HLAHAI HLA 5:6 - Pathien Lekhabu Inthieng (BSI)

⁶ Ka hmangaitak chu ka hawngpêk a; Nisienlakhawm, ka hmangai- tak chu a lo intâwlhmang a, a lo fe hmang tah a, Thu a hung hril lai khan ka thlain a mîn âwimâwtir a; Ama chu ka zawng a, anachu ka hmu nawh a; Ama chu ka ko a, anachu a mi dawn nawh.

HLAHAI HLA 5:6 ပူးပေါင်းရင်းမြစ်များ

INṬANNA 42:28

Chuongchun, a unauhai kuoma chun, “Ka tangka kha an lo sie nâwk a ni hi tie, en ta u, ka ipa hi a lo um zing el,” a tih a: chun an lung a kak rak a, “Pathienin hieng anga a mi thaw hi iengtizie am a ni aw?” tiin, inthin pumin an inen tâwl a.

2 SAMUEL 16:10

Nisienlakhawm, lal chun, “Nangni Zeruia naupasalhai, nangni mi lo hrietpêk ding ieng am a um a? LALPAIN a kuomah, ‘David chu ṭawngsie inphur rawh,’ a ti si chun inphur el raw se, ‘Iengdinga chuong anga i thaw am a ni leh?’ tuin am ti hlak an ta?” a ta.

INPÂKNA HLABU 28:1

Aw LALPA, ka ko ding che a ni hi, Ka lungpui, keimaa inthawk hin i na chu suksêt naw la; Chuong naw chun, nangin i mi tosan chun, Khur sûnga zu fehai ang elin hung um rawi ka tih.

INPÂKNA HLABU 30:7

LALPA, nangin i ditsakna leiin ka tlâng chu i lo inngîrdettir tah a: Nisienlakhawm, i hmai i thup a, ka lo lunginzîng tah a.

INPÂKNA HLABU 69:3

Ka khêkna leiin ka chau a, ka dang a ṭâwl zo tah a: Ka Pathien ka nghâknaa hin ka mit ân vai zo tah a.

INPÂKNA HLABU 77:3

Pathien ka hriet zing a, ka buoi hlak; Ka ngaituoh a, ka thlarau hi a châu hlak.

INPÂKNA HLABU 80:4

Aw LALPA, sipaihai Pathien, Ieng chen am i mihai ṭawngṭâina chunga hin i lunginsen ding a na?

THUVARHAI 1:28

Chun, kei chu mi hung ko an ta, nisienlakhawm, dawn naw ningah; Nguntakin mi hung zawng an ta, nisienlakhawm, mi hmu naw hi hai.

HLAHAI HLA 5:2

Ka lo in a, ka lung ruok chu a har a, Chu! ka hmangaitak chu a hung nâwk ie, Tlangvâl “Mi hung hawngpêk rawh, ka farnu, ka hmangai, ka vaṭhu, ka ṭha famkim; Ka lu chu daidâwin a sukhu a, Ka sam chu zân hnâwngin,” tiin. Nunghâk

HLAHAI HLA 5:4

Ka hmangaitak chun kawtkhâr âwnga chun a kut a hung pur a, Chun, ama ta dingin ka lungril chu a hung châng tah a.

HLAHAI HLA 6:1

Khâw tieng am i hmangaitak chu a fe tah a, Aw nang nuhmei laia hmêlṭha tak? I hmangaitak chu khâwtieng am ân her tah a, Nang leh ama chu kan zawngpui theina ding chein?

ISAI 12:1

Chu nia chun hieng ang hin la hril i tih, “Aw LALPA, lâwm- thu hril ka ti che; ka chungah lo lunginsen ta la khawm, i lunginsen chu a bo tah a, nangin i mi thlamuon ta a ni hi.

ISAI 50:2

Ieng leiin am ka hung khan mi hrim hrim an um nawh a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthaw- theina hrim hrim ka nei nâwm a nih? Ngai ta u, ka kâwknain tuisuoriet ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thuh a, dangchârin an thi hlak.

ISAI 57:16

Kumkhuoin ka do âwm si nawh a, lunginsen rawp bawk naw ning ah; chuong naw chun, mi lungril ka hmaah châu a ta, hringna ka siemhai khawm chu châu bawk an tih.

ISAI 58:2

Anni chun zawng chu ni tin el an mi zawng hlak a, ka lampui thuhai hriet chu an inhâwk hlak; feltaka thaw le an Pathien rorêlna bânsan ngai naw hnam angin, ka kuomah rorêlna feltak an mi hni hlak a. Pathien hung hnai khawm an inhâwk hlak a nih.

ISAI 8:17

Kei chun Jakob sûnghai laia a hmai thuptu LALPA chu nghâk ka ta, ama chu thlîr zing ka tih.

ṬAP HLA 3:8

Anih, ka khêk a, ṭhangpuina ka ngên pha leh, ka hnina chu a lo dangkîr a.

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

HOSEA 5:6

An berâm ruolhai le an bâwng ruolhai leh, LALPA zawng dingin fêng an ta; Nisienlakhawm, ama chu hmu nâwng an tih, An kuoma inthawkin ân siekieng tah a nih.

ZEKARIA 7:13

Chun, ama a khêk laiin an ngai nawh a; chuongchun, anni chu khêk an ta, kei khawma ngai naw ningah, sipaihai LALPA chun a tih.

MATTHAI 26:75

Chun, Peter chun, Isûn “âr a khuong hmain nangin vawi thum mîn phat i tih,” a ti kha a hung hriet nâwk tah a. Chun, a suok a, a ṭap ta ngâwi ngâwi a.

MARKA 14:72

Chun, âr khuong vawi hnina chu a khuong nghâl tah a; chun, Peter chun Isûn a kuoma, “Âr vawi hni a khuong hmain nangin vawi thum mîn phat i tih,” a ti thu kha a hung hriet suok tah a. Chuongchun, chu thu chu a ngaituoin a ṭap tah a.

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.

1 SAMUEL 28:6

Chun, Saula chun LALPA a hang rawn khawmin LALPA chun mangin amanih, Urimin amanih, zâwlneiin amani khawm a dawn hrim hrim nawh a.