HOSEA 1:1 - Pathien Lekhabu Inthieng (BSI)

¹ Juda lalhai Uzzia, Jotham, Ahaz le Hezekia inlal lai le Israel lal Jeroboam, Joas naupa inlal laia Beeri naupa Hosea kuoma LALPA thu hung tlung chu.

HOSEA 1:1 ပူးပေါင်းရင်းမြစ်များ

2 LALHAI 13:13

Chun, Joas chu a pi le puhai kuomah a in tah a; chun Jeroboam chu a lal ṭhungphaah a ṭhung a, chun Joas chu Samari khuoah Israel lalhai lai an phûm tah a.

2 LALHAI 14:16

Chun, Jehoas chu a pi le puhai kuomah a in a, Samari khuoah Israel lalhai lai an phûm a; chun, a naupa Jeroboam chu ama aiawin ân lal tah a.

2 LALHAI 14:23

Juda lal Joas naupa Amazia kum sâwm le kum nga ân lal kum chun Israel lal Joas naupa Jeroboam chu Samari khuoah ân lal ṭan a, kum sâwmli le kum khat ân lal a.

2 LALHAI 15:32

Israel lal Remalia naupa Peka kum hni ân lal kum chun Juda lal Uzzia naupa Jotham chu ân lal ṭan a.

2 LALHAI 15:5

Chun, LALPAIN lal chu a hung hrem tah a, chuongchun, a thi ni chen chun ân phâr a, in tumah a um tah a. Chun, lal naupa Jotham chu an rama mihai rorêlpêkin insûng tieng hotuah a um tah a.

2 LALHAI 15:7

Chun, Azaria chu a pi le puhai lai David khawpuia chun an phûm a; chun, a naupa Jotham chu ama aiawin ân lal tah a.

2 CHANCHIN SUINA 27:1

Jotham chu ro a rêl ṭan chun kum sâwmhni pangaa upa a na; Jerusalema chun kum sâwmpa- ruk sûng ro a rêl a, a nu hming chu Jerusa, Zadok naunu a nih.

2 CHANCHIN SUINA 28:1

Ahaz chun ro a rêl ṭanin kum sâwmhnia upa a na; Jerusa- lema chun kum sâwmparuk sûng ro a rêl a; a thlatu David ang khan LALPA mithmuah thil indik chu a thaw ve nawh a;

2 CHANCHIN SUINA 29:33

Chun, thil a pêka pumpêk chu bâwngchal za ruk le berâm sâng thum an nih.

ISAI 1:1

Amoz naupa Isaiin Judahai lal Uzzia, Jotham, Ahaz le Hezekia hai inlal laia Judahai le Jerusalem chungchâng thua inlârna a hmu chu.

ISAI 7:1

Uzzia nau Jotham naupa Ahaz inlal lai chun, Suria lal Rezin le Israel lal Remalia naupa Peka chu Jerusalem rûn dingin an hang feh a; nisienlakhawm, an hne thei nawh a.

JEREMIA 1:2

Ama kuoma chun Juda lal Amon naupa Josia hun lai, a rorêl a kum sâwm le pathum kum chun LALPA thu chu a hung tlung a,

JEREMIA 1:4

Chun, LALPA thu chu ka kuomah a hung tlung a:

EZEKIEL 1:3

Kebar vadung panga Kaldaihai rama chun, Buzi naupa thiempu Ezekiel kuoma chun LALPA thu chu fietakin a hung tlung tah a; chutaka chun ama chunga chun LALPA kut chu a um a.

JOEL 1:1

Pethuel naupa Joel kuoma LALPA thu hung tlung chu.

AMOS 1:1

Juda lal Uzzia inlal lai le Israel lal Joas naupa Jeroboam inlal laia, simkhawleihnuoi inhnîng hma kum hnia, Tekoa ran ruol vêngtuhai laia mi Amos thu Israel chungchâng thu a hmu chu.

JONA 1:1

Amittai naupa Jona kuomah LALPA thu a hung tlung a:

MIKA 1:1

Juda lal Jotham, Ahaz le Hezekia hai inlal laia Moreseth mi Mika kuoma LALPA thu hung tlung, Samaria khuo le Jerusalem chung- châng thu a hmu chu.

ZEKARIA 1:1

Daria inlal kum hnina a thla rietnaah, Iddo naupa, Berekia naupa zâwlnei Zekaria kuomah LALPA thu chu a hung tlung a:

JOHAN 10:35

Pathien thu tlungnahai hman pathienhai an ti chun, (Pathien Lekha thu bân thei a ni si nawh a)

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:25

Hosea lekhabua, “Ka mihai ni ngai lo chu, ‘Ka mihai’ tîng ka ta, Chun, ka ihmangai ngainawnu chu, ‘Hmangainu’ tîng ka tih.

2 PETER 1:21

Thu hrillâwk hrim hrim hi mihriem thua suok a ni ngai si nawh a, mihaiin Thlarau Inthieng tirin, Pathien kuoma inthawkin an hril lem hlak a nih.