HOSEA 10:5 - Pathien Lekhabu Inthieng (BSI)

⁵ Samaria rama chênghai chu Beth-aven bâwngtê lei chun thlaphângin um an tih; A kuoma inthawka a bo ta leiin chutaka mihai chu lungngai an ta; Chutaka thiempuhai a ropuina chunga lo lâwm hlakhai khawm.

HOSEA 10:5 ပူးပေါင်းရင်းမြစ်များ

2 LALHAI 10:29

Nisienlakhawm, Nebat naupa Jeroboam suolna-Israelhai thil in- suksuoltira a thawhai chu Jehu chun a bân chuong nawh a; chu chu Bethel khuo le Dan khuoa rângkachak bâwngte lim biek a nih.

2 LALHAI 17:16

Chun, LALPA an Pathien thu- pêk po pohai chu an nghatsan a, bâwngtê lim sung pahni an siem a; chun, Asera an siem a, vâna um po po khi an biek a, Baal rawng an bâwl hlak.

2 LALHAI 23:5

Chun, milim betuhai thiempu- hai, Juda lalhaiin Judai ram khawpui bâwlhmunahai, Jerusalem vêla rim- inhnik raw dinga an lo ruothai khawm chu ân bântir a; Baal ta ding dâm, nisa ta ding dâm, thla ta ding dâm, arasi ta ding dâm, vâna umhai po po ta dinga riminhnik rawtuhai khawm chu.

2 CHANCHIN SUINA 11:15

chuongchun, ama siem bâwng- têhai, kêlchalhai le bâwlhmunhaia ding chun thiempuhai a ruot fâwm tah a.

2 CHANCHIN SUINA 13:8

Chun, tuhin David naupasalhai kuta LALPA ram chu do thei dingin in inngaituoh a, mipui nasatak in na, in kuoma chun in pathienhai dinga Jeroboamin a siem rângkachak bâwngtehai chu an um bawk a.

ISAI 46:2

An lo insukhnuoi zingin an lo kûn tâwl seng a, phurrik chu an sanhim thei si nawh a, anni ngei khawm chu sala ṭhuoiin an um ta lem a.

HOSEA 13:2

Tu khawm hin an suol zuol ta deu deu a, An tangkaruoin milim a sunga sung an insiem fâwm a, Anni ngaidân ang peia milim chu: Chuonghai po po chu themthiemhai kutsuok a ni sa khawmin, Inthâwina inhlântuhai taphawt chun Bâwngtê chu fâwp raw se, an ti hlak.

HOSEA 4:15

Israel, nang chun nawchizawr chîng la khawm, Juda chu tlu ve lul naw raw se. Gilgala chun hung naw unla, Beth-avena khawm hang fe naw ro; “LALPA a hring zing angin” tiin inkhâm bawk naw ro.

HOSEA 5:8

Gibea khuoa chun tawtawrâwt mût unla, Rama khuoa chun tawtawrâwt mût ro; Beth-avena chun khêk rak rak unla, Aw Benjamin, i hnung tieng kha!

HOSEA 9:1

Aw Israel, lâwm naw ta, Hnam danghai angin hlim so luom naw rawh; I Pathien chu nawchi i zawr san a, Hrizâwl tina chun nawchizawr ruoi man chu i ngaina sih a.

HOSEA 9:11

Ephraim ropuina chu vate angin vuong hmang a ta, Nau nei dâm, nau vawn dâm, inrai dâm um naw ni hai.

AMOS 3:14

“Israel bawsietnahai chu ama chunga ka hrem chun, chu nia chun Bethel khuoa mâichâmhai kihai chu tanbawng an ta, hnuoiah tlâng an tih.

ZEPHANIA 1:4

“Juda le Jerusalema chênghai po po chunga chun ka kut phar ka ta; thiempuhai laia milim bie hmingput le, Baal milim la um sunhai chu hi hmuna inthawk hin pei thlâng ka tih;

THILTHAWHAI 19:27

Chuongchun, ei sinthaw lân a tih ti chau khawm hi ni loin, pathiennu ropuitak Diana biekin khawm hi hung ngaitlâwm an ta, Asia rama mi po po le khawvêla miin an biek hlak hi, a ropui vei leh, tlâwm a tih ti ṭi a um bawk a nih,” a ta.

JOSUA 7:2

Chun, Josua chun Jeriko khuoa inthawk chun Bethel saktieng, Beth-Aven dep Ai khuoa chun mihai a tir a, an kuomah, “Hang fe unla, ram hang enthla ta u,” tiin a hril a. Mihai chu an hang feh a, Ai khuo chu an hang enthlâk tah a.

RORELTUHAI 18:24

Ama chun, “Ka pathien siemhai le thiempu chu in fepui a, in fe ta dai el a, ieng am nei ka nei ta leh? Iengti tiha, ‘Ieng am i ni ta leh?’ mi ti el am in nih a?” a tih a.