HOSEA 10:11 - Pathien Lekhabu Inthieng (BSI)

¹¹ Ephraim chu bâwngla inchûktir tah, Bu chîl hrâttak a nih; Nisienlakhawm, kei ngei hin a rîng mawitaka chun Rîngkawl inbâttir tâng ka ta; Ephraim chunga chun mi inchuongtir ka tih; Juda khawm chun hnuoi inlet a ta, Jakob chun a pil tlanghai chu suknâwi a tih.

HOSEA 10:11 ပူးပေါင်းရင်းမြစ်များ

ISAI 28:24

Hnuoi inlettu chun chi thena dingin hnuoi chu ân let ân let el hlak am a nih? a hnuoi tlanghai chu a suknawiin a sukphit zing hlak am a nih?

JEREMIA 28:14

Israel Pathien, sipaihai LALPA chun hieng hin a tih: Babulon lal Nebukadnezzar rawng chu an bâwl theina dingin hieng hnam po pohai rînga hin thîr rîngkawl chu kân kawl- tir tah a nih; ama rawng chu bâwl an ta, ramhnuoia ram sahai chenin ama chu ka pêk tah a nih,” tiin.

JEREMIA 46:20

Aigupta hi bâwngla hmêl ṭha- tak a na, nisienlakhawm, hmârtienga sietna chu a hung a, a hung tlung mêk a nih.

JEREMIA 50:11

Aw nangni ka rochan hung rûntuhai, in hlima in lâwm lei le, sazukpui bu chilse a, sakawr hrâttak inhrâm anga in tha a fân leiin; in nu chu nasatakin inzak a tih;

HOSEA 11:4

Mihriem hruihruol, hmangaina hruihai chun anni ka kei a, An ta ding chun an khâka kawl hlîppêktu ang chu ka na, Duottakin an hmaah fâk ding ka pêk a.

HOSEA 2:5

An nu chun nawchi a zawr hlak a, Anni vawntu chu inzâpuiumtakin a um a; Ka bu dâm, ka tui dâm, ka sahmul dâm, Ka pat dâm, ka hriek dâm le, ka dâwn dinghai mi petu. Ka dit zâwnghai chu hnawt ka tih, a ti a nih.

HOSEA 3:1

Chun, LALPA chun ka kuomah, “Fe nâwk ta la, nuhmei, mi dang- in an idit lai, uirenu chu va hmangai rawh, Israel thlahai chu pathien dang tieng nghain grêp bei thlum chu ngaina hai sien khawm LALPAIN a hmangai zing ang bawk hin,” a tih a.

HOSEA 4:16

Bâwngla kâwmaw ang elin Israelhai chu an kâwmaw a, Tuhin LALPAIN berâmte angin hmun lientakah châwm a tih.

HOSEA 9:1

Aw Israel, lâwm naw ta, Hnam danghai angin hlim so luom naw rawh; I Pathien chu nawchi i zawr san a, Hrizâwl tina chun nawchizawr ruoi man chu i ngaina sih a.

MIKA 4:13

Aw Zion naunu, tho la chîl rawh, i ki chu thîr angin siem ka ta, i kepha bâwrhai chu dâr angin ka siem ding a ni sih a; chun, chi tamtakhai chu vaw nâwi i ta, an thil hlêp chu LALPA ta dingin hlânthieng i tih, an sum chu leihnuoi pumpui LALPA ta dingin hlânthieng i tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl nawh a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

DÂN PAHNINA 25:4

Sebâwngchalin bu a chîl laiin a hmûr in khit ding a ni nawh.