HOSEA 11:8 - Pathien Lekhabu Inthieng (BSI)

⁸ Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

HOSEA 11:8 ပူးပေါင်းရင်းမြစ်များ

INṬANNA 14:8

Chuongchun, Sodom lal, Gomor- ra lal, Adma lal, Zeboiim lal le Bela lal chu an suok a (Bela khuo chu Zoar khuo a ni tah); chun, anni chu thaw dingin Siddim ruoma chun an ṭhang tlat a.

2 SAMUEL 24:16

Chun, vântirkoin sukse dinga Jerusalem tienga a kut a hang inlet chun LALPAIN thil ṭha naw thaw a tum chu ân lêt a, mihai sukbo- hmangtu vântirko kuoma chun, “A hun tah ie, i kut inlet ta naw rawh,” a ta. Chun, LALPA vântirko chu Jebus mi Arauna hrizâwl bula chun a um a.

1 LALHAI 3:26

Chuongchun, nautê dam lem a nu chun nautê chu a lainat êm êm el sih a; lal kuoma chun, “Aw ka lalpa, nautê dam hi ama kha pe el rawh, a that chu that lul naw raw khai,” a ta. Pakhat lem chun, “Chang bîk naw tawp ka tih, nang khawma chang bîk naw bawk i tih, tanbawng el ro,” a ta.

2 LALHAI 13:23

Nisienlakhawm, LALPAIN Ab- raham kuoma dâm, Isaak kuoma dâm, Jakob kuoma dâm khan thu a thlung leiin anni chu a lunginsiet a, a lainat a, a ngaisak a, anni chu a sukbohmang nuom nawh a, a kuoma inthawk chun a la pei thlâk nuom ta naw rawp a.

2 CHANCHIN SUINA 36:15

A umna hmun le a mihai chu a lunginsiet leiin, an thlatuhai Pathien LALPA chun an kuoma chun a tirkohai chu a tir a,

INPÂKNA HLABU 106:45

A thuthlung chu anni a hrietpêk zing a, A ngilneina nasatzie ang peiin a lungril ân lêt tah a.

ISAI 16:11

Chuleiin, ka rîhai chu Moab lunginsiet leiin ṭingṭang angin ân rih a, ka phîng sûng chu Kirheres lungin- siet leiin ṭingṭang angin ân ri bawk a.

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnem- ngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

JEREMIA 18:8

chu hnam, a chungthu ka hril chu an thil ṭha nawa inthawka an hung kîr chun, thil ṭha naw an chunga thaw dinga ka ngaituo chu la kir ka tih.

JEREMIA 3:12

Fe la, hi thuhai hi hmâr tienga chun va phuong la, ‘Hung kîr rawh, nang Israel hnungtawl, LALPA chun a tih; i chunga chun lunginsenin en naw ning cheh a, zângai theitak ka ni sih a, LALPA chun a tih, lunginsenna chu kumkhuoin kawl zing naw ning.

JEREMIA 31:20

Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheiloin, ama chunga chun zâ- ngaina nei ngei ka tih, LALPA chun a tih.

JEREMIA 42:10

Hi rama hin in chêng zing chun, rem ka ti cheu a, ṭhiek naw ning cheu, phun ka ti cheu a, phawidawk naw ning cheu, in kuoma thil ṭha naw ka thaw kha ka lamlêt ta sih a.

JEREMIA 9:6

I chêngna hmun chu inhlêmna lailia chun a na; inhlêmna lei chun kei mi hriet khawm chu an nuom naw a nih, LALPA chun a tih.

JEREMIA 9:7

Chuleiin, sipaihai LALPA chun hieng hin a tih: Ngai ta, anni chu suktui ka ta, ka fie ding a nih; ka chipuihai naunu lei chun ieng dang am thaw tâng ka ta?

ṬAP HLA 1:20

Ngai ta, aw LALPA, rimsiin ka um hi; ka phîng chu a buoi a; Ka lung chu ka sûnga chun ân her a, khawhlotakin ka lo hel ta sih a; Kawtthlêra chun kâwlhnâm chun a sukfahrah a, ina chun thina a um a.

ṬAP HLA 3:32

Lungngaina intlungtir hlak sien khawm, a zângaina hauzie ang peiin lunginsietna chu nei a tih.

ṬAP HLA 3:33

Nuom thu ngawtin a hremin, mihriem nauhai chu a suklungzîng ngai si nawh a.

