HEBRAIHAI 9:14 - Pathien Lekhabu Inthieng (BSI)

¹⁴ Krista, chatuona Thlarau hmêl- hem loa Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

HEBRAIHAI 9:14 ပူးပေါင်းရင်းမြစ်များ

2 SAMUEL 4:11

Mi fel ama insûng luma, a khumlaizâwl ngeia mi, mi suolin an that a thisen man chu nangnia in- thawk hin ka phût nâwk zuolin, hnuoia inthawk hin ka va sukbo- hmang âwm ngei cheu deh aw,” a ta.

2 LALHAI 19:16

Aw LALPA, i na lo sit la, ngai ta, Aw LALPA i mit meng la, en ta; Pathien hring chu hrilse dinga Sen- nakeribin thu a hung hril hi ngai ta;

JOB LEKHABU (THE BOOK OF JOB) 15:16

Mî, khawhlona tui anga dâwntu chu, Tirdak a va umin a va pawrche zuol âwm de!

INPÂKNA HLABU 51:2

Ka rîtlonahai hi mi sâwpfaipêk var la, Ka suol hi mi sâwpfaipêk rawh.

FESUOKNA 12:5

In berâmte chu a chal kum khat mi, demkailo a ni ding a nih, kêl ruol laia inthawkin, annawleh, berâm ruol laia inthawkin la tum in tih,

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 53:9

Chun, thil nunsetaka thaw ngai loin, a bauah hlêmna hrim hrim um ngai naw sien khawm, a thlân chu mi suolhai kuomah an ruotpêk a, a thi hnung chun mi hausa kuom tieng a um a.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 61:1

Mi rimsihai kuoma chanchin ṭha hril dingin LALPAIN hriek a mi nâl leiin, Lalpa PATHIEN thla- rau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

JEREMIA 10:10

Amiruokchu, LALPA chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

EZEKIEL 45:18

“Lalpa PATHIEN chun hieng hin a tih: Thla hmasatak, chu thla ni khat ni chun, bâwngchal tuoi dem- kâilo lâng i ta; hmun inthieng chu sukthieng i tih;

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni sih a, A ram khawm chu suksiet ni ngai naw nih a, A rorêlna chu chatuonin um zing lem a tih.

LEVI DÂN 22:20

Demkai hrim hrim chu in inhlân ding a ni nawh; pawmpêk tlâk cheu a ni âwm si nawh a.

NAMBAR 28:11

In thla thar taphawtah LALPA ta ding pumrawhmang thilinhlân inhlân ding a nih; bâwngchal tuoi pahni le berâmchal pakhat kum khat mi demkailo pasari;

NAMBAR 28:3

Chun, an kuomah hril rawh: ‘Hi hi meia thilinhlân LALPA kuoma in inhlân ding chu a nih: berâmte a chal kum khat mi demkailo ni tin pahni, pumrawhmang thilinhlân inhlân hrim dingin.

NAMBAR 28:9

“Chun, châwlniin berâmte, a chal kum khat mi, demkailo pahni le bei- phit thilinhlâna dingin beiphit indi mi epha hmun sâwma ṭhea hmun hni hrieka chawkpawl le chutaka dâwn- mi thilinhlân leh în hlân ding a nih;

MATTHAI 12:28

Amiruokchu, kei Pathien Thlarau leia khawhrihai hnawt dawk hlak ka ni chun, Pathien ram in kuomah a hung tlung tah nîng a tih.

MATTHAI 16:16

Simon Peterin, “Krista Pathien hring Naupa chu I nih,” a ta, a dawn a.

MATTHAI 20:28

Mihriem Naupa hi rawng- bâwlpêka um dinga hung a ni nawh a, rawngbâwl ding le mi tamtak intlan- na dinga, a hringna pe lem dinga a hung ang hin,” a ta.

MATTHAI 7:11

Chuongchun, nangni mi suol hmanin in nauhai thil ṭha pêk nachang in hriet chun, in Pa vâna mi chun a hnituhai chu thil ṭha a pêk lem hman hman naw ding am a nih?

LUKA 1:74

Chuongchun, ei hmêlmahai kuta inthawka mi sanhimin, ṭi loa a rawng ei bâwl theina ding le,

LUKA 12:24

Vaâkhai hi ngaituo ro, bu an tu ngai nawh, an sîk ngai nawh, bupanghai, bu inhai khawm an nei nawh; nisienlakhawm, Pathienin a châwm sih a; nangni chu vatehai nêk chun in hlut lemzie chu.

LUKA 12:28

Chuongchun, ram sâwlhna vawisûn anga hring, a zînga thuka ti nâwk el ding hman, Pathienin chuong ang lâwma a chei chun, aw, nangni ringna tlâwmhai, chuonghai nêk chun silfên a va pêk âwm cheu deh e!

