HLAHAI HLA 7:12 - Pathien Lekhabu Inthieng (BSI)

¹² Grêp huonahai chun zîngkâr fêng ei ta, Grêphruihai chu a kumûm tahin, a pârhai chu a pâr ta am, Theibufaihai khawm chu a pâr ta am ti en ei tih; Chutaka chun ka hmangaina chu pêng ka ti che.

HLAHAI HLA 7:12 ပူးပေါင်းရင်းမြစ်များ

INPÂKNA HLABU 122:5

Chutaka chun rorêlna dingin ṭhungphahai daw a ni sih a, David sûnghai lalṭhungphahai chu.

INPÂKNA HLABU 43:4

Chuongchun, Pathien mâichâm kâwlah fêng ka ta, Pathien ka hlimna bêk bêk kuoma chun: Aw Pathien, ka Pathien, ṭingṭangin inpâk bawk ka ti che.

INPÂKNA HLABU 73:25

Vâna khin nang naw chu tu am ka nei a? Hnuoia khawm hin nang naw chu ka dit tukhawm an um nawh.

FESUOKNA 25:22

Chutaka chun intuokpui ka ti cheh a, Israel thlahai kuoma thupêk kawnga thil ka pêk ding che po po chu, Thuthlung bâwm chunga zângaina ṭhungpha chunga inthawk chun hung inhriettir ka ti che.

THUVARHAI 8:17

A mi hmangaituhai chu ka hmangai veh a, Chun, nguntaka a mi zawngtuhai chun mi hmu suok bawk an tih.

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna ama- nih, sinthawna amanih a um ta si nawh a.

HLAHAI HLA 2:13

Theichang thinghai chun ra a hung insuo a; Grêp hruihai khawm chu a kumûm tah a, An riminhnik chu an tirsuok a, Tho la, ka hmangai, ka hmêlṭha, hung rawh,” tiin.

HLAHAI HLA 2:15

Sihalhai, sihal chînhai chu mi manpêk la, Grêp huon suksetuhai chu, Ei grêp huon chu a pâr lai tak a ni sih a.

HLAHAI HLA 4:13

I thil phunhai chu theibufai, ra hlutakhai chu a na, Henna le spiknard thinghai leh.

HLAHAI HLA 4:16

Tho la, aw hmâr thli, nang sim thli, hung rawh; Ka huon chungah hung hrâng la, riminhnikhai chu a fe suok theina dingin. Ka hmangaitak chu a huonah hung sienla, A theira hlutakhai chu hung fa raw se. Tlangvâl

HLAHAI HLA 6:11

Makha huona chun ka zu fe thlah a, Phai ruoma thil phun hringhai chu en ding le, Grêp hruihai chu an inder ta am, Theibufaihai chu an pâr ta am ti en dingin.

HLAHAI HLA 7:11

Hung rawh, ka hmangaitak, phûlah fe suok ei ta, Khuoahai khin riek ei tih.

HLAHAI HLA 7:6

Aw hmangai, lâwm i umin, I hmêl a ṭhain, lung i sukâwi ngei de aw!

ISAI 18:5

Grêp lo hun hmaa, a pâr a rêm a, a pâr chu grêp puoma a hung inchang pha chun, a kauhai tê chu theikûng ât bawngnain a ât bawng ding a ni sih a; a kau inzâm darhai chu la hmangin ât bawng bawk a tih.

THILTHAWHAI 15:36

Chun, ni iengzat amanih hnunga chun, Paulain Barnaba kuomah, “Tuhin fe nâwk inla, khaw tina Lalpa thu ei hrilna taphawta unau umhai kha kan pei inla, an um dân en ei tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:11

Chuong chau khawm chu a ni nawh a, inremna tuta a mîn hmutirtu ei Lalpa Isu Krista lei chun Pathienah ei lâwm bawk a nih.

2 KORINTH 13:5

Ringnaa chun in um am, nangni insin hlak unla, nangni ngei infie hlak ro. Annawleh, nangniah Isu Krista chu a um ti nangni ngeiin in hriet chieng naw am a nih? dit naw in ni nghâl naw chun.

EPHESI 6:24

Ei Lalpa Isu Krista chuoiloa hmangaituhai po po kuomah lunginsietna um raw se.

HEBRAIHAI 12:15

Nguntakin en ro, chuong naw chun, Pathien lunginsietna tling zo naw mi tû amanih um a ta, khâkna zung ieng amanih hung indera suk- buoi cheuin, chu chun mi tamtak chu sukthieng loin um an ta,

HEBRAIHAI 2:13

Chun, “Amaah ka ringna innghat ka tih,” a ti nâwk a. Chun, “En ta u, kei le, Pathien mi pêk naupanghai hi,” a ti nâwk bawk a.

HEBRAIHAI 2:15

thîna ṭi leia dam sûnga suoka um po pohai chu a sansuok theina dingin.

HEBRAIHAI 4:16

Chuongchun, zângaina ei hmu theina ding le, ṭhangpui ei ngai phaa ṭhangpuina lunginsietna chu ei hmu theina dingin lunginsietna lalṭhung- pha chu huoitakin hnai ei tiu.