HOSEA 10:1 - Pathien Lekhabu Inthieng (BSI)

¹ Israel chu grêp hrui inbuktak, ra hautak a nih; A ra tam hu ang peiin a mâichâm a sukpung a, A ram ṭhatzie ang peiin lung inser phun ṭhatak tak a siem a,

HOSEA 10:1 ပူးပေါင်းရင်းမြစ်များ

1 LALHAI 14:23

Tlâng insâng tina le thing hring tin hmuna hin lungphunhai phunin bâwlhmunhai le Aserahai chenin an siem bawk sih a,

JEREMIA 11:13

Aw Juda, i khawpui ni zât ang pei el chun i pathienhai chu an um sih a; Jerusalem kawtthlêr zât zâtin inzâpuiumtakin mâichâmhai, Baal kuoma riminhnik rawna ding ngei chu, i lo siem ta bawk a.

JEREMIA 11:17

Sipaihai LALPA, nangni phun- tu cheu chun Israel sûngkuo le Juda sûngkuoin Baal hmaa riminhnikhai inhlân a, mi suklungsen dinga anni ta dinga thilsuol an lo thaw ta leiin i chungah thil ṭha naw chu a hril lang tah a nih.

JEREMIA 2:28

Anleh, i pathienhai i ta dinga i siemhai kha khaw lai am an um a? I buoi lai huna an sanhim thei che chun inthotir ta la; i khawpuihai tamzie ang peiin i pathienhai chu an tam sih a, Aw Juda.

HOSEA 12:11

Gilead chu rîtlona a ni naw am a nih? Teplo el an nih annâwm; Gilgala chun bâwngchal an inhlân hlak a. Anih, an mâichâmhai chu leilet changkuonga Lung dêng khâwm ang el an nih.

HOSEA 12:8

Ephraim chun, “Ka hausa takzet el tah a, Kân sukmuk takmeu el ta a nih; Ka sinthaw po poahai hlak chun Keimaa thil suol an hmu ding hlak um dêr lo,” a tih a.

HOSEA 13:15

A unauhai laia chun a tluong- tlung tak ni sien khawm, Khaw sak thli hung inthawk a ta, Thlalêra inthawka LALPA thuok ngei chu a hung mêk a nih; A tuihnârhai chu kang a ta, A tuikhurhai chu ṭâwl zo a tih; Bûr le bêl ṭhahai po po, a ro chu sukse vawng a tih.

HOSEA 13:2

Tu khawm hin an suol zuol ta deu deu a, An tangkaruoin milim a sunga sung an insiem fâwm a, Anni ngaidân ang peia milim chu: Chuonghai po po chu themthiemhai kutsuok a ni sa khawmin, Inthâwina inhlântuhai taphawt chun Bâwngtê chu fâwp raw se, an ti hlak.

HOSEA 13:6

An fâk ding dawnga chun an tlai a, An tlai chu an lungrilin an chapo phah a, Chuongchun, an mi theinghil tah a nih.

HOSEA 2:10

Chuongchun, a dit zâwnghai mithmua chun, A saruok zâmaw chu suklang ka tih; Ka kuta inthawk chun tu- khawma sansuok naw ni hai.

HOSEA 2:8

Bu dâm, uoin dâm, hriek dâm hi, Tangka ka sukpungpêkhai hi, Rângkachak Baal ta dinga an hmanghai leh; Keima pêk a nih ti a hriet si nawh a;

HOSEA 3:4

Israel thlahai chu ni tamtak laltak le mi lien le, inthawina le lung- phun inser, thiempu zakuo amanih, milimhai amanih, nei loin an um ding a ni sih a.

HOSEA 4:7

An pung dep leh ka chungah an suol tul tul a, An ropuina chu muolphonaah inchangtir ka tih,

HOSEA 8:11

Ephraim chun mâichâm a sukpung hi an thil suksuolna chau a na, An ta dingin mâichâm hrim hrim chu suolna el a nih.

HOSEA 8:4

Ka thaw ni loin, annîn lal an siem a, Ka hriet loin hotuhai an siem a; An bohmangna dingin an tang- karuo le an rângkachakin milim an siem a.

LEVI DÂN 26:1

“Milim hrim hrim in insiem- pêk fâwm ding a ni nawh a, milim siem fâwm le lungphun dâm in inngîr ding a ni nawh; chibai bûk dingin chuong anga lung cher in ram sûngah in inngîr ding a ni nawh; kei hi LALPA in Pathien chu ka ni sih a.

NAHUM 2:2

Israelhai ropuina angin Jakob- hai ropuina chu LALPA chun ân ngîr nâwk sih a; sukruoktuhaiin anni chu an sukruok zo tah a, an grêp kauhai an suksiet zo ta sih a.

2 KORINTH 5:16

Chuleichun, tuta chena hin, keini chun tisa tienga chun tûkhawm hre ta naw ning ungah; tisa tiengah Krista chu lo hre ta inlang khawm, tuhin chu kan hriet nâwk ta nawh.

PHILIPPI 2:21

An rêngin Isu Krista thil zawng loin, mâni thil an zawng hlak sih a.