HOSEA 10:12 - Pathien Lekhabu Inthieng (BSI)

¹² Mâni ta dingin felnain tu unla, Chuongchun, lunginsietna ang peiin sîk ro; In hnuoi chuongtlâihai chu inlet ro, LALPA chu a hunga in chunga felna ân sûrtir chenin Ama chu zawng hun a ni sih a.

HOSEA 10:12 ပူးပေါင်းရင်းမြစ်များ

INPÂKNA HLABU 105:4

LALPA le a hrâtna chu zawng unla, A hmêl chu zawng rawp ro.

INPÂKNA HLABU 72:6

Ama chu hlobet râwtna chunga ruotui tla angin tlâng a ta, Hnuoi châwmtu ruotui ang elin.

THUVARHAI 11:18

Mi khawhlo chun hlaw hmusit- umtakhai chu a hlawh a, Felna tutu ruok chun lâwmman indiktak chu a hmuh.

THUVARHAI 18:21

Thina le hringna hi lei thilthawtheinaa um an na, Achu hmangaitu chun chutaka inthawka ra chu fâng a tih.

THUHRILTU 11:6

Zingkâr chun i thlaichi chu thlâk la, zântienga khawm i kut chu la kîr naw rawh; a ieng lem am a hung hlawtling ding, a hi am a nih a kha am a nih, an pahni ve vein angkhat an ni ding am khawm i hriet si nawh a.

ISAI 30:23

Chuongchun, ama chun in bu chi hnuoia in tu ding ta ding chun ruotui chu pêng a ta; hnuoia thil mâwnghai chu bu dingin pêng a tih; chu chu ṭhatak, hlâwktak nîng a ta, chu nia chun in ranhai chu ran tlatna hmun lientakahai chun tlâng an tih.

ISAI 31:1

Aigupta rama ṭhangpuina zawnga zu feh a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israel- hai Mi Inthieng tieng en si loa, LALPA khawm râwn si lohai chu an chung a rik ie!

ISAI 32:20

Tui luongna po po panga chi the hlaktuhai le, bâwngchal le sabeng- tung inthla hlakhai, in hamṭha ie.

ISAI 44:3

Dangchâr chunga chun tui ka hung buok ding a ni sih a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 45:8

Vânhai, chungtienga inthawk khan infarthlâktir ro, vân dumhai khan felna hung buok thla raw hai se, sandamna an inder dawktir theina dingin hnuoi inhawng sienla, felna leh mâwng hmunkhat raw se; kei LALPA hin chu chu ka siem a nih.

ISAI 48:18

Aw nangni hin ka thupêkhai chu lo ngai chu ni unla chu aw! In chungah inremna chu vadung ang ela umin, in felna chu tuisuoriet fâwnhai ang elin a um ding bah;

ISAI 5:6

Sukrêm vawng ka ta; sâtderin um naw nih a, cho phitin um bawk naw nih; buor le hlohlingneihai mâwng lem a tih; sûmhai khawm a chungah ruo hrim hrim insûrtir lo dingin thu pe bawk ka tih.

ISAI 54:14

Felnaa sukdetin um i ta, nêk- sâwrnaa inthawka hlatakah um i tih; i ṭi ta naw ding a nih; thil râpthlâka inthawka hlatakah um bawk i ta; a hnai naw ding che a nih.

ISAI 55:6

Hmu awla a um lai hin LALPA chu zawng unla, a hnâi lai hin ko ro;

JEREMIA 50:4

Chuong niahai chun, chuong hunahai chun, LALPA chun a tih: Israel thlahai chu hung an ta, anni le Juda thlahai chu a ruolin hung an ta; an ṭap malamin hung an ta, LALPA an Pathien chu zawng an tih.

EZEKIEL 34:26

Chun, ka tlâng sîra hmunhai le anni chu malsâwmah siem ka ta; ruo- hai khawm a huntakah hung insûrtir ka ta; malsâwmna ruopui sûrhai hung um a tih.

HOSEA 12:6

Chuongchun, nang chun i Pathien tieng ngha la, Lunginsietna le rorêlna hmang la; I Pathiena chun innghat rawp rawh.

HOSEA 14:1

Aw Israel, LALPA i Pathien tienga chun kîr nâwk rawh, I rîtlona lei ngei chun i tlu ta hi.

HOSEA 6:3

LALPA hrietna chu hnawt pei ei tiu khai, hrieng ei tiu; Zîng khawvar anga inkhêl ruol loin ân thawk suok ngei hlak; Ei kuomah ruo angin, ruo nuhnung, hnuoi sukhutu ang elin hung tlung a tih,” tiin.

HOSEA 8:7

Thli an chîng a, thli sie an sîk ding a ni sih a, Kûng ngîr a nei nawh a, a zîk khawm chun ra insuo naw ni; Insuo khawm ni sienla, mikhuolhaiin fa zo an tih.

AMOS 5:15

Suolna chu theida unla, ṭhatna ngaina unla, kawtkhâra rorêlna chu inngîr nghet ro; Josefhai laia hlabîkhai chunga chun LALPA, sipaihai Pathien chun lunginsietna a nei el rawi mawh.

AMOS 5:4

LALPA chun Israel chihai kuoma chun hieng ang hin a ti sih a: “Mi zawng unla, hring in tih;

AMOS 5:6

LALPA chu zawng unla hring in tih, chuong naw chun, Josef inah mei angin suok a ta, kâng vawng a ta, Bethel khuoah sukrêm dingin tu- khawm um naw ni hai;

AMOS 5:8

Siruk le Sizucho siemtu le thina deihlim zîngkâra inchangtirtu le, sûn chu zân inthima siemtu, tuisuoriet tuihai ko a, hnuoi chunga inluong- tirtu chu, ama chu zawng unla, a hming chu LALPA a nih,

LUKA 13:24

Chun, ama chun an kuomah, “Kawtkhâr chîna chun lût tum hrâm ro; ka hril cheu hi, mi tamtakin lût tum an ta, lût thei si naw ni hai.

THILTHAWHAI 2:18

Anih, chuong nia chun ka suokpahai, ka suoknuhai chunga khawm, Ka Thlarau buok ka ta, ka thu hril an tih,

2 KORINTH 9:10

Chun, thetu kuoma chi petu le, fâk dinga bei petu chun in the ding chi chu pe cheuin, sukpung pêk a ti cheu a, in felna ra chu sukhlâwkpêk a ti cheu.

JAKOB 3:18

Felna ra chu inremna siem- tuhai ta ding chun inremnain tu a nih.