HLAHAI HLA 4:11 - Pathien Lekhabu Inthieng (BSI)

¹¹ I hmûrhai chu, aw ka mo, khuoizu bâwm angin a far a, I lei hnuoia chun khuoizu le nênetui a um a; I silfênhai rim chu Lebanon rim ang a nih.

HLAHAI HLA 4:11 ပူးပေါင်းရင်းမြစ်များ

INṬANNA 27:27

Chuongchun, a va hnai a, a fâwp a: ama chun a silfên rim chu a hriet a, mal a sâwm tah a, “En ta, ka naupa rim hi LALPA malsâwm ram rim ang a nih

INPÂKNA HLABU 19:10

Chuong chu rângkachak nêka ditum a na; anih, rângkachak inthieng tamtak nêk khawmin. Khuoizu le khuoithlâr nêk khawmin a thlum lem bawk a nih.

INPÂKNA HLABU 45:8

I silfên po po chu murra rim dâm, aloe rim dâm, thing- zungthak rim dâm ân nam rum rum a; Saihaa siem lal inhaia ṭingṭang chi tum tum ri hung suokhai chun a sukhlim che a ni hi.

INPÂKNA HLABU 92:13

LALPA ina phunhai chu, Ei Pathien biekin inhuonna tuol sûnga chun inno hlut hlut an tih.

THUVARHAI 16:24

Thu lâwmumhai chu khuoithlâr ang a na, Lungril ta dingin a thlum a, ruhai ta dingin hrisêlna a nih.

THUVARHAI 5:2

Ngairuotthiemna chu i vawng tlat theia, I hmûrhai chun hrietna a kawl tlat theina dingin.

THUVARHAI 5:3

Hmêlmak nuhmei hmûrhai chu khuoizuin a far a, A bau chu hriek nêkin ân nâl lem sih a.

HLAHAI HLA 4:10

I hmangaina chu a vân hawi ngei, ka farnu, ka mo! I hmangaina chu uoin nêkin a va ṭha lem nasa de! Riminhnik chi po pohai nêkin i hriek rim chu a vân hnik ngei!

HLAHAI HLA 4:3

I hmûrhai chu sâpsen zai ang a na, I ṭawngbausuokhai chu ngaino a bei a; I barêphai chu theibufai hlek ang a na, I puon lukhum hnuoia chun.

HLAHAI HLA 5:1

Ka farnu, ka huona chun ka hung ie, ka mo, Ka riminhnik leh ka murra chu ka lâk khâwm a; Ka khuoizu le ka khuoithlâr chu ka fâk a; Ka bâwng nênetui leh ka uoin chu ka dâwn tah. Nunghâk Aw ruolhai, fa ta u, Dâwn unla, dâwn ṭeu ro aw hmangaitak.

HLAHAI HLA 5:13

A bienghai chu riminhnik bil, rim inhnik insuo hlak ang a na, A hmûrhai chu lili, murra tui infartir ang chu a nih.

HLAHAI HLA 7:9

Chun, i bau chu uoin ṭhatak, Ka hmangaitak ta dinga luong thla ziei ziei a, Mi a inhai hmûra luong lût pei ang chu a nih.

ISAI 7:15

Ama chun thil ṭha naw tieng dit naw dân a hriet a, thil ṭha tieng dit nachâng a hriet pha chun nênetui kîng le khuoizu fa hlak a tih.

HOSEA 14:2

Thu chawi pumin LALPA kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

HEBRAIHAI 13:15

Chuongchun, ama zâra chun inpâka inthawina hi Pathien kuomah inhlân rawp ei tiu; chu chu a hming ṭanna hmûr rahai chu a nih.