HEBRAIHAI 9:26 - Pathien Lekhabu Inthieng (BSI)

²⁶ chuongchu ni naw sienla leilung insieng tira inthawk vawi tamtak a tuor ta ding a na; nisienlakhawm, tulai hun tâwpa hin inthâwina dinga inhmang fâwmin, suol sukbona dingin vawi khatah a hung inlang ta nghâl a nih.

HEBRAIHAI 9:26 ပူးပေါင်းရင်းမြစ်များ

2 SAMUEL 12:13

Chun, David chun Nathan kuomah, “LALPA chungah thil ka lo suksuol tah a nih,” a ta. Chun, Nathan chun David kuomah, “LALPA khawma i suol chu a sie hmang ve tah a; thi naw ti nih.

2 SAMUEL 24:10

Chun, mihriem an hang tiem zo chun David lungril chu a na ta hle el a. David chun LALPA kuomah, “Ka thilthawa hin nasatakin ka lo suol tah a nih; nisienlakhawm, tuhin aw LALPA, i siehlaw rîtlona hi sie hmang dingin ka ngên che, invêttakin ka lo thaw tah a nih,” a ta.

JOB LEKHABU (THE BOOK OF JOB) 7:21

Iengdinga ka bawsietna hi i ngaidam nawh a, Ka rîtlona hi i lâk hmang naw? Tuhin pilvut lai ka zâl el ding an ta sih a; Ngûntakin mi zawng i ta, nisienlakhawm, um ta naw ningah,” tiin.

INPÂKNA HLABU 103:12

Sak le thlang ân hlat angin, Ei bawsietnahai chu ei kuoma inthawkin a sie hmang dai tah a.

ISAI 2:2

Ni nuhnungahai chun LALPA in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

DANIEL 10:14

Ni nuhnungahai chun i mihai chu iengin am a hung tlâkbuok ding a na ti inhriettir ding chein tuhin ka hung a nih; thilhmulâwk kha ni tamtakhaia ding a la ni chau sih a,” a ta.

DANIEL 9:24

Hapta sâwm sarihai chu i mihai le khaw inthieng ta dinga bawsiet- nahai insûmna ding le suolnahai bân- sanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

MIKA 4:1

Nisienlakhawm, ni nuhnungahai chun hieng ang hi hung nîng a ta; LALPA in umna tlâng chu tlâng lien- hai chunga chun sukdet nîng a ta, tlâng chînhai chunga chun chawi- sângin um bawk a tih; chutaka chun chi tinrênghai chu fe hum hum an tih.

MATTHAI 13:39

Hmêlma a thetu chu diebol a na; bu sîk chu khawvêl tâwpna ding a na; bu sîktuhai chu vântirkohai an nih.

MATTHAI 13:40

Chuongchun, bu tehlêmhai chu an lâk khâwma meiah an raw ang hin khawvêl tâwpnaa chun la um a tih.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

JOHAN 1:29

Chun, a zînga chun Johanin Isu a kuoma hung ding a hmuh a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 17:24

Pa, nangin kei i mi pêkhai hi ka umnaah ka kuoma um dingin ka dit; nangin i mi pêk ka ropuina kha an hmuna dingin; leihnuoi insieng hma khawmin nangin i mi hmangai ta sih a.

1 KORINTH 10:11

Chun, chuong chu inentirna dingin an chungah a hung tlung a ni kha; eini hun tâwp hung tlungnahai hi mi zil dingin an ziek a n i bawk a.

GALATI 4:1

Nisienlakhawm, hienghin ka ti a nih: Rohluotu ding chu iengkim chunga hotu ni sien la khawm, naupang a la ni sûng chu suok leh danglamna a la nei chuong nawh.

EPHESI 1:10

hunbi kim hunah: iengkim — vâna thil umhai le hnuoia thil umhai khawm–Kristaah, amaa ngei chun fâwkkhâwm dingin a nih.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.

HEBRAIHAI 1:2

hieng ni tâwpa hin eini kuomah a Naupaa chun thu a hril tah. Ama chu iengkim rohluotu dingin a ruot a, amaa bawk chun khawvêlhai chu a siem a.

HEBRAIHAI 10:10

Chu chu dit zâwng chun, Isu Krista taksa vawi khata hlân nghâl lei khan sukthiengin ei um tah.

HEBRAIHAI 10:12

ama ruok hi chu, chatuona dingin suolhai ta dinga inthâwina ṭum khat chau ân hlân hnungin, Pathien changtieng a hang ṭhung ta lem a.

HEBRAIHAI 10:26

Thutak hrietna famkim chu ei chang hnunga thil ei suksuol ṭâl chun, suolhai dingin inthâwina um ta dêr naw ni a,

HEBRAIHAI 10:4

Bâwngchalhai le kêlhai thisen chun suolhai sukbo thei ruol a ni si nawh a.

HEBRAIHAI 4:3

Eini ring tahai hi chu châwlnaa chun ei lût zing a nih. “Ka lungsena kân khâm ang khan, Ka châwlnaa chun lût naw ni hai,” a ti ang khan, leilung insieng tira sinhai chu thaw zo ni ta sien khawm.

HEBRAIHAI 7:27

Chuong thiempu lalhai chun ni tin mâni suolna leiin inthawina an inhlân hmasa zet a, chu hnungah mihai suolna leiin an inhlân nâwk a. Chuong chu ama ta ding chun a ngai nawh, ama le ama ân hlân fâwm lai khan ṭum khatah a lo suktlingtla ta leiin.

HEBRAIHAI 9:12

ei ta dingin chatuona intlanna hmu tain, kêlte le bâwngte thisen lei ni loin, ama thisen lem leiin, Hmun Inthienga chun vawikhatah a lût thleng ta nghâl a.

HEBRAIHAI 9:14

Krista, chatuona Thlarau hmêl- hem loa Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

1 PETER 1:20

Ama chu leilung insieng hmain ruot lâwkin a um ngei el, nisien- lakhawm, hun nuhnunga hin nangni leiin suklangin a um;

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuol- hai chun sukdamin in um tah a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk sih a, mi fel chun mi fel naw aiin a tuor a, tisaa sukhlumin a um a, thlaraua ruok chun sukhringin a um tah.

1 PETER 4:7

Nisienlakhawm, thil po po tâwpna chu a hnai tah a, chuleiin, in ṭawngṭai theina dingin lungril feltak putin fimkhur ro.

1 JOHAN 3:5

Ama chu suolhai la hmang dingin a hung inlang tah ti in hriet; amaa chun suol iengkhawm a um si nawh a.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol sih a, Pathien Naupa hung inlang san tak chu Diebol sin- thawhai a sukbohmang theina dingin a nih.

THUPUONGSUO 13:8

Chuongchun, hnuoia um po po, leilung insieng tîra that tah Berâmtê Hringna Bua hming ziek naw po chun, Pathien chibai bûkin bûk an tih.

THUPUONGSUO 17:8

Sahrâng i hmu kha a um ta zet a, a um nâwk ta nawh a; chun, vânsama inthawkin hung suok a ta, bo- hmangnaah fêng a tih. Chun, hnuoia umhai, leihnuoi insieng tîra Hringna Bua hming ziek nawhai chun, sahrâng chu an hmu phâleh, a um ta zeta, a um nâwk ta nawh a, a hung nâwk ding chu mak la tîng an tih.