LUKA 4:18

“Riengvaihai kuoma Chanchin Ṭha hril dinga a mi ruot leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

JOHAN 3:34

Pathien itir chun Pathien thu a hril hlak; ama chu Pathienin inkhi kherin Thlarau a pêk si nawh.

THILTHAWHAI 1:2

Thlarau Inthieng ṭhangpuia a tirko thlanghai kuoma thu a tiem zoa, vân tienga ṭhuoia a um ni chena thu kha.

THILTHAWHAI 10:38

Nazareth Isu chungchâng thu kha, khânga ama chu Pathienin Thlarau Inthieng le thilthawtheinaa a vurzie kha; ama chun mi chunga thawṭhain le diebol suknawmnat po po sukdamin a fang vêl hlak, Pathien a kuoma a um leiin.

THILTHAWHAI 14:15

“Puhai, iengdinga hieng thilhai hi in thaw am a na? Keini khawm in nungchang ang put mihriem kan ni hi; hieng thil teplohai hi in nghatsan a, vân hai, hnuoi hai, tuisuoriet hai, an sûnga um po pohai siemtu Pathien hring kuoma chun in hung kawpna dingin Chanchin Ṭha kan hung intlun cheu a ni hi.

THILTHAWHAI 15:9

chun, anni le eini thlier bîk loin, ringnain an lungril a sukthieng tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:20

Amaa mizie hmu thei lo hai, a chatuon thilthawtheina le a Pathien nizie chu, leihnuoi siem tîra inthawkin chiengtaka hmuin a um a, thilsiema chun ân lang a nih; chuleichun, suonlam ding hrim an nei nawh;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:4

inthiengna Thlarau tieng thua ruok chun mithi laia inthawka a thonâwkna chun Pathien Nau a ni zie thilthawtheina nasatakin ân hriettir a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:12

Chuongchun, an tlûkna hman khawvêl sukhausakna a na, an kiemna hman Jentailhai sukhausak- na a ni chun, an famkimna chu an hausakna a va ni nasa zuol ding de!

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:24

Nang oliv puopa hrima in- thawka sât thlâk hman, pieng dân naw anga oliv thing ṭhaa zawma i um chun, chuong a kâu tak takhai chu an bulpui, oliv thing pângngaia chun zawm an va ni nasa âwm de!

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:13

In taksa pênghai khawm fel nawna hriemhrei dingin suolna kuomah pe phal bawk naw ro; nisienlakhawm, mithi laia inthawka hring nâwk angin Pathien kuomah inpe unla, in taksa pênghai khawm chu felna hriemhrei dingin Pathien kuomah pe phal lem ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:22

Tu ruok hin chu suola inthawka sukfihlîma um a, Pathien suokhai in hung ni hin, inthiengna hmu khawpin ra in nei in sawnnaw; chu chu tâwpna kumkhuoa hringna leh.

1 KORINTH 15:45

Chuong ang bawkin, “Mihriem hmasatak Adam chu mi hring a hung nih,” ti ziek a nih; Adam nuhnung lem chu hringna petu thlarau a nih.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni sih a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

GALATI 2:19

Pathien tieng kawnga ka hung hring theina dingin kei chu Dân leiin Dân tieng kawngah ka thi ta sih a.

EPHESI 2:5

ei bawsietna leia thi ei ni lai meu khawmin, Krista ruolin a mi suk- hring veh a, (lunginsietnaa sandam in ni tah),

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

DÂN PAHNINA 15:21

Dem kaina nei, a ke inbai amanih, a mit indel amanih, dem kaina ieng ang khawm nei taphawt chu LALPA in Pathien kuomah inthâwina dingin in hmang ding a ni nawh.

DÂN PAHNINA 17:1

“Bâwngchal amanih, berâm amanih, demkâi le ṭhat nawna hrim hrim nei chun LALPA in Pathien kuomah in inthâwi ding a ni nawh; chu chu LALPA in Pathien ta dingin thil tirdakum a ni sih a.

DÂN PAHNINA 31:27

Hel in chîngzie dâm, in kâwmawzie dâm ka hriet a nih; ngai ta u, tuta ka la dampui lai cheu hmana LALPA chungah in hel hlak a; ka thi hnunga lem chu iengtin takin am a nasa ding chu aw!

DÂN PAHNINA 33:27

Chatuon Pathien chu în humhimna a na, Hnuoi tienga chun chatuon bân a um, Hmêlmahai chu a vaikiengpêk hlak cheh a, ‘Sukbohmang rawh,’ a tih a.

DÂN PAHNINA 5:26

Meia inthawka Pathien hring râwl kan hriet anga hre vea dam si taksa put hai po po lai tu am a um a?

