HLAHAI HLA 5:4 - Pathien Lekhabu Inthieng (BSI)

⁴ Ka hmangaitak chun kawtkhâr âwnga chun a kut a hung pur a, Chun, ama ta dingin ka lungril chu a hung châng tah a.

HLAHAI HLA 5:4 ပူးပေါင်းရင်းမြစ်များ

INṬANNA 43:30

Chun, Josefin a sang a hmu chun lungriemin a thlâk a, chuong- chun, ṭapna hmun inhmawtakin a zawng ta vat a, pindan sûngah a lût a, chutaka chun a ṭap suok tah a.

INṬANNA 7:11

Noa chu kum za ruk a ni kum, a thla hnina ni sâwm le ni sari niah, chu ni ngei chun tui inthûk lientak hnâr po po chu a hung pût ta vawng a, vân tukverhai khawm a hung inhawng ta bawk a.

1 LALHAI 3:26

Chuongchun, nautê dam lem a nu chun nautê chu a lainat êm êm el sih a; lal kuoma chun, “Aw ka lalpa, nautê dam hi ama kha pe el rawh, a that chu that lul naw raw khai,” a ta. Pakhat lem chun, “Chang bîk naw tawp ka tih, nang khawma chang bîk naw bawk i tih, tanbawng el ro,” a ta.

INPÂKNA HLABU 110:3

I mihai chu i thilthawtheina nia chun mâni nuomthuin an inpêk hlak a, Inthieng mawinaah, zîngkâr phîng sûnga inthawkin, I tleirâwl daidaw chu i nei a.

HLAHAI HLA 1:4

Mi hîp la, i hnungah hung tlân kan tih: Lal chun a pindanhaia chun a mi ṭhuoi a; Nangmaa chun hlimin lâwm kan tih; Uoin nêk chun i hming chu hung hril lem kan ta; An hmangai takzet che a nih.

JEREMIA 31:20

Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheiloin, ama chunga chun zâ- ngaina nei ngei ka tih, LALPA chun a tih.

THILTHAWHAI 16:14

Chun, a hming Luda, puon senduk zawrtu, Thuotira khuoa mi, Pathien betu nuhmei pakhatin kan thu a hriet a; chun Paula thu hril zâwm dingin Lalpa chun a lungril a sukvar tah a.

2 KORINTH 8:16

Chun, in chunga ka ṭhahnem- ngaina ang Tita lungrila pe hlaktu Pathien kuoma chun lâwmthu um raw se.

PHILIPPI 2:13

ama lâwmna dinga thaw tum ding le thaw dinga nangnia sin thawtu chu Pathien a ni sih a.