HOSEA 10:10 - Pathien Lekhabu Inthieng (BSI)

¹⁰ Ka nuom pha chun anni chu hrem ka ta, Chun, an bawsietna pahnia an intâng pha chun, An chungah mipuihai chu pungkhâwm an tih.

HOSEA 10:10 ပူးပေါင်းရင်းမြစ်များ

1 LALHAI 12:28

Chuongchun, lal chun mi a râwn a, rângkachak bâwngte lim, pa- hni a siem a, an kuoma chun, “In ta dingin Jerusalem khuoa hang fe chu ân tak talaw êm a, aw Israelhai, en ta u; Aigupta rama inthawka ṭhuoi suoktu cheu in pathienhai hi,” a ta.

JOB LEKHABU (THE BOOK OF JOB) 39:10

Ramsiel chu a khitna hrui chun ruoma chun i thlung thei ding am a nih? Annawleh, nanga hnunga chun ruomhai chu a chawkruol ding am a nih?

ISAI 1:24

Chuleiin, LALPA, Sipaihai LALPA, Israelhai Mi Hrât chun, hieng ang hin a hril a nih: “A! A mi dotuhai hi sukfithla el ka ta, ka hmêl- mahai chungah phuba lâng ka tih:

JEREMIA 15:6

Nang chun i mi lo hnâwl ta a, LALPA chun a tih: hnungtieng i lo fe tah a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 16:16

LALPA chun hieng hin a tih: Ngai ta u, nga man mi tamtak ko suok ka ta, anni chu nga manin man an ta; chu hnunga chun ramsuok- tuhai tamtak ko suok ka ta, tlâng tinhaia le, muol tinhaia le, lungpui kuo kârhaia chun anni chu pêl an tih.

JEREMIA 21:4

Israel Pathien, LALPA chun hieng hin a tih. Ngai ta, in kuta indona hriemhrei kul puoa, nangni hung inhuoltuhai cheu, Babulon lal le Kaldaihai i donahai chu inherkîrtir ka ta, hi khawpui sûnga hin anni chu kei khâwm ka tih.

EZEKIEL 16:37

ngai ta, chuleichun, i hmangai- hai po po chu ko khâwm ka ta, inhawi i lo chênpuihai po po le, i lo hmangai tahai po po le, i lo theida tahai po po le chun, kil tina inthawkin, i chungah hung ṭhuoi khâwm ka ta, i saruokna po pohai chu an hmu theina dingin an kuoma chun i saruokna chu hâwk ka tih.

EZEKIEL 16:42

Chuongchun, ka lunginthakna chu i chungah hrîtthlâng ka ta, ka îtthîkna chu nangmaa inthawk chun fe hmang tâng a ta, to ṭawk ṭawk ka ta, lunginsen nâwk ta naw ningah.

EZEKIEL 23:46

Lalpa PATHIEN chun hieng hin a ti sih a; An chungah mipui in- khâwm hung ṭhuoi ka ta, anni chu a suk a tunga vawrlênga suksiet dingin an kuomah pêng ka tih.

EZEKIEL 23:9

Chuleichun, a hmangaihai kut- ah, a însaipui Assuria mihai kuta chun ka pêk suok tah a.

EZEKIEL 5:13

“Chuongchun, ka lunginsenna chu sukpuitling ni tâng a ta, ka lung inthakna chu an chunga chun suktlai tâng ka ta, inhawi ti tâng ka tih; chun, an chunga ka lung inthakna ka sukpuitling pha chun kei LALPA hin ṭhahnemngaia ka lo hril a ni ti hre tâng an tih.

HOSEA 10:9

Aw Israel, Gibea nia inthawk ta khan i suol a nih; Chutaka chun an la ngîr zing a; Rîtlona nauhai chunga dona chun Gibea ngeia chun a hnawtphâk tâwl naw ding maw?

HOSEA 4:19

Thli chun a thlahai chun a tuom khum tah a; An inthâwinahai lei chun lân zak ngei an tih.

HOSEA 4:9

A mipui ni leh, a thiempu ni leh angkhat nîng an tih, An lampuihai lei chun anni chu hrem ka ta, An thilthawhai chu thung ka tih.

HOSEA 8:1

Tawtawrâwt chu i hmûrah inbûk rawh; LALPA sûnghai chungah mupui angin a hung ie; Ka thuthlung an bawsiet a, Ka dân an helsan leiin.

HOSEA 8:10

Anih, hnam danghai laia chun intlawn chîng sienla khawm, Tuhin anni chu kei khâwm ka tih, Lal le hotuhai rikphur leiin an kiem ṭan a nih.

MATTHAI 22:7

Chuongchun, lal chu a lunginsen tah a; a sipaihai a tir a, chuong tuolthathai chu a sukbo a, an khuo khawm a rawpêk tah a.

DÂN PAHNINA 28:63

A thawṭha ding cheu le a sukpung ding cheua LALPA chu a thafân ang khan a sukbohmang ding cheu le a sukse ding cheuin LALPA chu thafân a ta, in va hluo ding in va lûtna rama inthawk chun sawn hmang nîng in tih.