlo a; An rîtlona chu hre zing a ta, An suolnahai chu thung a tih.

AMOS 2:4

LALPAIN hieng ang hin a tih, “Juda bawsietna pathum leiin, anih, pali leiin, a hremna sukbo naw ning; LALPA dân chu an pawm nawh a, a thupêkhai chu an vawng nawh a;

MIKA 6:2

Aw tlâng lienhai, LALPA khing- na chu ngai unla, nangni leihnuoi innghatna hlunhai, lo ngai ro; LALPA chu a mihai leh an inkhing a, Israelhai chu khing a tih.

MATTHAI 16:27

Mihriem Naupa hi a vântir- kohai leh, a Pa ropuinaa inthuomin a hung ding a ni sih a; chu pha chun mi tin an thilthaw ang peiin thung seng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:6

Pathien chun mi tin an sinthaw ang peiin rêlpêk a tih,

GALATI 6:7

Hlêmin um naw ro; Pathien chu hmusit zie a ni nawh; miin a ithe ang ang, chu bawk chu a sîk ding a ni sih a.