HLAHAI HLA 6:11 - Pathien Lekhabu Inthieng (BSI)

¹¹ Makha huona chun ka zu fe thlah a, Phai ruoma thil phun hringhai chu en ding le, Grêp hruihai chu an inder ta am, Theibufaihai chu an pâr ta am ti en dingin.

HLAHAI HLA 6:11 ပူးပေါင်းရင်းမြစ်များ

INṬANNA 2:9

Chun, hnuoia inthawkin, LALPA Pathienin thing mitlatak le fâkmi tinrêng ân mâwngtir a; hringna thing khawm huon lailung taka chun ân mâwngtir bawk a; a suol le a ṭha hrietna thing khawm.

INṬANNA 40:10

grêp hruia chun a kau pathum a um bawk a; chun, inder suok angin a lo um a, pârhai a lo hung suok a: a pâr bâwrhai chun grêp hminhai a hung insuo tah a.

HLAHAI HLA 5:1

Ka farnu, ka huona chun ka hung ie, ka mo, Ka riminhnik leh ka murra chu ka lâk khâwm a; Ka khuoizu le ka khuoithlâr chu ka fâk a; Ka bâwng nênetui leh ka uoin chu ka dâwn tah. Nunghâk Aw ruolhai, fa ta u, Dâwn unla, dâwn ṭeu ro aw hmangaitak.

HLAHAI HLA 6:12

Annawleh, kân ring naw kâr, Ka thla chun, ka mi dit zâwnghai sakawr tawlailîr lai a mi sie tah a. Nunghâkhai

HLAHAI HLA 6:2

Ka hmangaitak chu a huonah, riminhnikhai bila chun a feh a, Huona chun vân suktlai ding le, lilihai va la khâwm dingin.

HLAHAI HLA 7:12

Grêp huonahai chun zîngkâr fêng ei ta, Grêphruihai chu a kumûm tahin, a pârhai chu a pâr ta am, Theibufaihai khawm chu a pâr ta am ti en ei tih; Chutaka chun ka hmangaina chu pêng ka ti che.

HLAHAI HLA 7:13

Zâwldiai chun a riminhnik a suksuok a, Chun, ei kawtkhâr bula chun theira hlutaktakhai chi tinrêng, A hlui le a thar a um ṭeu a, Chuong chu i ta dinga ka siekhâwl a nih, aw ka hmangaitak.

MARKA 11:13

Chun, theichang kûng hna nei hlataka hin a hei hmuh a, “A ra ka hmu duoiin,” tiin a va feh a; a va tlung chun a hna chau naw chu iengkhawm a hmu nawh a; theichang ra pha a ni naw hrim a.

LUKA 13:7

Chuongchun, grêp huon enkawltu kuomah, ‘Ngai rawh, kum thum sûng hin hi theichang kûnga hin a ra ka zawng hlak a, pakhat khawm ka hmu si nawh; phûr rawh; iengdinga hmun hluo saka a um zing am a na?’ a ta.

JOHAN 15:16

Nangnîn in mi thlang nawh a, keiin ka thlang lem cheu a, va ra ding le in ra chu um zing dingin ka ruot bawk cheu a nih; ka hminga Pa kuoma in hni taphawt a pêkna ding cheuin.

THILTHAWHAI 15:36

Chun, ni iengzat amanih hnunga chun, Paulain Barnaba kuomah, “Tuhin fe nâwk inla, khaw tina Lalpa thu ei hrilna taphawta unau umhai kha kan pei inla, an um dân en ei tih,” a ta.