HEBRAIHAI 9:4 - Pathien Lekhabu Inthieng (BSI)

⁴ chutaka chun riminhnik râwna rângkachak bâwm le, thuthlungna bâwm rângkachak tuia inluon chu a um a; chu thuthlungna bâwm sûnga chun, manna umna rângkachak bêl dâm, Aron hmawl hung inder dâm, thuthlungna lungphêk dâm a um a;

HEBRAIHAI 9:4 ပူးပေါင်းရင်းမြစ်များ

1 LALHAI 7:50

nohai, khâwnvar puon chepna- hai, maihûnhai, haihawhai, rimin- hnik thlêng, meilâknahai, rângka- chak hlîr hlak vawngin; in sûngril lem, hmun inthiengtak kawtkhâra- hai le, in (biek in chu) kawtkhâr inbûknahai chu rângkachakin.

1 LALHAI 8:21

Chutaka chun bâwm umna ding hmun chu ka lo ruot tah a, chutaka chun Aigupta rama inthawka a ṭhuoi suok laia ei puhai kuoma a lo thlung, LALPA thuthlung chu a um a,” a ta.

1 LALHAI 8:9

Aigupta rama inthawka an suok a, LALPAIN Israel thlahai kuoma thu a thlung laia Mosiein Horeb tlânga lungphêk pahni a siehai chau naw kha chu, chu bâwm sûnga chun iengkhawm a um nawh.

2 CHANCHIN SUINA 5:10

Chu bâwm sûnga chun, Aigupta rama inthawka an hung suok laia Israel thlahai kuoma LALPAIN thu- thlung a siem laia Mosien Horeba lungphêk pahni a sie lût chau naw kha chu ieng dang khawm a um nawh a.

FESUOKNA 26:33

Puonzâr chu puonchepnahaiin khai i ta, puonzâr sûngtienga chun Thuthlung bâwm chu hung lâng i ta, chuongchun, puonzâr chun Hmun Inthieng le Hmun Inthiengtak chu ṭhepêk a ti che.

FESUOKNA 31:18

Chun, Sinai tlâng chunga ama le inbiekna chu a suktâwp chun Thuthlung phêk hni, lung phêk pahni Pathien kut ngeia ziekhai chu Mosie kuomah a pêk tah a.

FESUOKNA 32:15

Chun, Mosie chu ân her a, thuthlung lung phêk pahni chu a kuta chawiin, tlânga inthawk chun a fethla tah a: chu lung phêkhai chu an pang khing hni hniha ziek an nih; a pang khing khat le a pang khingtieng khawm chun ziek ve ve an nih.

FESUOKNA 34:29

Chun, Mosie chu Thuthlung phêkhai pahni chu a kuta chawiin Sinai tlânga inthawkin a hung thlah a; tlânga inthawka a hung thlâk lai chun, Pathien ân biekpui leiin a hmai vun chu a lo var ti a hriet nawh a.

FESUOKNA 37:25

Shittim thingin riminhnik rawna mâichâm a siem a, a seitieng tawng khat, a lientieng tawng khat, killi nei a nih. Ân sângtieng chu tawng hni a nih a a kihai chu ama le chun zawm khat an nih.

FESUOKNA 39:35

Thuthlung bâwm le a zâwn- funghai, zângaina ṭhungpha leh;

FESUOKNA 40:3

Chun, a sûnga chun Thuthlung bâwm chu sieng i ta, Thuthlung bâwm chu puonzârin zâr hlieng i tih.

LEVI DÂN 16:12

Chun, meilâkna meilinga sip, mâichâma inthawkin LALPA hmaa chun lâng a ta, riminhnik inhniktak rawt dip dap ṭhûm hni leh puonzâr sûng tieng chun hung lûtpui a tih.

NAMBAR 17:10

Chun, LALPAIN Mosie kuom- ah, “Helhmang nauhai an nih ti inhriettirna dingin Aron hmawl chu thu inhriettirna bula chun sie nâwk rawh; chuongchun, ka chunga an helna hi sukrepêk thei i tih, an thi nawna dingin,” a ta.

NAMBAR 17:5

Chun, ka mi thlang ding hmawl chu hung inder a ta, chuongchun, Israel thlahai chierna, i chunga an chierna hi ka sukre ding a nih,” tiin.

NAMBAR 17:8

A zînga chun Mosie chu thu inhriettirna puon ina chun a va feh a; ngai ta, Levi sûngkuo puola Aron hmawl lo inder chu a hmuh a, a pâr a, almondin a ra a.

DÂN PAHNINA 9:11

Ni sâwmli le zân sâwmli hnung- a chun lungphêk pahni, thuthlungna lungphêk chu a mi pêk a.

DÂN PAHNINA 9:9

Lungphêk, in kuoma LALPAIN thu a thlungna lungphêk la dinga tlânga ka hang fe lai khan ni sâwmli le zân sâwmli tlânga chun ka hang um a; bei khawm ka fâk nawh a, tui khawm ka dâwn bawk nawh a.

THUPUONGSUO 11:19

Chun, vâna Pathien biekin chu ân hawng a, chuongchun, biekina chun a thuthlungna bâwm chu a hung inlang tah a; chun kâwlinlep dâm, rawl dâm, vân inrûm dâm, simkhawleihnuoi inhnîng dâm, riel nasatak dâm, a hung um nghâl tah a.

THUPUONGSUO 8:3

Chun, vântirko dang a hung a, rângkachak riminhnik rawna bâwm chawiin mâichâm kâwla chun a ngîr tah a; lalṭhungpha hmaa rângkachak mâichâm chunga mi inthienghai po po ṭawngṭainahai belsana dingin, riminhnik tamtak a kuomah an pêk a.