EZEKIEL 33:11

An kuoma chun, ‘Ka hring zing angin, Lalpa PATHIEN chun hieng hin a tih; mi rilo thinaa chun lâwmna ka nei nawh a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

EZEKIEL 6:9

Chun, nangni laia chuonga suok- hai chun, hnamhai sala ṭhuoia an umnahai laia an um lai chun mi hre zing an ta, an lungril keimaa in- thawka ṭhea um tah, châkna chu ka lo sukkawi ta zie hai le, an mithai an milimhai châktaka an enna le chun; chun, anni an tirdakumna po poa an lo thaw tah, thil ṭha naw ta ding chun an mithmu ngeia chun intirdak an tih.

HOSEA 6:4

Aw Ephraim, iengtin am ka thaw ding che a na? Aw Juda, iengtin am ka thaw ding che a na? In ṭhatna chu zîngkâr ṭieusûm le daidaw hung bo vak hlak ang hi a ni sih a.

HOSEA 7:1

Israel sukdam ka tum leh Ephraim khawhlona a hung inlang a. Samaria rîtlona leh, hlêm an chîng a nih. Sûng tieng inru a hung lût a, Tuol tienga chun suomhmang ruolin an suom sih a,

AMOS 4:11

“Sodom le Gomorra khuo chu Pathienin a sukchim lai angin nangni lai mi ṭhenkhat ka sukchim a, thing kâng ût lâk suok ang in na; chuong khawm chun ka kuomah in hung kîr nawh,” LALPA chun a tih.

AMOS 7:3

Hi thu tieng hin LALPA chu ân lêt a, LALPA chun, “Ni nâwk ta naw nih,” a ta.

AMOS 7:6

Hi thu tieng hin LALPA chu ân lêt a, Lalpa PATHIEN chun, “Hi khawm hi ni ta naw nih,” a ta.

MIKA 5:3

Chuleiin, nau invawitu chun a nei hmakhat chun anni chu nghatsan a tih: chuongchun, a unau la um sunhai chu Israel thlahai lai chun kîr nâwk an tih.

ZEPHANIA 2:9

Chuleiin, kei le kei insâlin, sipaihai LALPA, Israelhai Pathien chun a tih: “Matheiloin Moab chu Sodom ang hung nîng a ta, Ammon thlahai chu Gomorra, chikhurhai hmun le zakthlai bil râusan kumkhuo ang chu hung nîng a tih. Ka mi a la um sunhai chun anni chu suksieng an ta, ka mi a la um sunhai chun hluong an tih.”

MATTHAI 23:37

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.

DÂN PAHNINA 29:22

“Chun, ruolthar la hung um dinghai, in hnunga in nauhai la hung um dinghai le, ram dang mi hlataka inthawka hung dinghai chun, chu rama hri le LALPAIN natna ân vawi- tirhai;

DÂN PAHNINA 29:23

a ram pumpui chu kât le chi le kângzêu, iengkhawm chîng nawna, iengkhawm inder nawna, hlobethai khawm inder nawna, Sodom le Gomorra le Adma le Zeboiim suksiet, LALPA lunginsen le lungâwinawa a suksiet ang anga suksiet a ni an hmu hnung chun,

DÂN PAHNINA 32:36

LALPA chun a mihai ro a rêl ding a na, A siehlawhai khawm thawpêk a tih; An thilthawtheina inhmang a, Khuokhir le khir naw tukhawm um dêr loa a hmu pha chun.

2 PETER 2:6

Sodom le Gomorra khuohai chu ama ngaisak naw la hung um dinghai inentirna dingin a hmang a, vuta inchangtirin, sukbohmangin thiem- naw ân changtir tah a.

JUDA 1:7

Sodom le Gomorra, an kâwl vêla khuohai leh, chuong ang bawka inditnaa inpumpêkin, tisa danglam châka an hnawt ve ta leiin chatuona meia hremna tuora, inhriettirna dinga târ suoka an um ang khan.

THUPUONGSUO 11:8

Chun, an ruong chu khaw ropui kawtthlêra chun um zing a ta; chu khaw ropui chu thlarau tieng thua chu Sodom le Aigupta an ti a nih, chutaka bawk chun an Lalpa chu hemdein a um kha.

THUPUONGSUO 18:18

“Chun, lawng hotu taphawt dâm, lawnga fe hlak taphawt dâm, lawng mi dâm, tuisuorieta sinthaw taphawt dâm chu hlataka ngîrin, a kâng khu chu thlîr pumin, ‘Hi khaw ropui tluk hi khâwlai khuo am um a ta?’ tiin an khêk a.

RORELTUHAI 10:16

Chuongchun, anni laia hnam dang pathienhai chu an sie hmang vawng a, LALPA rawng chu an bâwl tah a; chun, Israelhai lunginzîngna lei chun a lungril a lungngai ta bêk bêk el a.