HOSEA 11:5 - Pathien Lekhabu Inthieng (BSI)

⁵ Aigupta rama chun kîr nâwk ta naw ni; Nisienlakhawm, hnungkîr an nuom naw leiin, Assuria chu a lal nîng a tih.

HOSEA 11:5 ပူးပေါင်းရင်းမြစ်များ

2 LALHAI 15:19

Assuria lal Pula chun an ram chu a hung thawh a; ram chu a nei nghetpui theina dingin Menahem chun Pula chu tangka talent sâng a pêk a.

2 LALHAI 15:29

Israel lal Peka inlal laiin Assuria lal Tiglath-pileser chun Ijon khuo dâm, Abel-beth-maaka khuo dâm, Janoa khuo dâm, Kedes khuo dâm, Hazor khuo dâm, Gilead le Galili ram dâm, Naphtali ram po po chu a lâk a; chun, Assuria rama chun salah a ṭhuoi a.

HOSEA 10:6

Ama ngei khawm chu Laltak Jareb kuoma pêk dingin, Assuria rama fe hmangpui nîng a tih. Ephraim chun inzakna hmûng a ta. Israel khawm chun ama thurawt ngei chu inzâpui a tih.

HOSEA 5:13

Ephraim chun a natna a hmuh a, Juda chun a hliem a hmuh a, Chuongchun, Ephraim chu Assuria kuomah a feh a, Laltak Jareb kuoma chun mi a tir a; Nisienlakhawm, ama chun a sukdam thei naw cheu a, In hliemna chu a sukdampêk thei bawk naw cheu.

HOSEA 6:1

“Hung ta u, LALPA kuomah kîr ei tiu, A mi kei nâwi taha chu a mi lo sukdam nâwk ding a ni sih a, A mi lo vuok ta nâka chu a mi tuom nâwk ding a ni sih a;

HOSEA 7:16

An ngha kîr a, Achunghnungtak kuomah ni loin; Thalngul rul ang an nih, An mi lienhai chu an ṭawng pâwngpawr leiin kâwlhnâmin tlûng an tih; Hi hi Aigupta rama nuizatbûr an nina nîng a tih.

HOSEA 8:13

Ka ta dinga inthawina thilinhlânhai chu! Sa an inhlân a, an fâk a; chuong chu LALPAIN a pawm nawh. Chuongchun, an rîtlona hre zing a ta, an suol hrem a ta, Anni chu Aigupta ramah kîr nâwk an tih.

HOSEA 9:3

LALPA rama chun chêng naw ni hai a, Ephraim chu Aigupta tieng kîr lem a tih; Assuria rama chun bu thieng naw fâng an tih.

HOSEA 9:6

Ngai ta u, sietna chu an mâksan a, Aigupta chun anni chu lo kei khâwm lem a tih, Memphis chun lo phûm a tih; An tangkaruo thil ditumhai chu zakthlaiin bâwm a ta, An puon inhaia chun hlo hlingnei um a tih,

AMOS 4:11

“Sodom le Gomorra khuo chu Pathienin a sukchim lai angin nangni lai mi ṭhenkhat ka sukchim a, thing kâng ût lâk suok ang in na; chuong khawm chun ka kuomah in hung kîr nawh,” LALPA chun a tih.

AMOS 4:6

“Chun, kei khawma in khawpui po pohaia ha faina le in hmun po pohaia tlâksamna ka pêk cheu a, chuong sa khawm chun ka kuomah in hung kîr nawh a,” LALPA chun a tih.

AMOS 5:27

Chuleiin, Damaska khaw khêl- tieng salah infetir ka ti cheu,” LALPA, a hming sipaihai Pathien chun a tih.

DÂN PAHNINA 17:16

Amiruokchu, sakawr a hau ding a ni nawh, sakawr a hau theina dingin Aigupta mihai le chun inthu- ruol ding a ni bawk nawh. LALPA chun, ‘Tuta chen chu, chu tienga chun in kîr nâwk ding a ni ta nawh,’ a ti tlat sih a.