HEBRAIHAI 9:11 - Pathien Lekhabu Inthieng (BSI)

¹¹ Nisienlakhawm, Krista chu thil ṭha hung um dinghaia Thiempu Laltak hung niin, biekbûk kuta bâwl naw, (chu chu hieng thilsiem laia mi hi a ni nawh tina a nih), ropui le famkim lem fe thlengin,

HEBRAIHAI 9:11 ပူးပေါင်းရင်းမြစ်များ

INṬANNA 49:10

Lal hmawl chu Judaa inthawk hin bo naw nih a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

INPÂKNA HLABU 40:7

Chu phingle chun keiin, “Ngai ta, ka hung ie, Lekhabu ziela chun ka thu ziek a nih:

ISAI 59:20

“Chun, Ziona chun intlantu hung a ta, Jakobhai laia bawsietna nghatsantuhai kuoma khawm hung a tih,” LALPAIN a tih.

JEREMIA 33:8

An suolna po po, ka chunga an lo suksuolnahaia inthawk khan anni chu sukthieng ka ta, an bawsietnahai po po chu ngaidam ka ta, ka chunga an lo suksuolnahai le, ka chunga an lo bawsietnahai chu.

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, LALPA in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai LALPA chun a tih.

MATTHAI 11:3

“A hung ding chu i ni, mi dang kan la ngai ding?” tiin.

MATTHAI 2:6

‘Chun, nang Juda rama Bethlehem, Juda khawpuihai laiah i chîn tak naw tawp; I sûnga inthawkin awptu a hung suok ding a ni sih a, Ka mi Israelhai vêngtu ding chu,’ ti hi,” an ta.

MARKA 14:58

“Hi mipa hin, ‘Hi Pathien biekin kuta bâwl hi ṭhiek ka ta, ni thum kâr chauin biekin dang, kuta bâwl naw mi bâwl ka tih,’ a ti kan hriet,” an ta.

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 4:25

Chun, nuhmei chun a kuomah, “Messie, Krista an ti chu a hung ding a nih ti ka hriet a, ama chu a hung phaleh iengkim mi la hril a tih,” a ta.

THILTHAWHAI 7:48

Nisienlakhawm, Achunghnung- tak chu kuta bâwl inhaiah a um ngai nawh; zâwlnei chun:-

2 KORINTH 4:18

thil hmuthei hi en loin, thil hmutheinawhai chu kan en lem sih a; thil hmutheihai hi sâwtnawtêa ding a na, thil hmutheinawhai ruok chu kumkhuoa ding a ni sih a.

2 KORINTH 5:1

Ei umna hnuoia in hi ṭiek sien khawm, vânah, in kuta bawl lo, kumkhuoa um zing ding, Pathien kuoma in nghet chu ei nei ti ei hriet sih a.

KOLOSSA 2:11

Krista sertannaa chun mihriem tisa suol chu hlîp vawngin, ama bawka chun kuta sertan ni lova sertan in ni kha.

HEBRAIHAI 10:1

Dân thu chun thil ṭha hung um dinghai angpui nei loin, a hlim chau a nei leiin, kum tina inthâwina pângngai an inhlân rawphai chun, a hung hnaihai chu iengtika khawm sukfamkim thei si naw ni a.

HEBRAIHAI 12:27

Chun, “Vawi khat la sukhnîng nâwk ka tih,” ti hin thil inhnîng nawhai chu a um zing theina dingin thil hung inhnînghai chu thil siemhai ang elin sawn hmangin a um ding a nih ti ân hriettir a.

HEBRAIHAI 13:14

Hitaka hin khaw hmun hlun ei nei si nawh a, khuo la hung um ding chu ei zawng lem a nih.

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiem- pu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

HEBRAIHAI 3:1

Chuongchun, unau inthieng vân kona chang vehai, ei thuringa Tirko le Thiempu Laltak, Isu chu ngaituo ro;

HEBRAIHAI 4:15

Thiempu Laltak ei hrât nawzie inhrietnahai mi hrietpui phâk naw nei ei ni si nawh a. Eini anga kawng tinrênga thlêmna tuok tah, suol ruok chu suol naw nei ei ni lem.

HEBRAIHAI 7:1

Chu Melkizedek chu Salem lal, Pathien Chunghnungtak Thiem- pu, Abraham lalhai thata a hung tieng lo tuoka malsâwmtu a nih.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

2 JOHAN 1:7

Hlêmtu tamtak — Isu Krista chu tisain a hung ti ṭan nawtuhai kha — khawvêla hin an hung suok ta sih a. Chuong ang mi chu an nih, hlêmtu le Krista kaltu chu.