1 THESSALONIKA 1:9

Nangni laiah ieng ang lawm- lûtna am kan dawng anni ngeiin an inhriettir a; milimhai chu Pathien tienga in nghatsanzie, Pathien hring le indiktak rawng bâwl ding le,

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.

HEBRAIHAI 1:3

Ama chu a Pathien ropuina var le, a tak angpui ngei leh, ama thil- thawtheina thuah iengkim tungding- tu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 10:10

Chu chu dit zâwng chun, Isu Krista taksa vawi khata hlân nghâl lei khan sukthiengin ei um tah.

HEBRAIHAI 10:12

ama ruok hi chu, chatuona dingin suolhai ta dinga inthâwina ṭum khat chau ân hlân hnungin, Pathien changtieng a hang ṭhung ta lem a.

HEBRAIHAI 10:2

Chuong chu ni naw sien chu a betuhai chu vawi khata sukthieng nghâla umin suolhai inhrietna nei ta naw nihai a, inhlân chu an ma dai ta naw ding am a nih?

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna fam- kim neia lungril indiktak putin hnai ei tiu.

HEBRAIHAI 11:21

Ringnain Jakob chun, a thi ding lai khan, Josef nauhai chu mal a sâwm ve ve a; a hmawl hmawr ring ringsanin Pathien a biek bawk a.

HEBRAIHAI 13:12

Chuongchun, Isu khawmin ama thisen ngeia mihai a sukthieng theina dingin, kul kawtkhâr puotieng chun a lo tuor tah a.

HEBRAIHAI 3:12

Unauhai, fimkhur ro, chuong naw chun, Pathien hring chu bânsan dingin nangni laiah tu sûnga khawm awi nawna lungril suol hung um rawi a tih.

HEBRAIHAI 6:1

Chuongchun, Krista thu bul hril ta loin puitling tieng pan ei tiu; lungphûm chu phûm nâwk ta loin– simna dâm, Pathien tienga ringna dâm,

HEBRAIHAI 7:16

tisa thupêk Dân thu anga siem mi ni lo, hring tâwp nei lo, thilthaw- theina anga siem lem mi, a hung um ding chun:

HEBRAIHAI 7:27

Chuong thiempu lalhai chun ni tin mâni suolna leiin inthawina an inhlân hmasa zet a, chu hnungah mihai suolna leiin an inhlân nâwk a. Chuong chu ama ta ding chun a ngai nawh, ama le ama ân hlân fâwm lai khan ṭum khatah a lo suktlingtla ta leiin.

HEBRAIHAI 9:12

ei ta dingin chatuona intlanna hmu tain, kêlte le bâwngte thisen lei ni loin, ama thisen lem leiin, Hmun Inthienga chun vawikhatah a lût thleng ta nghâl a.

HEBRAIHAI 9:26

chuongchu ni naw sienla leilung insieng tira inthawk vawi tamtak a tuor ta ding a na; nisienlakhawm, tulai hun tâwpa hin inthâwina dinga inhmang fâwmin, suol sukbona dingin vawi khatah a hung inlang ta nghâl a nih.

HEBRAIHAI 9:7

a dawttua ruok chun Thiempu Laltak chau kum tin vawikhat thisen chawi ngeiin a lût hlak, chu chu mihai le ama suolna ta dingin ân hlân hlak.

HEBRAIHAI 9:9

chu chu tulai tekhina hi a nih; chuong ang peiin thilpêk le in- thawinahai khawm an inhlân hlak, chuonghai chun sie le ṭha hrietna kawnga chun a betu chu a sukfamkim thei nawh;

1 PETER 1:19

berâmte hmêlhem lo le inthieng nawna kai lo thisen anga, Krista thisen hlu chun intlan in ni lem ti in hriet sih a.

1 PETER 2:22

Ama chun thil hrim a suksuol nawh a, a bauah zâwrna hrim a um bawk nawh.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuol- hai chun sukdamin in um tah a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk sih a, mi fel chun mi fel naw aiin a tuor a, tisaa sukhlumin a um a, thlaraua ruok chun sukhringin a um tah.

1 PETER 4:2

Chuongchun, hi hnunga tisaa in la um sûng po chu mihriem châk- nahai tienga um ta loin, Pathien dit zâwng tieng um tâng in tih.

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.

1 JOHAN 3:5

Ama chu suolhai la hmang dingin a hung inlang tah ti in hriet; amaa chun suol iengkhawm a um si nawh a.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

1 SAMUEL 17:26

Chun, David chun a kâwla ngîrhai kuoma chun, “Hi Philistin mi hi sukhlum a, Israelhai hmingsietna sukbotu chu iengti anga thaw ding am nîng a ta? Hi sertan lo Philistin mi hi tu am a na Pathien hring sipaihai a hei cho vei chu?” a ta.